بٸر ميلليوننان استام قازاقستاندىقتىڭ كەپٸلسٸز تۇتىنۋشىلىق كرەديتٸ بويىنشا ايىپپۇلى مەن ٶسٸمپۇلى كەشٸرٸلدٸ. بۇل تۋرالى بٷگٸن قازاقستان ۇلتتىق بانكٸ قارجى ۇيىمدارىنىڭ ەدٸسناماسى جەنە رەتتەۋ دەپارتامەنتٸنٸڭ ديرەكتورى دەۋرەن سەلٸمباەۆ مەلٸمدەدٸ, دەپ حابارلايدى Sputnik قازاقستان.
قازاقستان پرەزيدەنتٸنٸڭ ازاماتتاردىڭ بورىش جٷكتەمەسٸن ازايتۋ تۋرالى جارلىعىنا سەيكەس, ەكٸنشٸ دەڭگەيلٸ بانكتەر مەن ميكروقارجى ۇيىمدارىنان كەپٸلسٸز تۇتىنۋشىلىق كرەديت العان قازاقستاندىقتاردىڭ ايىپپۇلى مەن ٶسٸمپۇلى كەشٸرٸلدٸ.
سەلٸمباەۆتىڭ ايتۋىنشا, ايىپپۇل مەن ٶسٸمپۇلى كەشٸرٸلگەن ازاماتتاردىڭ سانى 1 ميلليوننان اسادى.
"ايىپپۇلدار مەن ٶسٸمپۇلداردىڭ جالپى سوماسى 30 ميلليارد تەڭگەدەن اسادى. ۇلتتىق بانك وسىنىڭ 30 پروتسەنتٸن, ياعني 10 ميلليارد تەڭگەسٸن ٶتەيدٸ. قالعانى ەكٸنشٸ دەڭگەيلٸ بانكتەردٸڭ ەسەبٸنەن جابىلادى. بارلىق ايىپپۇل مەن ٶسٸمپۇل كەشٸرٸلدٸ", - دەدٸ سەلٸمباەۆ ەلوردادا ٶتكەن بريفينگتە.
بۇعان دەيٸن پرەمەر-مينيستردٸڭ بٸرٸنشٸ ورىنباسارى, قارجى مينيسترٸ ەليحان سمايىلوۆ 5 ميلليون قازاقستاندىقتىڭ ايىپپۇلى مەن ٶسٸمپۇلى ەسەپتەن شىعارىلاتىنىن ايتقان بولاتىن. كەپٸلسٸز تۇتىنۋشىلىق كرەديتتەر بويىنشا ايىپپۇلدار مەن ٶسٸمپۇلداردىڭ جالپى سوماسى 48 ميلليارد تەڭگەگە جۋىق دەگەن ەدٸ ول.
ال ەلەۋمەتتٸك تۇرمىسى تٶمەن ازاماتتاردىڭ كرەديتٸ تامىز ايىنىڭ سوڭىنا دەيٸن ٶتەلمەك. بۇل تٸزٸمگە ەنگەن قازاقستاندىقتاردىڭ سانى 500 مىڭنان اسادى.
ول ٷشٸن كرەديتتٸڭ جالپى سوماسى 2019 جىلعى 1 ماۋسىمداعى جاعداي بويىنشا 3 ميلليون تەڭگەدەن اسپاۋى كەرەك. سول كەزدە مەملەكەت بٸر ادامنىڭ 300 مىڭ تەڭگە مٶلشەرٸندەگٸ قارىزىن جاۋىپ بەرەدٸ.
ەلەۋمەتتٸك توپقا كٸرەتٸندەر:
- كٶپبالالى وتباسىلار;
- اسىراۋشىسىنان ايىرىلۋىنا بايلانىستى تٶلەم الاتىن وتباسىلار;
- مٷگەدەك بالالارى بار, 18-دەن اسقان بالا جاسىنان مٷگەدەكتەر بار وتباسىلار;
- اتاۋلى ەلەۋمەتتٸك كٶمەك الاتىندار;
- جەتٸم بالالار;
- اتا-اناسىنان كەمەلەتتٸك جاسقا دەيٸن ايىرىلعان, جيىرما توعىز جاسقا تولماعان, اتا-انانىڭ قامقورلىعىنسىز قالعان بالالار.
بۇل باعىت بويىنشا قارىز سوماسى 100 ميلليارد تەڭگەنٸ قۇراپ وتىر. قازاقستاندىقتاردىڭ كرەديتٸ رەسپۋبليكالىق بيۋدجەت ەسەبٸنەن ٶتەلەدٸ.
