فوتو: Instagram ەكاتەرينى بيۆول
بوكستان ەلەم چەمپيونى دميتريي بيۆول بۇرىنعى جۇبايى ەكاتەرينا بيۆولعا قارسى "جالا جابۋ" دەرەگٸ بويىنشا سوتتا جەڭٸسكە جەتتٸ, دەپ حابارلايدى Ult.kz.
سانكت-پەتەربۋرگ سوتتارىنىڭ باسپاسٶز قىزمەتٸنٸڭ حابارلاۋىنشا سانكت-پەتەربۋرگ قالاسىنىڭ سمولنين اۋداندىق سوتى دميتريي بيۆولدىڭ ەكاتەرينا بيۆولعا قاتىستى بەرگەن ازاماتتىق تالابىن قارادى. تالاپ ارىزدا شىندىققا سەيكەس كەلمەيتٸن, ار-نامىسىنا, قادٸر-قاسيەتٸنە جەنە ٸسكەرلٸك بەدەلٸنە نۇقسان كەلتٸرەتٸن مەلٸمەتتەردٸ جالعان دەپ تانۋ, سونداي-اق ولاردى تەرٸسكە شىعارۋ مٸندەتٸن جٷكتەۋ سۇرالعان. سوت ارىزدى قاناعاتتاندىردى.
"ٸس ماتەريالدارىنا سەيكەس, جاۋاپكەر 16.09.2024–11.08.2025 ارالىعىندا رەسەي فەدەراتسيياسىنىڭ اۋماعىندا تىيىم سالىنعان «Instagram» ەلەۋمەتتٸك جەلٸسٸندە تالاپكەرگە قاتىستى بەدەلٸنە نۇقسان كەلتٸرەتٸن مەلٸمەتتەر جارييالاعان. سونىمەن قاتار, 21.07.2025–11.08.2025 ارالىعىندا «Telegram» مەسسەندجەرٸندە مەتٸن فورماتىنداعى پٸكٸرلەر مەن جارييالانىمدار ورنالاستىرعان.
سوت جاۋاپكەر تاراتقان مەلٸمەتتەردٸ شىندىققا سەيكەس كەلمەيدٸ ەرٸ تالاپكەردٸڭ ار-نامىسىنا, قادٸر-قاسيەتٸنە جەنە ٸسكەرلٸك بەدەلٸنە نۇقسان كەلتٸرەدٸ دەپ تانىدى. وسىعان بايلانىستى ەكاتەرينا بيۆولعا ٶزٸنە تيەسٸلٸ (ٶزٸ باسقاراتىن) بارلىق سايتتاردا, ەلەۋمەتتٸك جەلٸلەردەگٸ پاراقشالارىندا جەنە مەسسەندجەرلەردەگٸ ارنالاردا (توپتاردا) اتالعان مەلٸمەتتەردٸ تەرٸسكە شىعارۋدى مٸندەتتەدٸ. تەرٸسكە شىعارۋ وسى ٸس بويىنشا سوت شەشٸمٸنٸڭ قارار بٶلٸگٸن جارييالاۋ ارقىلى جٷزەگە اسىرىلۋى تيٸس, سونداي-اق ٷشٸنشٸ تۇلعالاردىڭ تانىسۋى ٷشٸن اشىق قولجەتٸمدٸلٸك قامتاماسىز ەتٸلٸپ, ول جارييالانعان كٷننەن باستاپ التى اي بويى ساقتالۋى قاجەت" دەلٸنگەن حابارلامادا.
ايتا كەتەيٸك, ەكاتەرينا بيۆولدىڭ بۇرىنعى جۇبايىنا قاتىستى عانا ايتقان سٶزدەرٸنە سوت شەشٸمٸ شىقتى. بۇدان بٶلەك قازاقستاندا ەكاتەرينا بيۆولعا ٸزدەۋ جارييالانعان بولاتىن.
بۇعان دەيٸن ول ەلەۋمەتتٸك جەلٸلەردە قازاقتار مەن قىرعىزداردى قورلايتىن ۆيدەو جارييالاعان. 7 قازاندا قىرعىزستاندا وعان قاتىستى قاماۋعا الۋ تۋرالى وردەر بەرٸلگەن. ارتىنشا قازاقستان قۇزىرلى ورگاندارى دا ەكاتەرينا بيۆولعا ٸزدەۋ جارييالادى.
كەيٸنٸرەك, ەگەر ول ۇستالعان جاعدايدا, قازاقستان تاراپى بوكسشىنىڭ بۇرىنعى جۇبايىن رەسەيدەن ەكستراديتسييالاۋدى سۇراۋى مٷمكٸن ەكەنٸ بەلگٸلٸ بولدى.
دميتريي بيۆول - قىرعىزستاننىڭ تۋماسى, اناسى قازاقستاننان. رەسەيلٸك جەنە قىرعىزستاندىق كەسٸپقوي بوكسشى, جارتىلاي اۋىر سالماق دەرەجەسٸندە ٶنەر كٶرسەتەدٸ.
