فوتو: elements.envato.com
قازاقستاننىڭ كەي قالالارىندا باسپانانى جالعا بەرۋ باعاسى تٶمەندەي باستادى. كەيٸنگٸ اپتادا باعانىڭ تٶمەندەۋٸ پەتروپاۆل, اقتٶبە, پاۆلودار, ورال جەنە استانا قالالارىندا بايقالدى, - دەپ حابارلايدى Tengrinews.kz اگەنتتٸگٸ Krisha.kz سايتىنا سٸلتەمە جاساپ.
Krisha.kz ساراپشىلارى كەيٸنگٸ اپتاداعى, ياعني 5-12 قازانداعى باعا مونيتورينگٸ دەرەكتەرٸن ۇسىندى. رەسەيدە ٸشٸنارا موبيليزاتسييا جارييالانعاننان كەيٸن العاشقى اپتالاردا جالعا بەرۋ باعاسى ٶسكەن قالالاردا جالداۋ اقىسى تٶمەندەي باستادى.
مەسەلەن, بٸر اپتا ٸشٸندە ايتارلىقتاي ارزانداۋ پەتروپاۆل مەن اقتٶبەدە (باعانىڭ 14 پايىزدان اسا تٶمەندەۋٸ, ورتا ەسەپپەن بٸر شارشى مەترگە شامامەن 4400 تەڭگە), سونداي-اق ورال مەن پاۆلوداردا (10 پايىزدان اسا) بايقالدى. استانادا كەيٸنگٸ اپتادا جالعا بەرٸلەتٸن تۇرعىن ٷي باعاسى 6,8 پايىزعا ارزانداعان.
بۇل رەتتە الماتى, اقتاۋ, قاراعاندى, ٶسكەمەن, شىمكەنت قالالارىندا جالعا الۋ باعاسى قىمباتتاعان. بٸر اپتادا جالعا بەرۋ باعاسى الماتىدا بٸردەن 8,9 پايىزعا (1 شارشى مەتر باعاسى 5 555 تەڭگە), اقتاۋدا 9,8 پايىزعا (شارشى مەترٸ 3 035 تەڭگە) ٶسكەن.
الماتىدا جالعا بەرٸلەتٸن پەتەرلەردٸڭ ارزانداماۋى ٸشٸنارا نارىق قۇرىلىمىنىڭ ٶزگەرۋٸنە جەنە ارزان پەتەرلەردٸڭ تاپشىلىعىنا بايلانىستى ەكەنٸ اتاپ ٶتٸلدٸ. 12 قازانداعى جاعداي بويىنشا پەتەرلەردٸڭ ابسوليۋت باعاسى بويىنشا قالا كٶش باستاپ تۇر – بٸر بٶلمەلٸ پەتەر 270 000 تەڭگە, ەكٸ بٶلمەلٸ پەتەر - 500 000, ٷش بٶلمەلٸ پەتەر 750 000 تەڭگە. استانا باعا بويىنشا ەكٸنشٸ ورىندا – بٸر بٶلمەلٸ پەتەر 250 مىڭ تەڭگە, ەكٸ بٶلمەلٸ پەتەر 350 مىڭ, ٷش بٶلمەلٸ پەتەر 500 مىڭ تەڭگە.
