ۇلتتىق بانك تٶراعاسى ەربولات دوساەۆ قازاقستاننىڭ التىن ۆاليۋتا قورى 3,1%-عا ۇلعايىپ, 31,5 ملرد اقش دوللارىنا جەتكەنٸن مەلٸمدەدٸ, دەپ حابارلايدى قازاقپارات.
«ۇلتتىق بانكتٸڭ التىنۆاليۋتا رەزەرۆتەرٸ مامىردا 3,1%-كە نەمەسە 950 ملن اقش دوللارىنا ۇلعايىپ, 31,5 ملرد اقش دوللارىن قۇرادى. التىندى ۇلتتىق قورعا 250 ملن اقش دوللارىنا ساتۋ جەنە التىن باعاسىنىڭ بٸر ۋنتسييا ٷشٸن 1 717-دەن 1 726 دوللارعا دەيٸن ٶسۋٸ ەسەبٸنەن التىن پورتفەلٸ ازداپ 137 ملن اقش دوللارىنا ازايدى», - دەدٸ ەربولات دوساەۆ ٷكٸمەت وتىرىسىندا.
سونىمەن قاتار ۇلتتىق قوردىڭ اكتيۆتەرٸ مامىردا ٶتكەن ايعا قاراعاندا ايتارلىقتاي ٶزگەرمەي, 58,5 ملرد اقش دوللارىن قۇراعان. مامىردا ۇلتتىق قوردان رەسپۋبليكالىق بيۋدجەتكە كەپٸلدٸ ترانسفەرت رەتٸندە شامامەن 1,6 ملرد اقش دوللارى بالاماسىندا 650 ملرد تەڭگە بٶلٸنگەن.
«2020 جىلدىڭ مامىرىندا ۇلتتىق قوردان كەپٸلدٸ ترانسفەرت بٶلۋ ٷشٸن 1,1 ملرد اقش دوللارى سوماسىنا ۆاليۋتا ساتىلدى. 384 ملن اقش دوللارى مٶلشەرٸندەگٸ شەتەل ۆاليۋتاسىنىڭ تٷسٸمٸ جەنە مامىرداعى اكتسييالار نارىعىنىڭ ٸشٸنارا قالپىنا كەلۋٸ نەتيجەسٸندە الىنعان 670 ملن اقش دوللارى مٶلشەرٸندەگٸ ينۆەستيتسييالىق كٸرٸس ۇلتتىق قوردان ساتىلىمداردىڭ ورنىن تولتىردى. حالىقارالىق جالپى رەزەرۆتەر اعىمداعى بٸر ايدىڭ ٸشٸندە 1%-كە ۇلعايىپ 90 ملرد اقش دوللارىن قۇرادى», - دەدٸ ول.
