تەجٸكستان رەسپۋبليكاسىنان سۋ تاسقىنى سالدارىنان تٶتەنشە جاعدايلاردان زارداپ شەككەن قازاقستان حالقىنا 61 ۆاگون گۋمانيتارلىق كٶمەك كەلدٸ. اتالعان جٷك تٷركٸستان وبلىسى, سارىاعاش اۋدانىنىڭ «سارىاعاش» تەمٸر جول ستانتسيياسىنا كەلٸپ جەتتٸ.
سونىمەن بٸرگە تەجٸكستاننان 15 جٷك كٶلٸگٸنە تيەلگەن كٶمەك تە ەلٸمٸزگە جەتكٸزٸلدٸ. تٷركٸستان وبلىسى ەكٸمٸنٸڭ باسپاسٶز قىزمەتٸ حابارلاعانداي, تەجٸكستاننان جالپى 3500 توننا گۋمانيتارلىق كٶمەك قابىلداندى.
گۋمانيتارلىق كٶمەكتٸ تەجٸكستان رەسپۋبليكاسىنىڭ تٶتەنشە جاعدايلار جەنە ازاماتتىق قورعانىس كوميتەتٸنٸڭ تٶراعاسى, ميليتسييا گەنەرال - پولكوۆنيگٸ رۋستام نازارزودا باستاپ كەلدٸ. تەجٸكستان رەسپۋبليكاسىنىڭ ٷكٸمەتٸ جانىنداعى مەملەكەتتٸك ماتەريالدىق رەسۋرستار اگەنتتٸگٸ ديرەكتورىنىڭ ورىنباسارى سوحيب زييودۋللوەۆ گۋمانيتارلىق كٶمەك تۋرالى قۇجاتتى سالتاناتتى تٷردە تاپسىردى.
"قازاقستانداعى قيىن جاعداي بٸزدٸڭ دە جانىمىزعا باتتى. بەيجاي قاراپ وتىرا المادىق. بٸزدٸڭ ەلٸمٸزدە كٷردەلٸ مەسەلە تۋىنداسا, ەڭ كٶپ كٶمەك جولدايتىن ەل – قازاقستان. سوندىقتان تەجٸكستان رەسپۋبليكاسىنىڭ پرەزيدەنتٸنٸڭ شەشٸمٸمەن وسى گۋمانيتارلىق كەرۋەندٸ جەتكٸزٸپ وتىرمىز. بٸز ستراتەگييالىق سەرٸكتەس ەلدەر رەتٸندە بٸر-بٸرٸمٸزدٸ قولداپ تۇرۋىمىز كەرەك", – دەدٸ رۋستام نازارزودا.
دەلەگاتسييانى قازاقستان رەسپۋبليكاسى تٶتەنشە جاعدايلار ۆيتسە-مينيسترٸ سەرٸك تٶلەنبەرگەنوۆ پەن تٷركٸستان وبلىسى ەكٸمٸنٸڭ ورىنباسارى بەيسەنباي تەجٸباەۆ باستاعان وبلىس تۇرعىندارى كٷتٸپ الدى. سارىاعاش اۋدانىنىڭ «سارىاعاش» تەمٸرجول ستانتسيياسىندا ٸس-شارا ٶتكٸزٸلدٸ.
وبلىس ەكٸمٸنٸڭ ورىنباسارى بەيسەنباي تەجٸباەۆ تەجٸكستان حالقىنا العىسىن ايتىپ, ريزاشىلىعىن بٸلدٸردٸ.
"بٷگٸن ماڭىزدى جيىندا باس قوسىپ تۇرمىز. ەلٸمٸزدەگٸ سۋ تاسقىنىنا بايلانىستى تەجٸكستان ەلٸنەن گۋمانيتارلىق كٶمەك كەلدٸ. بۇعان دەيٸن دە ورتالىق ازيياداعى باۋىرلاس ەلدەردەن كٶمەك كەلگەن بولاتىن. قىرعىزستان, ٶزبەكستاننان قولداۋ كٶرسەتٸلدٸ. بٷگٸن تەجٸكستاننان قۇرىلىس ماتەريالدارى مەن ازىق-تٷلٸك جەتكٸزٸلٸپ وتىر. كٶرشٸلەس ەلگە العىسىمىزدى بٸلدٸرەمٸز. قوس مەملەكەتتٸڭ دوستىعى مەڭگٸ جاساي بەرسٸن", – دەدٸ وبلىس ەكٸمٸنٸڭ ورىنباسارى.
اتالعان ٸس-شاراعا سارىاعاش اۋدانىنداعى تەجٸك ەتنوسىنىڭ ٶكٸلدەرٸ, سارىاعاش اۋدانىنىڭ اقساقالدارى مەن اق جاۋلىقتى انالار دا قاتىستى. گۋمانيتارلىق كٶمەكتٸ باستاپ كەلگەن تەجٸكستان رەسپۋبليكاسىنىڭ ٶكٸلدەرٸنە قۇرمەت كٶرسەتٸلدٸ. قۇرىلىس ماتەريالدارى مەن ازىق-تٷلٸك تيەلگەن گۋمانيتارلىق كەرۋەن سۋ باسقان ايماقتارعا جٸبەرٸلەدٸ.
