الماتىداعى «جەتٸسۋ» كەدەن بەكەتٸندە التىن كونترابانداسىنىڭ جولى كەسٸلدٸ, دەپ حابارلايدى قازاقپارات قارجى مينيسترلٸگٸ مەملەكەتتٸك كٸرٸستەر كوميتەتٸنٸڭ باسپاسٶز قىزمەتٸنە سٸلتەمە جاساپ.
«23 شٸلدەدە الماتى قالاسىنداعى حالىقارالىق ەۋەجايدىڭ ۇشۋ زالىندا «جەتٸسۋ» كەدەن بەكەتٸنٸڭ قىزمەتكەرلەرٸ شەكارا قىزمەتٸمەن بٸرلەسٸپ, «الماتى-ىستانبۇل» ەۋە رەيسٸمەن جالپى سالماعى 319 گرامم بولاتىن 10 دانا سارى مەتالدان جاسالعان پلاستينالاردى الىپ بارا جاتقان اقش ازاماتىن ۇستادى. قارجى مينيسترلٸگٸنٸڭ مەملەكەتتٸك كٸرٸستەر كوميتەتٸ ورتالىق كەدەن زەرتحاناسى جاساعان ساراپتاما نەتيجەسٸنە سەيكەس, تابىلعان تاۋار «اففينيرلەنگەن التىن» رەتٸندە ايقىندالدى.
شەتەلدٸك تۇلعاعا قاتىستى ەۋرازييالىق ەكونوميكالىق وداقتىڭ كەدەندٸك شەكاراسى ارقىلى تىيىم سالۋلار مەن شەكتەۋلەردٸ ساقتاماي, تاۋارلاردى ٶتكٸزگەنٸ ٷشٸن قر ەقبتك-نٸڭ 545-بابى بويىنشا ەكٸمشٸلٸك جاۋاپكەرشٸلٸك كٶزدەلگەن. بۇل ٷشٸن جەكە تۇلعالارعا تاۋارلار تەركٸلەنٸپ نەمەسە تەركٸلەنبەي, ون بەس ايلىق ەسەپتٸك كٶرسەتكٸش مٶلشەرٸندە ايىپپۇل سالىنادى», - دەلٸنگەن رەسمي حابارلامادا.
