قازاقستان 1991 جىلى تەۋەلسٸزدٸككە قول جەتكٸزدٸ. وسى 30 جىل ٸشٸندە كٶپتەگەن سپورتشىلار حالىقارالىق ارەنادا قازاق ەلٸنٸڭ ابىرويىن اسقاقتاتىپ, كٶك تۋىن جەلبٸرەتتٸ. ەل نامىسىن قورعاعان سپورتشىلار جايىندا قازاقپارات تٸلشٸسٸ ايتىپ بەرەدٸ.
ەلٸمٸزدٸڭ تەۋەلسٸزدٸك العانىنا بيىل 30 جىل تولدى. وسى ۋاقىت ارالىعىندا قازاقستان سپورتشىلارى جازعى جەنە قىسقى وليمپيادا ويىندارىنا قاتىسىپ كەلەدٸ.
ايتا كەتەيٸك, 1988 جىلعا دەيٸن قازاق سپورتشىلارى كسرو قۇراماسىنىڭ قاتارىندا ٶنەر كٶرسەتتٸ. ال 1992 جىلعى جازعى وليمپيادا ويىندارىندا ەلٸمٸز تەۋەلسٸزدٸگٸن جارييالاعانىمەن, سپورتشىلارىمىز بٸرٸككەن كوماندا قۇرامىنا ەندٸ.
ٶزٸ جەكە ەل رەتٸندە قاتىسۋدى تۇڭعىش رەت 1994 جىلى نورۆەگييانىڭ ليللەحاممەر قالاسىندا ٶتكەن XVII قىسقى وليمپياداسىنان باستادى.
بۇل بايراقتى بەسەكەگە 67 مەملەكەتتەن 1 737 سپورتشى قاتىستى. ولار سپورتتىڭ 12 تٷرٸ بويىنشا 61 جٷلدە جيىنتىعىن ساراپقا سالدى.
ليللەحاممەردە قازاقستاننىڭ تۋى استىندا 29 سپورتشى ٶنەر كٶرسەتتٸ. سول جارىستا شاڭعىشى ۆلاديمير سميرنوۆ قانا جەڭٸس تۇعىرىنا كٶتەرٸلدٸ. ول ەرلەر اراسىنداعى 50 شاقىرىمدىق جارىستا مەرە سىزىعىن بٸرٸنشٸ بولىپ قيدى. بۇل – تەۋەلسٸز قازاقستاننىڭ تاريحىنداعى وليمپيادا ويىندارىنىڭ بٸرٸنشٸ جٷلدەسٸ, ازاتتىقتىڭ العاشقى التىنى ەدٸ.
كەلەسٸ وليمپيادا ويىندارى ەكٸ جىلدان كەيٸن, 1996 جىلى امەريكانىڭ اتلانتا قالاسىندا ٶتتٸ. جازعى وليمپيادا ويىندارىندا قازاقستاندىق سپورتشىلار 11 مەدالدٸ جەڭٸپ الدى. 3 وتانداسىمىز چەمپيون اتانىپ, جەڭٸس تۇعىرىنىڭ ەڭ بيٸك ساتىسىنا كٶتەرٸلدٸ.
ولار: ۆاسيليي جيروۆ - 81 كەلٸگە دەيٸنگٸ سالماقتا جۇدىرىقتاسقان بوكسشى. وليمپيادا نەتيجەسٸ بويىنشا ۆەل باركەر كۋبوگىنا قول جەتكٸزگەن العاشقى وتانداسىمىز. يۋريي مەلنيچەنكو - گرەك-ريم كٷرەسٸنەن 57 كەلٸ سالماقتا ٶنەر كٶرسەتٸپ, جەڭٸمپاز اتاندى. الەكساندر پارىگين بەسسايىستان وليمپيادا چەمپيونى بولدى. بوكسشى بولات جۇمادٸلوۆكە (51 كەلٸگە دەيٸن سالماقتا), نىسانا كٶزدەۋدەن سەرگەي بەلياەۆكە, اۋىر اتلەت اناتوليي حراپاتىيعا كٷمٸس بۇيىردى. قولا مەدالٸن بىلعارى قولعاپ شەبەرلەرٸ بولات نييازىمبەتوۆ (63,5 كەلٸگە دەيٸن), ەرماحان ىبرايىموۆ ەنشٸلەدٸ. سونداي-اق نىسانا كٶزدەۋدەن ۆلاديمير ۆوحميانين مەن ەركٸن كٷرەستەن مەۋلەن مامىروۆ الدى.
