مەملەكەت باسشىسى قازاقستاننىڭ باس مٷفتيٸ سەرٸكباي قاجى ورازدى قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا نۇرسۇلتان نازارباەۆ سەرٸكباي قاجى ورازدى قازاقستاننىڭ باس مٷفتيٸ لاۋازىمىنا سايلانۋىمەن قۇتتىقتادى.
– مەن تەۋەلسٸزدٸك كٷنٸ قارساڭىندا سٸزدٸ وسىنداي جوعارى لاۋازىمعا سايلانۋىڭىزبەن قۇتتىقتاۋ ٷشٸن شاقىردىم. تەۋەلسٸزدٸكتٸڭ ارقاسىندا دەستٷرٸمٸزدٸ قايتا جاڭعىرتىپ, اتا-بابامىزدىڭ دٸنٸن ۇستانۋ مٷمكٸندٸگٸنە يە بولدىق. مەملەكەت تاراپىنان كەز كەلگەن ازاماتتىڭ دٸني بوستاندىعىن قامتاماسىز ەتۋ ٷشٸن بارلىق جاعداي جاسالدى, – دەدٸ قازاقستان پرەزيدەنتٸ.
ەلباسى دٸن ٸستەرٸ جەنە ازاماتتىق قوعام مينيسترلٸگٸ ارقىلى دٸني قاتىناستار سالاسىن رەتتەۋدە مەملەكەت ەرەكشە رٶل اتقاراتىنىن ايتتى.
– قازاقستان – زايىرلى مەملەكەت. مينيسترلٸك دٸنگە قانداي دا بٸر شەكتەۋ قويۋ ٷشٸن قۇرىلعان جوق. مينيسترلٸك دٸن سالاسىندا تەرتٸپ ورناتىپ, دٸن جولىنداعى ادامدار بٸر-بٸرٸنٸڭ قۇقىعىن بۇزباۋىن قامتاماسىز ەتۋ ٷشٸن قۇرىلعان, – دەدٸ مەملەكەت باسشىسى.
سونداي-اق, نۇرسۇلتان نازارباەۆ ەزٸرلەنٸپ جاتقان دٸني قىزمەت تۋرالى زاڭنىڭ نەگٸزگٸ ەرەجەلەرٸن كەڭ اۋقىمدا تٷسٸندٸرٸپ, حالىققا جەتكٸزۋ جٶنٸندە بٸرلەسە جۇمىس جٷرگٸزۋدٸڭ قاجەتتٸگٸنە نازار اۋداردى.
بۇدان بٶلەك, مەملەكەت باسشىسى قازاقستان مۇسىلماندارى دٸني باسقارماسىنىڭ ٶكٸلدەرٸمەن بيىلعى سەۋٸردەگٸ كەزدەسۋٸنە توقتالىپ, وندا سانانى جاڭعىرتىپ, ەلٸمٸزدٸڭ تاريحي جەنە رۋحاني بايلىعىن ساقتاۋ قاجەتتٸگٸ تالقىلانعانىن اتاپ ٶتتٸ.
– پاتريوتريزم, وتاندى سٷيۋ, ەلٸمٸزدەگٸ جەنە ٶڭٸردەگٸ تۇراقتىلىق – بٸزدٸڭ بولاشاعىمىزدىڭ كەپٸلٸ. سول ٷشٸن بٸز بٸرلەسە جۇمىس ٸستەۋٸمٸز كەرەك, – دەدٸ ەلباسى.
نۇرسۇلتان نازارباەۆ قازاقستان مۇسىلماندارى ٷشٸن حانافي مازحابىنىڭ دەستٷرلٸ سيپاتىنا نازار اۋدارىپ, بۇل اعىمنىڭ مەنٸن ۇعىندىرۋ قاجەتتٸگٸن ايتتى.
– دٸن جولىنداعى ادامداردىڭ اراسىندا جاستار دا بار. مەشٸتتەرگە سەن ٷشٸن باراتىندار دا بار, شالبارىنىڭ بالاقتارىن قىسقارتىپ, ساقال قويعان دٸندارلار دا بار. سولاردىڭ بەرٸنە يسلام دٸنٸنٸڭ نەگٸزٸن تٷسٸندٸرۋ كەرەك, – دەدٸ قازاقستان پرەزيدەنتٸ.
سونداي-اق, مەملەكەت باسشىسى راديكالدى دٸني اعىمداردى ۇستانۋشىلارمەن ارنايى تٷسٸندٸرۋ جۇمىستارىن جٷرگٸزۋ قاجەتتٸگٸنە نازار اۋداردى.
– دەستٷرلٸ حانافي مازحابىنىڭ قاعيدالارىن جەنە ونىڭ تەرٸس پيعىلدى دٸني اعىمداردان ايىرماشىلىعىن تٷسٸندٸرۋ ٷشٸن قۇران مەن حاديستەردٸ بٸلەتٸن بٸلٸكتٸ يمامداردى تارتۋ قاجەت, – دەدٸ مەملەكەت باسشىسى.
سونىمەن قاتار ەلباسى مۇقتاج جاندارعا ەلەۋمەتتٸك كٶمەك كٶرسەتۋ ٷشٸن عانا ەمەس, سونداي-اق عىلىمي زەرتتەۋلەر مەن كونفەرەنتسييالار ٶتكٸزٸپ, اقپاراتتىق-تٷسٸندٸرۋ جۇمىستارىن جٷرگٸزۋ ٷشٸن دە مەتسەناتتىقتى دامىتۋدىڭ ماڭىزدىلىعىن اتاپ ٶتتٸ.
قازاقستاننىڭ باس مٷفتيٸ جىلى قابىلداعانى ٷشٸن مەملەكەت باسشىسىنا العىس ايتتى.
– قازاقستان مۇسىلماندارى دٸني باسقارماسىنىڭ الدىندا تاريحي تۇرعىدان قالىپتاسقان دەستٷرلٸ دٸني مەكتەپتٸ قايتا جاڭعىرتۋعا بايلانىستى ٷلكەن مٸندەتتەر تۇر, – دەدٸ سەرٸكباي قاجى وراز.
– سٸز «بولاشاققا باعدار: رۋحاني جاڭعىرۋ» اتتى ماقالاڭىزدا جاڭا ٷردٸستەر مەن ەلەمدەگٸ ٶزگەرٸستەرگە بەت بۇرۋ قاجەتتٸگٸ تۋرالى ايتتىڭىز. بٷگٸندە بٸزدٸڭ يمامدار جاڭا ەدەبيەتتەردٸ زەرتتەپ, ۋاعىز ايتۋ مەن مٸناجات ەتۋ بارىسىندا وسى بٸلٸمدەرٸن قولدانۋدا, – دەدٸ باس مٷفتي.
كەزدەسۋ سوڭىندا نۇرسۇلتان نازارباەۆ پەن سەرٸكباي قاجى وراز ەلٸمٸزدەگٸ دٸني بٸلٸم بەرۋ مەسەلەسٸن تالقىلادى.
.jpeg)