رەسەيدە ٶتكەن «اۆيادارتس – 2019» بايقاۋىندا قازاقستان كومانداسى ەكٸنشٸ ورىندى جەڭٸپ الدى. ەل نامىسىن تالدىقورعانداعى 21751 ەسكەري بٶلٸمٸنٸڭ ۇشقىشتارى قورعادى, دەپ حابارلايدى قازاقپارات.
قازاقستاننىڭ رەسەيدەگٸ ەلشٸلٸگٸنٸڭ رەسمي سايتىندا مەلٸم ەتٸلگەندەي, جويعىش ۇشاقتار اراسىنداعى سىنعا تٷسكەن ەۋە قىراندارىنىڭ بٸلٸمٸ مەن ماشىعى 3 كەزەڭ بويىنشا باعالاندى. العاشقىسىندا ەكيپاج مٷشەلەرٸنٸڭ فيزيكالىق دايىندىعى سارالاندى. ياعني, ماماندار كەرمەگە تارتىلىپ, سۋدا جٷزگەن. بۇدان كەيٸن بايقاۋعا قاتىسۋشىلاردى ارنايى دٶڭگەلەكتە اينالدىرىپ, شىدامدىلىعى تەكسەرٸلگەن.
ەكٸنشٸ كەزەڭدە ەۋە كەمەسٸمەن كٶككە كٶتەرٸلٸپ, جەردەگٸ نىساندى ٸزدەتكەن. سوڭعى سىندا قوس ۇشاق قوسارلاسا ۇشىپ, زەڭگٸر كٶكتە تٷرلٸ جاتتىعۋلاردى ورىندادى. سونداي-اق نىسانانى كٶزدەپ اتۋ بويىنشا ٶز شەبەرلٸكتەرٸن كٶرسەتتٸ.
«34 مەملەكەت ٶكٸلٸ قاتىسقان بايراقتى بەسەكەدە ۇشقىشتار بىلتىرعى نەتيجەسٸن قايتالادى. ەۋە قورعانىسى كٷشتەرٸنٸڭ ەلەۋەتٸن پاش ەتكەن ساڭلاقتار بٷگٸن سۋ 30 سم ۇشاعىمەن تالدىقورعانعا كەلدٸ. ولاردى باسشىلىق قۇرام قۇتتىقتاپ, ٶز ريزاشىلىعىن بٸلدٸردٸ», - دەلٸنگەن اقپاراتتا.
«بۇل ۇشقىشتاردىڭ عانا ەمەس, بٷكٸل قارۋلى كٷشتەردٸڭ جەكە قۇرامىنىڭ جەڭٸسٸ. ٶيتكەنٸ, اۆيادارتسقا دايىندالۋ كەزٸندە بارلىعى قاتىستى. بارلىعى دايىندالدى. وسى ويىن ارقىلى بٷكٸل قاتىسقان ەلدەرگە قارۋلى كٷشتەردٸڭ كٷشٸن, مەرتەبەسٸن دەلەلدەدٸك دەپ ويلايمىن», - دەدٸ 21751 ەسكەري بٶلٸمٸنٸڭ اعا ۇشقىشى نۇرجان نۇرباەۆ.
«اۆيادارتس – 2019» بايقاۋىندا بٸرٸنشٸ ورىندى – رەسەي, ەكٸنشٸ ورىندى بەلارۋس كومانداسى جەڭٸپ الدى.
