بٷگٸن نۇر-سۇلتان قالاسىندا ٶتكەن قازاقستان مۇسىلماندارى دٸني باسقارماسىنىڭ كەزەكتەن تىس ٸح قۇرىلتايىندا سەرٸكباي قاجى وراز قمدب تٶراعاسى, باس مٷفتي قىزمەتٸنە ناۋرىزباي قاجى تاعانۇلىنىڭ كانديداتۋراسىن ۇسىندى, دەپ حابارلايدى قمدب باسپاسٶز قىزمەتٸ.
قمدب باسپاسٶز قىزمەتٸنٸڭ مەلٸمەتٸنشە, قۇرىلتايعا جينالعان 300 دەلەگات سەرٸكباي قاجى ورازدىڭ ۇسىنعان كانديداتۋراسىنا بٸراۋىزدان داۋىس بەرٸپ, قولداۋ كٶرسەتٸپ, ناۋرىزباي قاجى تاعانۇلىن باس مٷفتيلٸككە سايلادى.
«ناۋرىزباي قاجى تاعانۇلى مەنٸڭ بٸرٸنشٸ ورىنباسارىم رەتٸندە كٶپتەگەن يگٸ جوبالاردى جٷزەگە اسىردى. دٸني سالادا تەجٸريبەسٸ مول. ناۋرىزباي قاجى تاعانۇلىنىڭ دٸني باسقارما جۇمىسىن جانداندىرىپ, جاڭا باستامالارعا ۇيىتقى بولاتىنىنا سەنەمٸن», – دەدٸ سەرٸكباي قاجى وراز.
قۇرىلتايعا قاتىسقان قر اقپارات جەنە قوعامدىق دامۋ مينيسترٸ دەۋرەن اباەۆ سەرٸكباي قاجى ورازدىڭ 2017-2020 جىلدارى اتقارعان جۇمىسىنا وڭ باعا بەرٸپ, قمدب تٶراعاسى, باس مٷفتي ناۋرىزباي قاجى تاعانۇلىنىڭ جاڭا قىزمەتٸنە سەتتٸلٸك تٸلەدٸ. سونىمەن قاتار, دٸني سالاداعى ورتاق شارالاردى بٸرلەسە جٷزەگە اسىرۋعا نيەتتەستٸك بٸلدٸردٸ.
ايتا كەتەيٸك, ناۋرىزباي قاجى تاعانۇلى وسىعان دەيٸن قمدب تٶراعاسىنىڭ بٸرٸنشٸ ورىنباسارى, «ەزٸرەت سۇلتان» مەشٸتٸنٸڭ باس يمامى قىزمەتٸن اتقاردى. ٶتپەنوۆ ناۋرىزباي تاعانۇلى 1977 جىلدىڭ 13 ناۋرىزىندا دٷنيەگە كەلگەن.
تاشكەنتتەگٸ «يمام ەل-بۇحاري» اتىنداعى يسلام ينستيتۋتىن, قمدب جانىنداعى يسلام ينستيتۋتىن, اباي اتىنداعى الماتى مەملەكەتتٸك ۋنيۆەرسيتەتٸنٸڭ ماگيستراتۋراسىن, «نۇر-مٷبەرەك» مىسىر يسلام مەدەنيەتٸ ۋنيۆەرسيتەتٸنٸڭ PhD دوكتورانتۋراسىن بٸتٸرگەن. مىسىر اراب رەسپۋبليكاسىندا قىسقا مەرزٸمدە دٸني بٸلٸمٸن جەتٸلدٸرگەن.
رەسپۋبليكامىزدىڭ تٷرلٸ مەشٸتتەرٸندە يمامدىق قىزمەت اتقارعان. قمدب-نىڭ قاراعاندى ٶڭٸرٸندەگٸ ٶكٸلٸ, قاراعاندى قالالىق №1 ورتالىق مەشٸتٸنٸڭ باس يمامى, قر دٸن ٸستەرٸ اگەنتتٸگٸ دٸني بٸرلەستٸكتەرمەن بايلانىستار جٶنٸندەگٸ باسقارماسىنىڭ باس ساراپشىسى, قمدب تٶراعاسىنىڭ بٸرٸنشٸ ورىنباسارى, نايب مٷفتي, قمدب-نىڭ استانا قالاسى بويىنشا ٶكٸلٸ, «نۇر استانا» ورتالىق مەشٸتٸنٸڭ باس يمامى, قمدب تٶراعاسىنىڭ بٸرٸنشٸ ورىنباسارى, نايب مٷفتي, قمدب-نىڭ تٷركٸستان قالاسىنداعى كەڭسە باسشىسى, تٷركٸستان وبلىسى بويىنشا ٶكٸل يمام بولعان.
2018 جىلدىڭ قازان ايىنان باستاپ قمدب تٶراعاسىنىڭ بٸرٸنشٸ ورىنباسارى, نايب مٷفتي, قمدب-نىڭ نۇر-سۇلتان قالاسى بويىنشا ٶكٸلٸ, «ەزٸرەت سۇلتان» مەشٸتٸنٸڭ باس يمامى قىزمەتٸن اتقارعان.
