ەلٸمٸزدٸڭ باس مٷفتيٸ ناۋرىزباي قاجى تاعانۇلى كوروناۆيرۋس ٸندەتٸنە قارسى ۆاكتسينا سالدىردى, دەپ حابارلايدى قازاقپارات.
بٷگٸن ەلورداداعى №9 قالالىق ەمحاناسىندا قازاقستاننىڭ باس مٷفتيٸ ناۋرىزباي قاجى تاعانۇلى ۆاكتسينا الدى.
وتاندىق QazVac ۆاكتسيناسىن سالدىرعان قازاقستان مۇسىلماندارى دٸني باسقارماسىنىڭ باسشىسى ەكپەدەن سوڭ ٶز جاعدايى تۋرالى ايتىپ, كٶپشٸلٸككە ۆاكتسينانى الۋعا كەڭەس بەردٸ.
«بٷگٸن العاشقى دوزاسىن الدىم, 21 كٷننەن سوڭ ەكٸنشٸ دوزاسىنا الاتىن بولامىن. دەرٸگەرلەرگە العىسىم شەكسٸز, ۆاكتسينانى قالاي سالعانىن سەزبەي دە قالدىم. ەشقانداي كەرٸ ەسەرٸ جوق, ٶزٸمدٸ جاقسى سەزٸنٸپ تۇرمىن. ەكپە الۋدى بٸزدٸڭ يمامدار بۇعان دەيٸن باستاپ كەتكەن. سونداي-اق, بٸزدٸڭ باسقارمانىڭ دا بٸراز قىزمەتكەرلەرٸ كوروناۆيرۋس ٸندەتٸنە قارسى ەكپەنٸ الىپ جاتىر. شاريعاتىمىزدا زەرۋ بولعاندا ەكپەنٸ الۋ كەرەكتٸگٸ ايتىلعان, سوندىقتان بۇقارانى ەكپە سالۋعا شاقىرامىز. ەرينە, ۆاكتسينا سالدىرۋ ەركٸمنٸڭ ٶز ەركٸندە, دەگەنمەن دەرٸگەرلەر دەنساۋلىق ٷشٸن كەرەك دەگەننەن كەيٸن, ماماننىڭ سٶزٸنە قۇلاق اسقان جٶن دەپ ويلايمىن», - دەدٸ ن. تاعانۇلى.