1998 جىلى شاڭعىشى ۆلاديمير سميرنوۆ ناگانوداعى (جاپونييا) قىسقى وليمپيادا ويىندارىندا تاعى دا ەرەكشەلەندٸ.15 شاقىرىمعا ەركٸن ستيلمەن جٷگٸرۋدە ول مەرە سىزىعىنا ٷشٸنشٸ بولىپ كەلٸپ قولا الدى. ەكٸنشٸ قولا مەدالٸن قازاقستانعا كونكيمەن جٷگٸرۋشٸ ليۋدميلا پروكاشەۆا ەكەلدٸ.
سيدنەي وليمپياداسى - 2000 جىل
سيدنەيدەن دە (اۆسترالييا) جەرلەستەرٸمٸز 3 التىن, 4 كٷمٸس مەدالمەن ورالدى. بەكزات ساتتارحانوۆ - وليمپيادا چەمپيونى, 57 كەلٸگە دەيٸنگٸ سالماقتا ٶنەر كٶرسەتتٸ. ەرماحان ىبرايىموۆ - 71 كەلٸدە بوكستاستى. ولگا شيشيگينا - كەدەرگٸلەرمەن 100 م قاشىقتىققا جٷگٸرۋ بويىنشا جەڭٸمپاز اتاندى. ال, بوكسشىلار بولات جۇمادٸلوۆ (51 كەلٸگە دەيٸن) جەنە مۇحتارحان دٸلدەبەكوۆ (+91 كەلٸ) جەنە ەركٸن كٷرەستەن يسلام بايرامۋكوۆ پەن ۆەلوشاباندوز الەكساندر ۆينوكۋروۆ كٷمٸس الدى.
2002 جىلى سولت-لەيك-سيتيدە (اقش) جەنە 2006 جىلى يتالييادا ٶتكەن قىسقى وليمپيادا ويىندارىندا قازاقستاندىقتار مەدالسٸز قالدى.
2004 جىلعى افينى وليمپياداسىندا 119 قازاقستاندىق 17 سپورت تٷرٸنەن ٶنەر كٶرسەتتٸ. تەك جالعىز سپورتشىمىز عانا جەڭٸس تۇعىرىنىڭ ەڭ بيٸك ساتىسىنا كٶتەرٸلدٸ. ول - 69 كەلٸ سالماقتا ٶنەر كٶرسەتكەن باحتييار ارتاەۆ. ول سونداي-اق وليمپيادا چەمپيونى اتاعىمەن قوسا, ۆەل باركەر كۋبوگىن دا جەڭٸپ الدى. وسىلايشا ۆەل باركەر كۋبوگىن يەلەنگەن ەكٸنشٸ قازاقستاندىق بوكسشى اتاندى.
تاعى تٶرت سپورتشى كٷمٸس الدى: بوكسشى گەنناديي گولوۆكين, اۋىر اتلەت سەرگەي فيليمونوۆ, بالۋاندار گەورگيي تسۋرتسۋميا جەنە گەنناديي لاليەۆ.
جەڭٸل اتلەت دميتريي كارپوۆ, بوكسشى سەرٸك ەلەۋوۆ جەنە گرەك-ريم كٷرەسٸنەن محيتار مانۋكيان قولا الدى. نەتيجەسٸندە قازاقستان قورجىنىنا سەگٸز مەدال سالىندى.
بەيجٸڭ وليمپياداسى - 2008 جىل
بەيجٸڭدە 2 وتانداسىمىز جەڭٸس تۇعىرىنان قول بۇلعادى. ونىڭ بٸرٸ 69 كەلٸ سالماقتا جۇدىرىقتاسقان بوكسشىمىز باقىت سەرسەكباەۆ بولسا, ەكٸنشٸسٸ اۋىر اتلەتيكادان 94 كەلٸ سالماقتا سىنعا تٷسكەن سپورتشىمىز يليا يلين بولاتىن. الايدا, كەيٸن يليننٸڭ جەڭٸسٸن حالىقارالىق وليمپيادا كوميتەتٸ دوپينگ قولداندى دەپ قايتاردى.
