قارۋلى كٷشتەردە ەسكەرلەردٸ قورىتىندى تەكسەرۋ باستالدى, دەپ حابارلايدى "ۇلت اقپارات" قر قورعانىس مينيسترلٸگٸنٸڭ باسپاسز قىزمەتٸنە سٸلتەمە جاساپ.
شاراعا جەكە قۇرام 100% قاتىساتىن بولادى. ەكٸ اپتا ٸشٸندە ەربٸر ەسكەري قىزمەتشٸ نورماتيۆتەردٸ ورىنداۋ, سىناقتار مەن تەست تاپسىرۋ قورىتىندىلارى بويىنشا ٶزٸنٸڭ كەسٸبيلٸگٸ نەگٸزٸندە باعالاناتىن بولادى. بٶلٸمشەلەردٸڭ جاۋىنگەرلٸك قابٸلەتٸ مەن ٷيلەسٸمدٸلٸگٸ, كومانديرلەردٸڭ جەكە قۇرامدى باسقارا بٸلۋٸ ەسەپتٸك كەزەڭدە ٶتكٸزٸلگەن وقۋ-جاتتىعۋلاردىڭ نەتيجەسٸ بويىنشا قورىتىندىلانادى.
2020 جىل قارۋلى كٷشتەر ٷشٸن ەرەكشە جىل بولدى. كوروناۆيرۋستىق پاندەمييانىڭ ٶرشۋٸ كەزٸندە ەسكەر تٶتەنشە جاعدايدى قامتاماسىز ەتۋ شارالارىنا تارتىلدى. 10 مىڭنان استام ەسكەري قىزمەتشٸ بلوكپوستاردا قىزمەت اتقاردى. ەلدٸ مەكەندەردٸ پاترۋلدەۋگە قاتىسىپ, ەلەۋمەتتٸك ماڭىزى بار نىسانداردى قاراۋىلدادى. بٸرقاتار ەسكەري مەديتسينالىق مەكەمەر COVID-ستاتسيونارلار رەتٸندە قايتا بەيٸvدەلدٸ, ال ەسكەري گوسپيتالدار مەن لازارەتتەردٸڭ دەرٸگەر-مەيٸربيكەلٸك بريگادالارى جەرگٸلٸكتٸ دەنساۋلىق ساقتاۋ ورگاندارىنىڭ قاراماعىنا جٸبەرٸلدٸ.
«وسىعان قاراماستان, ەسكەردٸڭ جاۋىنگەرلٸك ەزٸرلٸگٸن قولداۋ جٶنٸندەگٸ بارلىق ٸس-شارالار تولىق كٶلەمدە ورىندالۋدا. جىل باسىنان بەرٸ 200-دەن استام تاكتيكالىق وقۋ-جاتتىعۋى جەنە 20 000-نان استام جاۋىنگەرلٸك اتىس ٶتكٸزٸلدٸ.
كارانتين شارالارىن جەڭٸلدەتە وتىرىپ, ەسكەريلەر اۋقىمدى ٸس-شارالارعا كٸرٸستٸ. قىركٷيەك ايىندا ەلٸمٸزدٸڭ باتىس ٶڭٸرٸندە ەسكەرلەردٸڭ سان الۋان توپتاسۋىمەن لاڭكەستٸككە قارسى وقۋ-جاتتىعۋلار ٶتكٸزٸلدٸ. جامبىل وبلىسىندا «الداسپان» ٸرٸ جەدەل-تاكتيكالىق جەنە الماتى وبلىسىندا بريگادالىق تاكتيكالىق وقۋ-جاتتىعۋلار ٶتتٸ.
قازٸر ەلٸمٸزدٸڭ بارلىق ٶڭٸرلەرٸندە پوليگوندار مەن وقۋ-جاتتىعۋ الاڭدارىندا ارنايى وپەراتسييالار كٷشتەرٸنٸڭ جاۋىنگەرلٸك ەزٸرلٸگٸن تەجٸريبەلٸك تەكسەرۋ جٷرٸپ جاتىر.
ال الماتى وبلىسىنىڭ تٸلەنديەۆ كەنتٸندەگٸ وقۋ ورتالىعىندا ەل تاريحىنداعى العاشقى كەشەندٸ بٸتٸمگەرشٸلٸك وقۋ-جاتتىعۋى ٶتكٸزٸلٸپ جاتىر. اتالمىش وقۋ-جاتتىعۋ اعىمداعى جىلدىڭ 8 قازانىنا دەيٸن جالعاسادى. وقۋ-جاتتىعۋعا دەسانتتىق-شابۋىلداۋ ەسكەرلەرٸنٸڭ, ەسكەري-ەۋە كٷشتەرٸنٸڭ, ەسكەري پوليتسييانىڭ, ەسكەري مەديتسينالىق مەكەمەلەردٸڭ, بٸتٸمگەرشٸلٸك دايارلاۋ جەنە ميناسىزداندىرۋ ورتالىقتارىنىڭ جەكە قۇرامى قاتىسادى»,-دەلٸنگەن حابارلامادا.
