ەلەمدٸك ەكونوميكاداعى جاھاندىق تۇراقسىزدىق پەن قۇلدىراۋعا قاراماستان قازاقستاننىڭ التىن-ۆاليۋتا رەزەرۆٸ ايتارلىقتاي ٶسٸپ, 2020 جىلدىڭ قاراشاسىندا 33, ملرد دوللاردى قۇرادى.
بۇل بٸر جىل بۇرىنعى كٶرسەتكٸشتەن 13,8 پايىزعا جوعارى, دەپ حابارلايدى "ۇلت اقپارات" Finprom.kz-كە سٸلتەمە جاساپ.
ەلٸمٸزدٸڭ التىن-ۆاليۋتا رەزەرۆٸنٸڭ ارتۋى التىن قورجىنىنىڭ ٶسٸمٸمەن بايلانىستى. ٶتكەن جىلدىڭ دەل وسىنداي كەزەڭٸمەن سالىستىرعاندا كٶرسەتكٸش 26,9 پايىزعا ارتىپ, اقشاعا شاققاندا 23,2 ملرد دوللاردى قۇرادى. 2015 جىلدان بەرٸ ەلٸمٸزدٸڭ رەزەرۆتەرٸندەگٸ التىن ٷلەسٸ تۇراقتى ارتىپ كەلەدٸ. وسى جىلدىڭ قازانىندا التىن-ۆاليۋتا رەزەرۆٸندەگٸ ونىڭ ٷلەسٸ 69,1 پايىزعا جەتتٸ.
التىن ٷلەسٸنٸڭ ايتارلىقتاي ٶسٸمٸ ەلٸمٸزدٸڭ ۇلتتىق بانكٸنٸڭ باعالى مەتاللدى جاپپاي ساتىپ الۋى مەن قورجىنىن ەرتاراپتاندىرۋعا بايلانىستى بولىپ وتىر. كوروناۆيرۋس پاندەميياسى تۋىنداتقان داعدارىس, سونىمەن قاتار ەنەرگييا رەسرۋستارى نارىعىنداعى ايقىنسىزدىق جاعدايىندا التىنعا ينۆەستيتسييا سالۋ بارىنشا ٶزەكتٸ بولا تٷسۋدە.
قازاقستان التىن قورى بويىنشا ەلەمدە 13-ورىندا تۇر. 2014 جىلدىڭ 4-توقسانىندا ەلٸمٸز اتالعان رەيتينگتٸڭ 23-ساتىسىندا بولعان ەدٸ. سول جىلدان باستاپ قر ۇلتتىق بانكٸنٸڭ التىن-ۆاليۋتا قورىنا وسى باعالى مەتالدى ساتىپ الۋ قارقىندى جٷرگٸزٸلٸپ, وسى جىلدىڭ قاراشاسىندا ونىڭ سالماعى 383,3 تونناعا جەتتٸ.
قر ۇلتتىق بانكٸ 2014-2019 جىلدارى ارالىعىندا عانا 215,2 توننا التىن ساتىپ الدى. بۇعان قوسا, ەلٸمٸز وسى جىلدىڭ 3-توقسانىندا التىن ساتىپ الۋدا ەلەمنٸڭ توپ-5 ەلٸنٸڭ قاتارىنا كٸردٸ.
