ەزەربايجاننان ينتەرنەت جەلٸسٸن تارتۋ جوباسى جاندانادى. قازٸرگٸ كەزدە كەلٸسسٶزدەر باستالدى. بۇل تۋرالى تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين مەلٸمدەدٸ, دەپ حابارلايدى Sputnik قازاقستان.
مەجٸلٸستٸڭ بٷگٸنگٸ وتىرىسىندا دەپۋتات ايبەك پاياەۆ سانكتسييالىق سوعىسقا قاتىستى تاعى بٸر مەسەلەنٸ كٶتەردٸ.
"ەگەر رەسەيدەن بٸزگە كەلەتٸن ترافيك قيىنداعان جاعدايدا ەزەربايجاننان وپتيكالىق-تالشىقتى جەلٸ تارتىپ, ينتەرنەتتٸ حالىققا قولجەتٸمدٸ ەتە الامىز با? سوسىن ونى ترانزيتپەن ساتىپ, پايدا تابۋ جوسپارى بار ما? ٶيتكەنٸ ٶزٸڭٸز بٸلەسٸز, قازٸر ەلٸمٸزدە ينتەرنەت قىمبات, حالىققا قولجەتٸمدٸ ەمەس. اۋىلداردى ارالايمىز, ينتەرنەت جوق! سٸزدەر ينتەرنەت بار دەپ باياندايسىزدار, بٸراق ول جوق. ال ەزەربايجاننان ترافيك تارتساق, كٶپ مەسەلەنٸ شەشە الامىز", - دەدٸ پاياەۆ.
مينيستر مۋسيننٸڭ ايتۋىنشا, كاسپيي تەڭٸزٸ ارقىلى ەزەربايجاننان تالشىقتى-وپتيكالىق جەلٸ تارتۋ مەسەلەسٸ تٶرت جىل بۇرىن قاراستىرىلعان. بٸراق ٸسكە اسپاي قالدى.
"بيىل وسى جوبا جاندانىپ, ٸسكە اسىرىلادى دەپ ويلايمىن. بٸز قازٸر ەزەربايجانمەن كەلٸسسٶز جٷرگٸزٸپ جاتىرمىز", - دەپ اتاپ ٶتتٸ مۋسين.
بۇعان دەيٸن قازاقستان تاراپىنان وسى جوباعا ترانستەلەكوم جاۋاپتى بولعان. ەندٸ قازاقتەلەكوم اينالىسادى. بٸراق مەملەكەتارالىق كەلٸسٸمشارتتا ترانستەلەكوم كٶرسەتٸلگەن. ونى باسقا قۇجاتتاردىڭ نەگٸزٸندە اۋىستىرادى.
"بٸز تەز ارادا وسىنى جٷزەگە اسىرامىز. سەبەبٸ بۇل, شىنىمەن دە, ستراتەگييالىق ماڭىزى بار جوبا, مەملەكەت باسشىسىنىڭ جەكە باقىلاۋىندا. بٸز وسى جوبانى بٸر جارىم-ەكٸ جىلدىڭ ٸشٸندە جٷزەگە اسىرامىز ", - دەيدٸ مۋسين.
ال دەپۋتات پاياەۆ بۇل باستامانى ۇزاققا سوزباۋدى سۇرادى. دەپۋتاتتار قاجەتتٸ زاڭداردى جىلدام قابىلداۋعا دايىن.
