2020 جىلعى اقپان ايىنىڭ سوڭىندا قازاقستاننىڭ حالىقارالىق قورى 29,9 ملرد دوللاردى قۇرادى. بۇل ٶتكەن جىلدىڭ وسىنداي كەزەڭٸمەن (29,1 ملرد دوللار) سالىستىرعاندا 2,6 پايىزعا, وسى جىلدىڭ قاڭتارىنان 1,9 پايىزعا كٶپ, دەپ حابارلايدى "ۇلت اقپارات" Finprom.kz سايتىنا سٸلتەمە جاساپ.
قورلاردىڭ ۆاليۋتالىق بٶلٸگٸ سەۋٸردەگٸ جاعداي بويىنشا بٸرشاما قىسقارىپ, نە بەرٸ 9,6 ملرد دوللاردى قۇرادى. ال 2015 جىلدىڭ اقپانىندا ونىڭ كٶلەمٸ 21,3 ملرد دوللار بولعان ەدٸ. حالىقارالىق قوردىڭ قۇرامىنداعى التىن كٶلەمٸ قارقىندى ٶسٸپ كەلە جاتىر. بٸر جىلدىڭ ٸشٸندە ۇلتتىق بانكتىڭ التىن-ۆاليۋتا قورى قۇرىلىمىنداعى مونەتارلىق التىن كٶلەمٸ 33,7 پايىزعا نەمەسە 5,1 ملرد دوللارعا ۇلعايىپ, 20,3 ملرد دوللارعا جەتٸپ وتىر. سوڭعى 5 جىلدىڭ ٸشٸندە التىن قورىنىڭ ٷلەسٸ 26,1 پايىزدان 67,9 پايىزعا دەيٸن ارتتى.
تولىقتاي العاندا, حالىقارالىق قورلاردىڭ ٶسٸمٸ التىن ساتىپ الۋ وپەراتسييالارىن جٷرگٸزۋ, سونىمەن قاتار ونىڭ ەلەمدٸك نارىقتاعى باعاسىنىڭ كٶتەرٸلۋٸ ەسەبٸنەن ورىن الدى. ايتالىق, 2020 جىلدىڭ 31 ناۋرىزىنداعى جاعدايعا سەيكەس, التىننىڭ 1 ۋنتسيياسىنىڭ باعاسى 1618,3 دوللاردى قۇراپ, جىل باسىنان بەرٸ 5,4 پايىز ٶستٸ.
ايتا كەتەرلٸگٸ, ەلەمنٸڭ كٶپتەگەن دامىعان ەلدەرٸنە مەملەكەتتٸڭ التىن-ۆاليۋتا قورىنداعى التىن ٷلەسٸ باسىم بٶلٸكتٸ الادى. مەسەلەن, ەو ەلدەرٸندە مەملەكەت قورىنداعى التىن ٷلەسٸ ورتاشا ەسەپپەن 58,6 پايىزدى قۇرايدى. وسى جىلدىڭ ناۋرىزىندا ەلەم ەلدەرٸ ٸشٸندە اقش-تىڭ التىن قورى ەڭ كٶپ بولدى. بۇل ەلدە 8,1 مىڭ توننا التىن بار. ال قازاقستان التىن قورى بويىنشا جالپى ەلەمدٸك رەيتينگتە 15-ورىندا تۇر. ەلٸمٸزدە 386,5 توننا التىن بار.
