قازاقستاننىڭ ەلەمدٸك ازىق-تٷلٸك حابتارىنىڭ بٸرٸ بولۋىنا مٷمكٸندٸگٸ بار. بۇل تۋرالى ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى قازاقپارات.
«ٶندٸرٸستە كلاستەرلٸك دامىتۋدى, شاعىن ٶندٸرۋشٸلەر مەن ٶندٸرۋشٸلەردٸ اۋىل شارۋاشىلىعى كووپەراتيۆتەرٸنە بٸرٸكتٸرۋدٸ ىنتالاندىرۋ ارقىلى ٶڭدەلگەن اۋىل شارۋاشىلىعى ٶنٸمدەرٸنٸڭ كٶلەمٸن ۇلعايتۋ كەرەك. بۇل جوبالاردى ٸسكە اسىرۋ ەڭ الدىمەن, ەلدٸڭ ازىق-تٷلٸك قاۋٸپسٸزدٸگٸن قامتاماسىز ەتۋگە باعىتتالعان. جالپى 2023 جىلدىڭ سوڭىنا دەيٸن بارلىق نەگٸزگٸ ازىق-تٷلٸك ٶنٸمدەرٸ بويىنشا يمپورتقا تەۋەلدٸلٸكتٸ الىپ تاستاۋ قاجەت», - دەدٸ ٷكٸمەت باسشىسى.
اسقار مامين ٸشكٸ نارىق قامتاماسىز ەتٸلگەننەن كەيٸن ٶنٸم تٷرلەرٸ مەن ونىڭ تارالۋ گەوگرافيياسىن كەڭەيتۋ ارقىلى ەكسپورت كٶلەمٸن ۇلعايتۋ ماڭىزدى ەكەندٸگٸن ايتتى.
«سونىمەن قاتار ساقتاۋ جەنە لوگيستيكا ينفراقۇرىلىمىنا قولجەتٸمدٸلٸكتٸ قامتاماسىز ەتۋ قاجەت. سەبەبٸ تاۋاردىڭ ٶزٸندٸك قۇنىندا ولاردىڭ ٷلەسٸ باسىم. ەلەمدٸك نارىقتا ازىق-تٷلٸك تاۋارلارىنا سۇرانىستىڭ ارتقانىن ەسكەرە وتىرىپ, ەلٸمٸزدٸڭ ەلەمدٸك ازىق-تٷلٸك حابتارىنىڭ بٸرٸ بولۋىنا مٷمكٸندٸگٸ بار», - دەدٸ پرەمەر-مينيستر.
