جانات ەليمانوۆتىڭ ايتۋىنشا, 2021-2023 جىلدارعا ارنالعان كەشەندٸ جوسپار اياسىندا كٶلەڭكەلٸ ەكونوميكانىڭ دەڭگەيٸن تٶمەندەتۋ ٷشٸن جٷيەلٸ شارالار قابىلدانىپ جاتىر. كەدەن سالاسىندا 34 قىلمىستىق ٸس قوزعالدى. دەكلاراتسيياعا ەنگٸزٸلمەگەن تاۋارلاردىڭ جالپى قۇنى 10 ميلليارد تەڭگەدەن اسادى.
قاسىم-جومارت توقاەۆقا مۇناي ٶڭدەۋ زاۋىتتارىن جاڭعىرتۋعا بٶلٸنگەن 20,5 ميلليارد تەڭگە قارجىنى جىمقىرۋ فاكتٸلەرٸنە قاتىستى قىلمىستىق ٸستەر بويىنشا تەرگەۋ جٷرگٸزٸلٸپ جاتقانى تۋرالى مەلٸمەت بەرٸلدٸ.
اگەنتتٸك تٶراعاسىنىڭ ايتۋىنشا, قوعامداعى ەلەۋمەتتٸك مەسەلەلەردٸ شەشۋگە ەرەكشە كٶڭٸل بٶلٸنەدٸ. "تاريف" جوباسى اياسىندا كوممۋنالدىق قىزمەتتەر سالاسىنداعى تاريفتەردٸڭ نەگٸزسٸز ٶسۋ دەرەكتەرٸن انىقتاۋ جەنە مونوپولييالاردان ارىلتۋ جۇمىستارى جالعاسۋدا.
ماڭعىستاۋ وبلىسىندا سۇيىتىلعان گازدى ساتۋ كەزٸندەگٸ الىپ-ساتۋ بەلگٸلەرٸ بويىنشا ەنەرگەتيكا مينيسترلٸگٸنٸڭ, وبلىس ەكٸمدٸگٸنٸڭ لاۋازىمدى تۇلعالارىنا جەنە ەلەكتروندى ساۋدا الاڭدارىنا قاتىستى ٸس تەرگەپ-تەكسەرٸلۋدە.
پرەزيدەنتتٸڭ تاپسىرماسى اياسىندا قارجىنى قازاقستاننان تىس جەرلەرگە زاڭسىز جىلىستاتۋعا قارسى جۇمىستار جٷرگٸزٸلٸپ جاتىر. بٷگٸندە 7 قىلمىستىق ٸس تەرگەلٸپ جاتىر جەنە 28 ميلليون اقش دوللارى بۇعاتتالعان.
مەملەكەت باسشىسى اگەنتتٸكتٸڭ قىلمىستىق جولمەن الىنعان كٸرٸستەردٸ زاڭداستىرۋعا جەنە كٶلەڭكەلٸ ەكونوميكانىڭ دەڭگەيٸن تٶمەندەتۋگە قارسى ٸس-قيمىل جٶنٸندەگٸ جۇمىستارىنىڭ ماڭىزدى ەكەنٸن ەرەكشە اتاپ ٶتٸپ, جانات ەليمانوۆقا بيزنەسكە قاتىستى جٷرگٸزٸلٸپ جاتقان بارلىق قىلمىستىق ٸستٸ تەرگەپ-تەكسەرۋ كەزٸندە زاڭدىلىقتىڭ مٷلتٸكسٸز ساقتالۋىن قامتاماسىز ەتۋدٸ تاپسىردى.
پرەزيدەنتتٸڭ پٸكٸرٸنشە, قۇقىق قورعاۋ جەنە باقىلاۋشى ورگاندار كەسٸپكەرلەردٸڭ ٶتٸنٸشتەرٸنە جەدەل نازار اۋدارۋعا جەنە ولاردىڭ قۇقىعىن شەكتەمەۋگە تيٸس. قاسىم-جومارت توقاەۆ شاعىن جەنە ورتا بيزنەسكە مەملەكەت تاراپىنان ەرەكشە قولداۋ قاجەت ەكەنٸن ايتتى جەنە بۇل جەردە قارجىلىق مونيتورينگ اگەنتتٸگٸ ماڭىزدى رٶل اتقارادى دەپ سانايدى. قۇقىق قورعاۋ جەنە باقىلاۋشى ورگانداردىڭ ورتاق مٸندەتٸ – ەكونوميكامىزدىڭ ورنىقتى دامۋىن قامتاماسىز ەتۋ ٷشٸن ەلٸمٸزدە قولايلى بيزنەس-ورتا قالىپتاستىرۋعا اتسالىسۋ.