كٷمٸس مەدالدٸ دزيۋدوشى اسحات جٸتكەەۆ (100 كەلٸگە دەيٸن), جەڭٸل اتلەت ولگا رىپاكوۆا جەنە گرەك-ريم كٷرەسٸنٸڭ بالۋانى نۇرباقىت تەڭٸزباەۆ (60 كەلٸگە دەيٸن) جەڭٸپ الدى. باستاپقىدا ەكەۋٸ دە قولا جٷلدەگەر بولعان, كەيٸننەن قارسىلاستارىنىڭ دوپينگ قولدانعاندارى بەلگٸلٸ بولىپ, ولار كٷمٸسكە يە بولدى. گرەك-ريم كٷرەسٸنٸڭ بالۋانى ەلەنا شالىگينا, ەركٸن كٷرەستەن ماريد مۋتاليموۆ, بوكسشى ەركەبۇلان شىناليەۆ جەنە تاەكۆوندوشى ارمان چيلمانوۆ قولا جٷلدەنٸ ەنشٸلەدٸ.
لوندون وليمپياداسى - 2012 جىل
لوندون وليمپياداسى تەۋەلسٸز قازاقستان تاريحىنا التىن ەرٸپتەرمەن جازىلعان ەدٸ. وندا قازاقستاندىق سپورتشىلار 7 التىندى قورجىنعا سالدى. الايدا, حالىقارالىق وليمپيادا كوميتەتٸ تاعى دا دوپينگ داۋىمەن 4 سپورتشىمىزدى مەدالٸنەن ايىردى. ولاردىڭ ٸشٸندە ٶز اتاقتارىن ٷش اتلەتٸمٸز ساقتاپ قالدى. ولار: ۆەلوشاباندوزىمىز الەكساندر ۆينوكۋروۆ, ٷش قارعىپ سەكٸرۋ سايىسىنان ولگا رىپاكوۆا جەنە داڭقتى بوكسشىمىز سەرٸك سەپيەۆ.
وسى ورايدا ايتا كەتەيٸك, سەرٸك چەمپيوندىق اتاقپەن بٸرگە ۆەل باركەر كۋبوگىنا يە بولعان قازاق جەرٸنەن شىققان ٷشٸنشٸ سپورتشى اتاندى. ال, اۋىر اتلەتيكادان زۋلفييا چينشانلو (53 كەلٸ), ماييا مانەزا (63 كەلٸ), سۆەتلانا پودوبەدوۆا ( 75 كەلٸ) جەنە بەيجٸڭدە دە چەمپيون اتانعان داڭقتى اۋىر اتلەتٸمٸز يليا يليننٸڭ (94 كەلٸ) چەمپيوندىق اتاقتارى كٷشٸن جويدى. بۇعان باستى سەبەپ - دوپينگ داۋى.
قازاقستان قۇراماسى ٷشٸن سوچيدەگٸ XXII قىسقى وليمپيادا ويىندارى ايتارلىقتاي سەتتٸ بولمادى. بۇل وليمپيادا دا جەڭٸس تۇعىرىنا مەنەرلەپ سىرعاناۋشى دەنيس تەن عانا شىقتى. ول قولا مەدال ولجالادى.
ريو وليمپياداسى - 2016 جىل
قازاقستاننان ەلەمدٸك بەسەكەگە 26 سپورت تٷرٸنەن 104 سپورتشى قاتىسىپ, باق سىنادى. قازاقستاندىقتار بارلىعى 17 مەدال (3 التىن, 5 كٷمٸس, 9 قولا) الىپ, ەل سپورتى تاريحىندا كٷمٸس جەنە جالپى جٷلدەلەر سانى جٶنٸنەن رەكوردتىق كٶرسەتكٸشكە قول جەتكٸزدٸ.التىنى ازداۋ دەمەسەك, تٶرت جىلدا بٸر كەلەتٸن دٷنيەجٷزٸلٸك دودادا ەل قورجىنىنا تٷسكەن بۇل جٷلدەلەردٸڭ بەسٸ جوعارى.
التىن مەدالدٸ نيجات راحيموۆ (اۋىر اتلەتيكا), دميتريي بالاندين (جٷزۋ سپورتى), دانييار ەلەۋسٸنوۆ (بوكس) جەڭٸپ الدى.
2018 جىلى وڭتٷستٸك كورەيانىڭ پحەنچحان قالاسىنداعى XIII قىسقى وليمپيادا ويىندارىندا قازاقستاننىڭ نامىسىن سپورتتىڭ تٶرت تٷرٸنەن 44 سپورتشى قورعادى. بٸراق سوڭىندا بٸر عانا قولا مەدال بۇيىردى.
توكيوداعى 2020 جىلعى جازعى وليمپيادا ويىندارى كوروناۆيرۋس پاندەميياسىنا بايلانىستى 2021 جىلدىڭ جازىنا اۋىستىرىلدى.
