Qarýly Kúshterde áskerlerdi qorytyndy tekserý bastaldy, dep habarlaidy "Ult aqparat" QR Qorǵanys ministrliginiń baspasz qyzmetine silteme jasap.
Sharaǵa jeke quram 100% qatysatyn bolady. Eki apta ishinde árbir áskeri qyzmetshi normativterdi oryndaý, synaqtar men test tapsyrý qorytyndylary boiynsha óziniń kásibiligi negizinde baǵalanatyn bolady. Bólimshelerdiń jaýyngerlik qabileti men úilesimdiligi, komandirlerdiń jeke quramdy basqara bilýi eseptik kezeńde ótkizilgen oqý-jattyǵýlardyń nátijesi boiynsha qorytyndylanady.
2020 jyl Qarýly Kúshter úshin erekshe jyl boldy. Koronavirýstyq pandemiianyń órshýi kezinde ásker tótenshe jaǵdaidy qamtamasyz etý sharalaryna tartyldy. 10 myńnan astam áskeri qyzmetshi blokpostarda qyzmet atqardy. Eldi mekenderdi patrýldeýge qatysyp, áleýmettik mańyzy bar nysandardy qaraýyldady. Birqatar áskeri meditsinalyq mekemer COVID-statsionarlar retinde qaita beiivdeldi, al áskeri gospitaldar men lazaretterdiń dáriger-meiirbikelik brigadalary jergilikti densaýlyq saqtaý organdarynyń qaramaǵyna jiberildi.
«Osyǵan qaramastan, áskerdiń jaýyngerlik ázirligin qoldaý jónindegi barlyq is-sharalar tolyq kólemde oryndalýda. Jyl basynan beri 200-den astam taktikalyq oqý-jattyǵýy jáne 20 000-nan astam jaýyngerlik atys ótkizildi.
Karantin sharalaryn jeńildete otyryp, áskeriler aýqymdy is-sharalarǵa kiristi. Qyrkúiek aiynda elimizdiń batys óńirinde áskerlerdiń san alýan toptasýymen lańkestikke qarsy oqý-jattyǵýlar ótkizildi. Jambyl oblysynda «Aldaspan» iri jedel-taktikalyq jáne Almaty oblysynda brigadalyq taktikalyq oqý-jattyǵýlar ótti.
Qazir elimizdiń barlyq óńirlerinde poligondar men oqý-jattyǵý alańdarynda arnaiy operatsiialar kúshteriniń jaýyngerlik ázirligin tájiribelik tekserý júrip jatyr.
Al Almaty oblysynyń Tilendiev kentindegi oqý ortalyǵynda el tarihyndaǵy alǵashqy keshendi bitimgershilik oqý-jattyǵýy ótkizilip jatyr. Atalmysh oqý-jattyǵý aǵymdaǵy jyldyń 8 qazanyna deiin jalǵasady. Oqý-jattyǵýǵa desanttyq-shabýyldaý áskerleriniń, Áskeri-áýe kúshteriniń, Áskeri politsiianyń, áskeri meditsinalyq mekemelerdiń, bitimgershilik daiarlaý jáne minasyzdandyrý ortalyqtarynyń jeke quramy qatysady»,-delingen habarlamada.
