قازاقستاننىڭ دايىن تاۋارلارى سىرتقى نارىقتا سۇرانىسقا يە. بۇل تۋرالى سەناتتىڭ جالپى وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى قازاقپارات.
«وسى جىلدىڭ 10 ايىنىڭ كٶرسەتكٸشتەرٸ بويىنشا ەلٸمٸزدٸڭ ەكونوميكاسىندا 3,5 پايىز ٶسٸم تٸركەلگەن. ونىڭ ٸشٸندە نەگٸزگٸ درايۆەرلەر ٶڭدەۋ ٶنەركەسٸبٸ 5,3, قۇرىلىس سالاسى 7,6 پايىز ٶستٸ. شەتەلدٸك ينۆەستيتسييالار 30,4 پايىز ارتتى. تاۋ-كەن سالاسىن ەسكەرمەگەندە نەگٸزگٸ كاپيتالعا سالىنعان ينۆەستيتسييالار 14 پايىزعا ارتتى. ال بىلتىر وسى سالالار بويىنشا ٶڭدەۋ ٶنەركەسٸبٸ 4 پايىزعا ٶستٸ. قۇرىلىس سالاسى 11,6 پايىزعا ۇلعايدى. ياعني, بىلتىر دا وسى سالالاردا جوعارى ٶسٸم بولعان», - دەدٸ ٷكٸمەت باسشىسى سەناتورلاردىڭ ساۋالىنا وراي.
ونىڭ اتاپ ٶتۋٸنشە, شىنايى سەكتور ۇلتتىق ەكونوميكا تۇراقتىلىعىنىڭ, بەسەكەگە قابٸلەتٸنٸڭ فاكتورىنا اينالعان.
«بيىل ٶڭدەلگەن تاۋار ەكسپورتى 25,5 پايىزعا ٶستٸ. ياعني, بۇل تاۋارلارىمىزدىڭ سىرتقى نارىقتا سۇرانىسقا يە ەكەندٸگٸن بٸلدٸرەدٸ. جالپى, بيىل ەكسپورت 20 پايىزعا ارتىپ وتىر. دەمەك, بارلىق وڭ ديناميكا, قالپىنا كەلۋ ديناميكاسى انىق كٶرٸنٸپ تۇر. ەكونوميكانىڭ قالپىنا كەلۋ قارقىنىن بارلىق حالىقارالىق قارجى ينستيتۋتى مويىنداپ وتىر. ٶتكەن جىلى بٸردە-بٸررەيتينگتٸك اگەنتتٸك بٸزگە كرەديتتٸك رەيتينگتٸ تٶمەندەتكەن ەمەس. كەرٸسٸنشە, كەيبٸر كٶرسەتكٸشتەر بويىنشا ٶسٸم بولدى. كٷنٸ كەشە عانا حالىقارالىق ۆاليۋتا قورىنىڭ ميسسيياسىمەن كەزدەستٸم. ولار بيىل بٸزدەگٸ ٶسٸم 3,8 پايىزدىق دەڭگەيدە بولاتىندىعىن بولجايدى. ال تولىقتاي العاندا, ٶزگە حالىقارالىق قارجى ينستيتۋتتارىنىڭ بولجامى 3,8-4 پايىز دەڭگەيٸندە بولىپ وتىر. كەلەر جىلى ەكونوميكا ٶسٸمٸ 4,5 پايىزعا دەيٸن جەتەتٸندٸگٸ جايىندا بولجام بار», - دەدٸ اسقار مامين.
