2020 جىلدىڭ ناۋرىز ايىنىڭ سوڭىن ەسەپتەگەندە ۇلتتىق بانككە سەنٸپ باسقارىلاتىن بجزق زەينەتاقى اكتيۆٸنٸڭ مٶلشەرٸ 11,7 ترلن تەڭگەنٸ قۇرادى. بۇل سوما بٸر جىل بۇرىنعى كٶرسەتكٸشتەن (9,6 ترلن تەڭگە) 2,1 ترلن تەڭگەگە نەمەسە 21 پايىزعا ارتىق, دەپ حابارلايدى "ۇلت اقپارات" ranking.kz اقپارات كٶزٸنە سٸلتەمە جاساپ.
وسى جىلدىڭ ناۋرىز ايىنىڭ سوڭىندا جارنانىڭ بارلىق تٷرٸ بويىنشا جەكە زەينەتاقى شوتتارىنىڭ (جزش) جالپى سانى 2,7 پايىزعا ۇلعايىپ, 10,7 ميلليونعا جەتتٸ. جزش-لاردىڭ باسىم بٶلٸگٸن بۇرىنعىشا مٸندەتتٸ زەينەتاقى جارنالارى (10,1 ملن) قۇرايدى. ال مٸندەتتٸ كەسٸبي زەينەتاقى جارنالارى بويىنشا شوتتاردىڭ سانى 514,8 مىڭعا جەتكەن. ٶز ەركٸمەن زەينەتاقى جارناسىن اۋدارىپ, شوت اشىپ جاتقانداردىڭ دا سانى كٶبەيٸپ كەلەدٸ. بٸر جىلدىڭ ٸشٸندە بۇل ساناتتا 55,4 مىڭ شوت (11,6 پايىزعا كٶبەيگەن) اشىلعان.
زەينەتاقى اكتيۆتەرٸنٸڭ كٸرٸسٸن ساقتاپ, ارتتىرىپ وتىرۋ ٷشٸن ينۆەستيتسييالىق پورتفەلدٸ ديۆەرسيفيكاتسييالاۋ بويىنشا جۇمىس تۇراقتى نەگٸزدە جٷرگٸزٸلٸپ كەلەدٸ. مەسەلەن بجزق-نىڭ زەينەتاقى اكتيۆٸ پورتفەلٸنٸڭ باسىم ٷلەسٸن بۇرىنعىداي ينۆەستيتسييالاۋدىڭ تۇراقتى ەرٸ كٸرٸسٸ مول قۇرالى سانالاتىن قر مەملەكەتتٸك قۇندى قاعازدارى (42 پايىزى نەمەسە 4,9 ترلن تەڭگە) قۇرايدى. بۇعان قوسا 2015 جىلى ولاردىڭ ٷلەسٸ 46 پايىزعا تەڭ بولعان ەدٸ.
سونىمەن قاتار 2015 جىلدىڭ مامىر ايىنىڭ سوڭىندا قازاقستاننىڭ ۇيىمدارىنداعى قۇندى قاعازداردىڭ زەينەتاقى اكتيۆٸ پورتفەلٸندەگٸ ٷلەسٸ 31,3 پايىزعا تەڭ بولسا, وسى جىلدىڭ مامىر ايىنىڭ سوڭىندا بۇل ٷلەس 27,2 پايىزدى كٶرسەتتٸ.
2019 جىلدىڭ قاراشا ايىندا زەينەتاقى اكتيۆتەرٸن باسقارۋدىڭ تيٸمدٸلٸگٸن ارتتىرۋعا باعىتتالعان جۇمىستار اياسىندا زەينەتاقى اكتيۆٸ پورتفەلٸندەگٸ ۆاليۋتانىڭ بٸر بٶلٸگٸن شەتەلدٸك باسقارۋشى كومپانييالارعا كەزەڭ-كەزەڭٸمەن بەرۋ پروتسەسٸ باستالعان ەدٸ. جالپى پورتفەلدٸ سىرتقى باسقارۋعا بەرۋ بويىنشا تٶرت حالىقارالىق كومپانييا تاڭدالىپ الىنعان بولاتىن. وسىنىڭ نەتيجەسٸندە 2019 جىلدىڭ ناۋرىز ايىندا سىرتقى باسقارۋداعى اكتيۆتەر ٷلەسٸ بجزق- ينۆەستيتسييالىق پورتفەلٸنٸڭ 1 پايىزىن قۇراسا, 2020 جىلى بۇل كٶرسەتكٸش 3,3 پايىزعا نەمەسە 385,3 ملرد تەڭگەگە تەڭەستٸ.
