2019 جىلعى قاڭتار-سەۋٸردە ەلٸمٸزدٸڭ ەۋرازييالىق ەكونوميكالىق وداق ەلدەرمەن ٶزارا ساۋدا كٶلەمٸ 0,3 پايىزعا كەمٸدٸ. بۇل جايىندا قر ۇەم ستاتيستيكا كوميتەتٸ مەلٸم ەتتٸ, دەپ حابارلايدى "ۇلت اقپارات".
«2019 جىلعى قاڭتار-ناۋرىزداعى قازاقستان رەسپۋبليكاسىنىڭ ەاەو ەلدەرٸمەن ٶزارا ساۋداسى 4 446,8 ملن اقش دوللارىن قۇراپ, 2018 جىلعى قاڭتار-ناۋرىزبەن سالىستىرعاندا, 0,3 پايىزعا كەمٸدٸ. ونىڭ ٸشٸندە ەكسپورت - 1 344,5 ملن اقش دوللارى (4,8 پايىزعا ازايدى), يمپورت - 3 102,3 ملن اقش دوللارى (1,7 پايىزعا ٶستٸ)», - دەلٸنگەن كوميتەت مەلٸمەتٸندە.
ايتا كەتەرلٸگٸ, قازاقستان رەسپۋبليكاسىنىڭ ەاەو ەلدەرٸمەن سىرتقى ساۋدا اينالىمى جالپى كٶلەمٸندە رەسەي فەدەراتسيياسىنا - 92,8, قىرعىزستان رەسپۋبليكاسىنا - 4, بەلارۋس رەسپۋبليكاسىنا - 3,1, ارمەنييا رەسپۋبليكاسىنا 0,1 پايىز تيەسٸلٸ.
