قازاقستان رەسپۋبليكاسى پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ كۋۆەيتكە العاشقى رەسمي ساپارمەن كەلدٸ. ساپار اياسىندا سىرتقى ساياسي ۆەدومستۆوسىنىڭ باسشىسى كۋۆەيت سىرتقى ٸستەر مينيسترٸ شەيح احمەد ناسەر اس-ساباحپەن كەلٸسسٶزدەر جٷرگٸزدٸ, دەپ حابارلايدى "ۇلت اقپارات".
تاراپتار قازاقستان-كۋۆەيت قاتىناستارىنىڭ وڭ قارقىنىن اتاپ ٶتٸپ, ەكٸجاقتى ىنتىماقتاستىقتىڭ قازٸرگٸ جاعدايى مەن پەرسپەكتيۆالارىن تالقىلادى. ساۋدا-ەكونوميكالىق جەنە ينۆەستيتسييالىق سەرٸكتەستٸكتٸ تەرەڭدەتۋدٸڭ ماڭىزدىلىعى اتاپ ٶتٸلدٸ.
ٶزارا تيٸمدٸ ەرٸپتەستٸكتٸ ودان ەرٸ دامىتۋدى قامتاماسىز ەتۋگە باعىتتالعان قازاقستان-كۋۆەيت ٷكٸمەتارالىق كوميسسيياسىنىڭ جۇمىسىن جانداندىرۋدىڭ ماڭىزدىلىعىنا ەرەكشە نازار اۋدارىلدى. اعىمداعى جىلدان باستاپ ەكٸ ەلدٸڭ سىرتقى ٸستەر مينيسترلەرٸ وسى كوميسسيياعا بٸرلەسٸپ تٶراعالىق ەتەتٸن بولادى.
قازاقستان مەن كۋۆەيت سٸم باسشىلارى كٶپجاقتى ىنتىماقتاستىق شەڭبەرٸندەگٸ ٶزارا ٸس-قيمىلدىڭ دەڭگەيٸ مەن مازمۇنىنا قاناعاتتانعاندىقتارىن بٸلدٸردٸ. ٶڭٸرلٸك جەنە حالىقارالىق كٷن تەرتٸبٸندەگٸ ٶزەكتٸ مەسەلەلەر جٶنٸندە جان-جاقتى پٸكٸر الماسىلدى.
كەلٸسسٶزدەر قورىتىندىسى بويىنشا قازاقستان مەن كۋۆەيت سىرتقى ٸستەر مينيسترلەرٸنٸڭ بٸرلەسكەن مەلٸمدەمە قابىلداندى.
ساپار اياسىندا م.تٸلەۋبەردٸ كۋۆەيت پرەمەر-مينيسترٸ شەيح ساباح اس-ساباحپەن كەزدەسٸپ, قر پرەزيدەنتٸ ق. توقاەۆتىڭ كۋۆەيت ەمٸرٸ شەيح ناۋاف ەل-احمەد ەل-دجابەر اس-ساباحقا ٷستٸمٸزدەگٸ جىلدىڭ قازان ايىندا نۇر-سۇلتان قالاسىندا ٶتەتٸن اٶسشك VI سامميتٸنە قاتىسۋعا شاقىرۋىن تابىس ەتتٸ.
سونداي-اق قارجى مينيسترٸ, ەكونوميكا جەنە ينۆەستيتسييالار مەسەلەلەرٸ جٶنٸندەگٸ مەملەكەتتٸك مينيستر - Kuwait Investment Authority تەۋەلسٸز قورى ديرەكتورلار كەڭەسٸنٸڭ تٶراعاسى ابدۋل-ۋاحاب ەل-رۋشەيدپەن كەلٸسسٶزدەر ٶتتٸ. م.تٸلەۋبەردٸ سۇحباتتاسىن «استانا» حالىقارالىق قارجى ورتالىعىنىڭ قىزمەتٸمەن تانىستىرىپ, كۋۆەيت تاراپىن احقو-مەن ىنتىماقتاستىققا شاقىردى.
قر سىرتقى ٸستەر مينيسترٸ Alshaya Group كۋۆەيتتٸڭ ٸرٸ ينۆەستيتسييالىق حولدينگٸنٸڭ باسشىسى موحاممەد ەل-شايامەن كەزدەستٸ. كۋۆەيتتٸك بيزنەسمەن ٶز كومپانيياسىنىڭ قازاقستاننىڭ نارىعىنا قاتىسۋىن كەڭەيتۋگە مٷددەلٸلٸگٸن بٸلدٸردٸ. قازٸرگٸ ۋاقىتتا كومپانييا قر-دا Starbucks كوفەحانالار جەلٸسٸن, Mothercare بالالار كيٸم دٷكەندەرٸن كەڭەيتۋ, سونداي-اق Victoria 's Secret, American Eagle, Claire' s جەنە باسقا دا جاڭا حالىقارالىق ساۋدا برەندتەرٸن تارتۋ بويىنشا جوسپارلاردى قاراستىرۋدا.
