Elimizdiń Bas múftii Naýryzbai qajy Taǵanuly koronavirýs indetine qarsy vaktsina saldyrdy, dep habarlaidy QazAqparat.
Búgin elordadaǵy №9 qalalyq emhanasynda Qazaqstannyń Bas múftii Naýryzbai qajy Taǵanuly vaktsina aldy.
Otandyq QazVac vaktsinasyn saldyrǵan Qazaqstan musylmandary dini basqarmasynyń basshysy ekpeden soń óz jaǵdaiy týraly aityp, kópshilikke vaktsinany alýǵa keńes berdi.
«Búgin alǵashqy dozasyn aldym, 21 kúnnen soń ekinshi dozasyna alatyn bolamyn. Dárigerlerge alǵysym sheksiz, vaktsinany qalai salǵanyn sezbei de qaldym. Eshqandai keri áseri joq, ózimdi jaqsy sezinip turmyn. Ekpe alýdy bizdiń imamdar buǵan deiin bastap ketken. Sondai-aq, bizdiń basqarmanyń da biraz qyzmetkerleri koronavirýs indetine qarsy ekpeni alyp jatyr. Shariǵatymyzda zárý bolǵanda ekpeni alý kerektigi aitylǵan, sondyqtan buqarany ekpe salýǵa shaqyramyz. Árine, vaktsina saldyrý árkimniń óz erkinde, degenmen dárigerler densaýlyq úshin kerek degennen keiin, mamannyń sózine qulaq asqan jón dep oilaimyn», - dedi N. Taǵanuly.
