2020 جىلى قازاقستاننىڭ ٷشٸنشٸ ەلدەرمەن تاۋار اينالىمى 14 پايىزعا تٶمەندەدٸ. بۇل تۋرالى ٷكٸمەت وتىرىسىندا قر قارجى مينيسترٸ ەرۇلان جاماۋباەۆ ايتتى, دەپ حابارلايدى قازاقپارات.
«مەملەكەتتٸك بيۋدجەتكە 9 ترلن 751 ملرد تەڭگە سوماسىندا كٸرٸستەر تٷستٸ نەمەسە جوسپار 102,7 پايىز اتقارىلدى. رەسپۋبليكالىق بيۋدجەتكە 6 ترلن 561 ملرد تەڭگە سوماسىندا كٸرٸستەر تٷستٸ نەمەسە جوسپار 100,3 پايىزعا ورىندالدى. كٸرٸستەر بويىنشا جوسپار 22 ملرد تەڭگەگە ارتىعىمەن ورىندالدى, ونىڭ ٸشٸندە سالىقتار - 16 ملرد تەڭگەگە. سالىقتار بويىنشا نەگٸزگٸ اسىرا ورىنداۋ سوماسى كورپوراتيۆتٸك تابىس سالىعىنا, پايدالى قازبالار ٶندٸرۋگە سالىناتىن سالىققا جەنە شيكٸ مۇنايعا ەكسپورتتىق كەدەن باجدارىنا تيەسٸلٸ», - دەدٸ مينيستر
ونىڭ دەرەگٸنشە, كورپوراتيۆتٸك تابىس سالىعى بويىنشا جوسپاردى اسىرا ورىنداۋ ٸرٸ سالىق تٶلەۋشٸلەر تٶلەمدەرٸنٸڭ ٶسۋٸنە بايلانىستى. پايدالى قازبالار ٶندٸرۋگە سالىناتىن سالىق بويىنشا اسىرا ورىنداۋدىڭ نەگٸزگٸ سەبەبٸ تٷستٸ مەتالداردى ٶندٸرۋ كٶلەمٸنٸڭ ۇلعايۋى بولدى. ال شيكٸ مۇنايعا ەكسپورتتىق كەدەن باجى بويىنشا اسىرا ورىنداۋ ەكسپورتتىق كەدەن باجى مٶلشەرلەمەسٸنٸڭ بٸر باررەل ٷشٸن 20-دان 40 اقش دوللارىنا دەيٸن ٶسۋٸنە بايلانىستى.
«سونىمەن بٸرگە, جوسپار قوسىلعان قۇن سالىعى بويىنشا بويىنشا 256 ملرد تەڭگەگە اتقارىلمادى. اتقارىلماۋ سەبەپتەرٸ: 2019 جىلمەن سالىستىرعاندا قوسىلعان قۇن سالىعىن قايتارۋ 1,5 ەسەگە نەمەسە 236 ملرد تەڭگەگە ٶسكەن; «ەلەكتروندىق شوت-فاكتۋرالار» اقپاراتتىق جٷيەسٸ دەرەكتەرٸنە سەيكەس ساتۋ بويىنشا اينالىمدار 14 پايىزعا ازايدى. نەگٸزگٸ تٶمەندەۋ تاۋ-كەن ٶنەركەسٸبٸ سالاسىنا تيەسٸلٸ. وندا اينالىمدار بۇرناعى جىلدىڭ 11 ايىمەن سالىستىرعاندا 42 پايىزعا نەمەسە 8 ترلن تەڭگەگە كەمٸگەن. 2019 جىلمەن سالىستىرعاندا قازاقستان رەسپۋبليكاسىنىڭ ٷشٸنشٸ ەلدەرمەن تاۋار اينالىمى 14 پايىزعا تٶمەندەدٸ», - دەدٸ ەرۇلان جاماۋباەۆ.
