ەنەرگەتيكا مينيسترٸ بولات اقشولاقوۆ قازاقستاندىقتاردان ەلدەن جانارماي شىعارۋ دەرەكتەرٸ مەن ەرەكەتتەرٸ تۋرالى حابارلاۋدى سۇرادى, - دەپ حابارلايدى Tengrinews.kz اگەنتتٸگٸ.
"بارلىق جانار-جاعارماي قۇيۋ ستانتسيياسى جەلٸلەرٸن 15 قىركٷيەككە, اقپاراتتىق جٷيە (جانارماي قۇيۋ بەكەتتەرٸندە ديزەل وتىنىن ساتۋ ٷشٸن تۇتىنۋشى دەرەكتەرٸ تەكسەرٸلەدٸ) ەنگٸزٸلگەنگە دەيٸن ادام فاكتورىن مٷمكٸندٸگٸنشە بولدىرماۋ ٷشٸن قىزمەتكەرلەرمەن جۇمىس ٸستەۋگە شاقىردىق", - دەدٸ مينيستر.
ەنەرگەتيكا مينيسترلٸگٸنٸڭ باسشىسى بارلىق ٸرٸ جانار-جاعارماي قۇيۋ بەكەتٸنە تۇرعىندار ارىز-شاعىممەن جٷگٸنە الاتىن سەنٸم تەلەفوندارىن اشۋ تاپسىرىلعانىن اتاپ ٶتتٸ.
"ەلٸمٸزدە جانار-جاعارماي قۇيۋ بەكەتتەرٸ ٶتە كٶپ, سوندىقتان ازاماتتار وسى تەلەفوندار ارقىلى جانارماي قۇيۋ ستانتسييالارىنداعى زاڭبۇزۋشىلىقتارى نەمەسە زاڭسىز جانارماي قۇيۋ تۋرالى حابارلاسا, دۇرىس بولار ەدٸ. ۆيدەولاردان جانارماي كٶلٸك باكتەرٸنە ەمەس, جٷكسالعىشتا تۇرعان ىدىستارعا قۇيىلعانىن كٶردٸك. وسىنداي جاعدايلارعا كۋە بولساڭىز حابارلاڭىز.
بٷگٸن مەن مينيسترلٸكتە وسىنداي تەلەفون جەلٸسٸن اشۋدى تاپسىردىم, سوندا ادامدار مينيسترلٸككە تٸكەلەي حابارلاسىپ, وسىنداي دەرەكتەردٸ ايتا الادى. مەملەكەتتٸك ورگاندار دەرەۋ جاۋاپ بەرەدٸ. بارشاڭىزدان ٷلەس قوسۋىڭىزدى سۇرايمىن, بٸرلەسكەن كٷش-جٸگەر ارقىلى بۇل مەسەلە شەشٸلەدٸ دەپ ويلايمىن", - دەپ تٷيٸندەدٸ اقشولاقوۆ.
