بيىلعى جىلدىڭ ەكٸنشٸ توقسانىندا ورتاشا ەسەپپەن حالىقتىڭ اقشالاي شىعىندارى بٸر ادامعا شاققاندا 197,6 مىڭ تەڭگەگە جەتتٸ, بۇل بٸر جىل بۇرىنعى كٶرسەتكٸشتەن 18,5% كٶپ, دەپ حابارلايدى قازاقپارات finprom.kz-كە سٸلتەمە جاساپ.
سالىستىرۋ ٷشٸن ايتا كەتەيٸك, ٶتكەن جىلى بۇل شىعىندار 166,7 مىڭ تەڭگەنٸ قۇرادى, بٸر جىلدا 4,8% ارتىپ وتىر.
بۇل رەتتە ازىق-تٷلٸك تاۋارلارىنا جۇمسالعان شىعىندار – 12%, ازىق-تٷلٸكتٸك ەمەس تاۋارلارىنا – 24%, اقىلى قىزمەتتەر شىعىندارى 35% ۇلعايدى.
ٶڭٸرلٸك بٶلٸنٸستە ەڭ كٶپ شىعىن الماتىدا تٸركەلدٸ: جان باسىنا شاققاندا 275,5 مىڭ تەڭگەنٸ قۇراعان, جىلدىق ٶسٸم — بٸر جىلدا 17,7%. اقشانى ەڭ كٶپ جاراتقان ٶڭٸرلەر اراسىندا قاراعاندى (247,2 مىڭ تەڭگە, جىلىنا 22%) جەنە پاۆلودار (237,3 مىڭ تەڭگە, پليۋس 30%) وبلىستارى دا اتاپ ٶتٸلدٸ.
تابىسىن ەڭ از جۇمساعان تٷركٸستان وبلىسىنىڭ تۇرعىندارى: 133,7 مىڭ تەڭگە – بٸر جىل بۇرىنعىدان 25% كٶپ.
شىعىنداردىڭ نەگٸزگٸ بٶلٸگٸ — 92,7% - حالىقتىڭ تۇتىنۋشىلىق قاجەتتٸلٸكتەرٸن ٶتەۋگە جۇمسالعان: 183,2 مىڭ تەڭگە, بٸر جىل بۇرىنعىعا قاراعاندا 18,6% كٶپ. ونىڭ ٸشٸندە 105,6 مىڭ تەڭگە ازىق-تٷلٸك تاۋارلارىنا, 45,2 مىڭ تەڭگە ازىق-تٷلٸك ەمەس تاۋارلارعا, 32,4 مىڭ تەڭگە اقىلى قىزمەتتەرگە كەتتٸ.
