قازاقستاننىڭ قوي ەتٸنە شەت ەلدەردٸڭ قىزىعۋشىلىعى جوعارى. بۇل تۋرالى جازىلبەك قۋانىشباەۆتىڭ 125 جىلدىعىنا ارنالعان «قازاقستاننىڭ قوي شارۋاشىلىعى: ٶتكەنٸ, بٷگٸنٸ جەنە كەلەشەگٸ» تاقىرىبىنداعى كونفەرەنتسييادا قر اۋىل شارۋاشىلىعى مينيسترٸ ساپارحان وماروۆ ايتتى, دەپ حابارلايدى قازاقپارات.
«قازٸرگٸ تاڭدا قازاقستاننىڭ ٸشكٸ نارىعى وتاندىق قوي ەتٸمەن 100 پايىزعا قامتاماسىز ەتٸلگەنٸن اتاپ ٶتكٸم كەلەدٸ. سونىمەن بٸرگە, وتاندىق قوي ەتٸنە شەت ەلدەردٸڭ قىزىعۋشىلىعى زور ەكەنٸ بەلگٸلٸ. مىسالى, بولجام بويىنشا 2026 جىلى قىتاي حالىق رەسپۋبليكاسى 232 مىڭ توننا, ەۋرازييا وداعى ەلدەرٸ 172 مىڭ توننا, بٸرٸككەن اراب ەمٸرلٸگٸ 228 مىڭ توننا, مالايزييا 46 مىڭ توننا قوي ەتٸن قاجەت ەتەدٸ. ال بۇل بٸزدٸڭ رەسپۋبليكامىزدىڭ كەڭ بايتاق جايىلىمدا قوي ٶسٸرۋدٸ دامىتۋعا زور مٷمكٸندٸك بەرەتٸنٸ انىق. بولاشاقتا رەسپۋبليكانىڭ قوي شارۋاشىلىعى جاھاندىق نارىقتا تەك جوعارى ساپالى ٶنٸممەن, جاڭا تەحنولوگييالاردى پايدالانۋمەن بەسەكەلەسە الادى», - دەدٸ مينيستر.
سونىمەن قاتار ول بيىل قازاقستان رەسپۋبليكاسىنىڭ اگروٶنەركەسٸپتٸك كەشەنٸن دامىتۋدىڭ مەملەكەتتٸك باعدارلاماسى اياقتالاتىندىعىن اتاپ ٶتتٸ.
«مەملەكەت باسشىسى ٷكٸمەتكە بيزنەسپەن بٸرلەسٸپ, اگروٶنەركەسٸپتٸك كەشەنٸن دامىتۋدىڭ الداعى 5 جىلعا ارنالعان ساپالى جاڭا ۇلتتىق جوباسىن ەزٸرلەۋدٸ تاپسىردى. وسى جىلدىڭ 21 سەۋٸرٸندە ٶتكەن رەفورمالار جٶنٸندەگٸ جوعارعى كەڭەستٸڭ كەزەكتٸ وتىرىسىندا مەملەكەت باسشىسى ۇلتتىق جوبا بويىنشا جالپى تەسٸلدەمەلەردٸ ماقۇلداندى. اگروٶنەركەسٸپتٸك كەشەنٸن دامىتۋعا باعىتتالعان ۇلتتىق جوبادا قوي شارۋاشىلىعىمەن اينالىساتىن فەرمەرلەردٸ ٷزدٸك دٷنيەجٷزٸلٸك تەجٸريبەلەر مەن تەحنولوگييالاردى قولدانۋعا ىنتالاندىرۋ, جايىلىمداردى يگەرۋدە جاڭا تەحنيكا مەن تەحنولوگييالاردى الۋعا جەڭٸلدەتٸلگەن كرەديتتەر بەرۋ, فەرمەرلەردٸ جايىلىممەن قامتاماسىز ەتۋ, حالىقارالىق قارجى ينستيتۋتتارىنان قاراجات تارتۋ, شوپانداردىڭ زەينەتكە شىعۋ جاسىن تٶمەندەتۋ, بالالارىنا مەملەكەتتٸك-جەكەشەلٸك ەرٸپتەستٸكتٸك نەگٸزٸندە مەكتەپ-ينتەرناتتار قۇرۋ سيياقتى ٸس-شارالار قاراستىرىلعان. الدا بٸرلەسٸپ اتقاراتىن جۇمىستار كٶپ», - دەدٸ ساپارحان وماروۆ.
