ۇلتتىق اگرارلىق عىلىمي-بٸلٸم بەرۋ ورتالىعىنىڭ باسقارما تٶراعاسى, ۇلتتىق قوعامدىق سەنٸم كەڭەسٸنٸڭ مٷشەسٸ تٶلەۋتاي راحىمبەكوۆ جەردٸ شەتەلدٸكتەرگە ساتۋعا بٸرجولا تىيىم سالۋدى كٶزدەيتٸن زاڭ جوباسىنا قاتىستى پٸكٸر بٸلدٸردٸ, دەپ حابارلايدى قازاقپارات.
«اۋىل» حالىقتىق-دەموكراتييالىق پاتريوتتىق پارتيياسى ٶزٸنٸڭ سايلاۋالدى باعدارلاماسىندا شەتەلدٸك ازاماتتارعا, ازاماتتىعى جوق ازاماتتارعا, سونداي-اق شەتەلدٸك ازاماتتىڭ كەز كەلگەن قاتىسى بار زاڭدى تۇلعالارىنا جەردٸ ساتۋ مەن جالعا بەرۋدٸ مٷلدەم قولدامايتىنىن مەلٸمدەدٸ. نەلٸكتەن? بٸرٸنشٸدەن, جەر – اتا-بابالارىمىزدان قالعان امانات. ەكٸنشٸدەن, قازاقتار ەشقاشان جەرگە جەكە مەنشٸك قۇقىعىمەن يە بولعان ەمەس. كەيبٸرەۋلەر امەريكا, كانادا مەن ەۋروپانى مىسالعا كەلتٸرٸپ, جەردٸ جەكە مەنشٸككە ٶتكٸزۋگە ىنتالاندىرادى. بۇل جەردە تىم بولماعاندا حالىقتىڭ مەنتاليتەتٸن ەسكەرۋٸمٸز كەرەك», - دەيدٸ ۇلتتىق قوعامدىق سەنٸم كەڭەسٸنٸڭ مٷشەسٸ تٶلەۋتاي راحىمبەكوۆ.
ونىڭ ايتۋىنشا, ول مەملەكەتتەردە نەنٸ بولسىن ٶزٸنە مەنشٸكتەپ الۋ مەنتاليتەتٸ بار, ال قازاق حالقى ٷشٸن جەر – ورتاق قۇندىلىق.
«بٸز جەردٸ قاۋىم, رۋ بولىپ پايدالاندىق. ال قازٸرگٸ ۋاقىتتا قازاقستاندىقتىڭ جەردٸ 49 جىلعا جالعا الۋ قۇقىعى بار. 20 جاسىڭدا جەردٸ جالعا الىپ, اۋىل شارۋاشىلىعىمەن اينالىسساڭ, 69 جاسقا دەيٸنگٸ ۋاقىت جەتكٸلٸكتٸ بولار? ەگەر ول جەردە شارۋاشىلىعىن ٶربٸتٸپ, ورىندى پايدالانىپ جاتسا, جەردٸ جالعا الۋ ۋاقىتىن زاڭدى تٷردە ۇزارتۋدى قاراستىرۋ كەرەك. وسىدان ارتىق نە كەرەك? سونداي-اق, جالعا العان جەردٸڭ تيٸمدٸ پايدالانىلعانىن مەملەكەت قاتاڭ باقىلاۋدا ۇستاۋى تيٸس», - دەيدٸ ول.
ەسكە سالا كەتسەك, بۇعان دەيٸن مەملەكەت باسشىسى قاسىم-جومارت توقاەۆ جەردٸ شەتەلدٸكتەرگە ساتۋعا بٸرجولا تىيىم سالۋدى كٶزدەيتٸن زاڭ جوباسىن مەجٸلٸسكە جولداعانى تۋرالى جازعان بولاتىنبىز.
