فوتو: ۆيدەودان سكرينشوت
قىتايدىڭ شىڭجاڭ-ۇيعىر اۆتونومييالىق اۋدانىندا قار بارىسى تۋريست ەيەلگە شابۋىل جاسادى. وقيعا قازاقستانعا جاقىن ورنالاسقان كٶكتۇقاي قالاسىنا ٸرگەلەس ەلدٸ مەكەندەردٸڭ بٸرٸندە تٸركەلگەن, دەپ حابارلايدى Ult.kz.
جەرگٸلٸكتٸ بۇقارالىق اقپارات قۇرالدارىنىڭ مەلٸمەتٸنشە, تۋريست ەيەل ەكٸ دوسىمەن بٸرگە تاۋ شاڭعىسى كۋرورتىنان قوناقٷيگە قايتىپ كەلە جاتقان سەتتە جىرتقىش اڭنىڭ شابۋىلىنا ۇشىراعان. وقيعا شىڭجاڭ ٶڭٸرٸنٸڭ سولتٷستٸك-باتىس بٶلٸگٸندە بولعان.
ەلەۋمەتتٸك جەلٸلەردە وقيعا ورنىنان تٷسٸرٸلگەن ۆيدەو تارادى. كادرلاردا قار ٷستٸندە جاتقان ەيەل مەن ونىڭ جانىندا تۇرعان قار بارىسى انىق كٶرٸنەدٸ. شابۋىلدان كەيٸن زارداپ شەككەن تۋريست جەرگٸلٸكتٸ اۋرۋحاناعا جەتكٸزٸلٸپ, مەديتسينالىق كٶمەك كٶرسەتٸلگەن. دەرٸگەرلەردٸڭ ايتۋىنشا, ونىڭ جاعدايى تۇراقتى.
قازٸرگٸ ۋاقىتتا وقيعانىڭ مەن-جايى انىقتالىپ جاتىر. وسىعان بايلانىستى جەرگٸلٸكتٸ بيلٸك ٶكٸلدەرٸ تۋريستەرگە ەسكەرتۋ جاساپ, جابايى جانۋارلاردان قاۋٸپسٸز قاشىقتىقتى ساقتاۋعا جەنە ساق بولۋعا شاقىردى.
