قازاقستاننىڭ نورۆەگيياداعى ەلشٸسٸ ەركٸن احينجانوۆ نورۆەگييالىق سۆالبارد پروۆينتسيياسىنىڭ (شپيتسبەرگەن ارحيپەلاگى) ەكٸمشٸلٸك ورتالىعى – لونگيير قالاسىنا ٸس-ساپارمەن باردى, دەپ حابارلايدى "ۇلت اقپارات".
سۆالبارد حالىقارالىق عىلىمي-زەرتتەۋ قاۋىمداستىعى ٷشٸن ەرەكشە ماعىناعا يە. سولتٷستٸك پوليۋسكە جاقىن ورنالاسقاندىعىنا جەنە بٸرەگەي كليماتتىق جاعدايعا بايلانىستى بۇل جەردە بٸرنەشە ەلدٸڭ عىلىمي ستانسالارى جەنە تەلەكوممۋنيكاتسييا, مەتەورولوگييا, سەيسمولوگييا, عارىشتىق زەرتتەۋلەر مەن ت.ب. سالالارىنداعى بٸرقاتار ماڭىزدى جوعارى تەحنولوگييالىق وبەكتٸلەر جۇمىس جاسايدى.
«بيىل قازاقستان تەۋەلسٸزدٸگٸنٸڭ 30-جىلدىعىن اتاپ ٶتەدٸ. بٷگٸنگٸ تاڭدا بٸزدٸڭ ەل پوستكەڭەستٸك كەڭٸستٸكتەگٸ ەكٸنشٸ, ال ورتالىق ازيياداعى ەڭ ٸرٸ ەكونوميكا. پرەزيدەنت قاسىم-جومارت توقاەۆتىڭ باسشىلىعىمەن قوعامدىق-ساياسي مەن ەكونوميكالىق سالالاردا كەشەندٸ رەفورمالار جٷزەگە اسىرىلۋدا. سونىمەن قاتار, ەلٸمٸز حالىقارالىق ەرٸپتەستٸكدٸڭ جاڭا مٷمكٸندٸكتەرٸن بەلسەندٸ تٷردە زەرتتەۋدە. بٸز سۆالباردتىڭ جەتەكشٸ كومپانييالارىمەن ينۆەستيتسييالىق جەنە عىلىمي-تەحنيكالىق ىنتىماقتاستىقتى تالقىلاۋ ٷشٸن كەلدٸك», - دەدٸ ە.احينجانوۆ سۆالبارد گۋبەرناتورىنىڭ مٸندەتٸن اتقارۋشى سٶلۆي ەلۆەدالمەن ٶتكەن كەزدەسۋ بارىسىندا.
ساپار اياسىندا سۆالباردتاعى دٷنيەجٷزٸلٸك تۇقىم قويماسىنىڭ ٷيلەستٸرۋشٸسٸ وسمۋند اسدالمەن, سونداي-اق جەردەگٸ «SvalSat» جەرسەرٸك ستانساسىنىڭ ديرەكتورى ماييا-ستينا ەكستەدتپەن مازمۇندى كەزدەسۋ ٶتتٸ. عىلىم, تەحنولوگييا جەنە بٸلٸم سالالارىنداعى ٶزارا ٸس-قيمىل مەسەلەلەرٸ سۆالباردتاعى ۋنيۆەرسيتەت ورتالىعى مەن نورۆەگ پوليارلىق ينستيتۋتىندا تالقىلاندى.
وسىمەن بٸرگە قازاقستاندىق دەلەگاتسييا تاريحي مەن مەدەني تۇرعىدان ماعىنالى, ماڭىزدى ٸرٸ دەرەكتەر, زيياتكەرلٸك مەنشٸك جەنە ت.ب. اقپاراتى بار تسيفرلىق دەرەكتەردٸ ساقتايتىن دٷنيەجٷزٸلٸك اركتيكا مۇراعاتىنا (AWA) باردى. مەلٸمەتتەر 500 جىلدان استام قىزمەت ەتە الاتىن قۇرىلعىلاردا ساقتالادى, ولار مەڭگٸ توڭدا تەرەڭدەگٸ بولات قويماعا ورنالاستىرىلعان.
قازاقستاننىڭ ۇلتتىق رەمٸزدەرٸ كٷنٸ قارساڭىندا مەملەكەتتٸك تۋ, ەلتاڭبا, ەنۇران, كونستيتۋتسييا جەنە 1991 جىلعى 16 جەلتوقسانداعى «قازاقستان رەسپۋبليكاسىنىڭ مەملەكەتتٸك تەۋەلسٸزدٸگٸ تۋرالى» زاڭى بار اقپاراتتىق فايلدار اتالعان مۇراعاتقا ورنالاستىرىلدى. فايلدار دٷنيەجٷزٸلٸك اركتيكا مۇراعاتىن باسقاراتىن «Piql» كومپانيياسىنىڭ ارنايى تەحنولوگيياسىمەن الدىن الا ارحيۆاتسييالانعان بولاتىن.
