پارلامەنت سەناتى سالىق كودەكسٸنە ەنگٸزٸلەتٸن تٷزەتۋلەردٸ قابىلدادى. وعان سەيكەس ازاماتتار زەينەتاقى جيناعىنداعى قارجىنىڭ بٸر بٶلٸگٸن العان كەزدە بٸر رەتتٸك تابىس سالىعىن تٶلەمەۋگە مٷمكٸندٸك الادى, دەپ حابارلايدى "ۇلت اقپارات".
بۇعان دەيٸن مەملەكەت باسشىسى قاسىم-جومارت توقاەۆ 2021 جىلدان باستاپ ازاماتتارعا زەينەتاقى جيناعىنىڭ بٸر بٶلٸگٸن پايدالانۋعا مٷمكٸندٸك بەرۋ جٶنٸندە تيٸستٸ مەملەكەتتٸك ورگاندارعا تاپسىرما بەرگەن ەدٸ. الايدا بۇل قاراجات ٷشٸن تابىس سالىعىن تٶلەۋ قاجەت. دەل وسى مەسەلە قوعامدا نارازىلىق تۋدىردى.
سوندىقتان سەناتورلار بۇل تٶلەمدٸ كەيٸنگە شەگەرۋدٸ جەنە بٸرنەشە جىلعا بٶلٸپ تٶلەۋدٸ ۇسىندى. ياعني, زەينەتاقى جيناعىنداعى قارجىنى كەلەسٸ جىلدان باستاپ الۋعا بولادى. ال وعان تيٸستٸ سالىق تەك زەينەتكە شىققان كەزدە عانا تٶلەنەدٸ. سونداي-اق, تٶلەمدٸ بٸردەن جاساماي, 16 جىلعا بٶلٸپ تٶلەۋ مٷمكٸندٸگٸ قاراستىرىلعان.
«زەينەتاقى جيناعىنداعى قارجىنىڭ بٸر بٶلٸگٸن الدىن الا العان كەزدە ونىڭ 10 پايىزىن بٸر رەتتٸك سالىق رەتٸندە تٶلەۋ كەرەك. ونى قازٸرگٸدەي كٷردەلٸ كەزەڭدە ازاماتتار ٷشٸن تيٸمسٸز دەپ ەسەپتەيمٸز. سوندىقتان اتالعان سالىقتى زەينەتاقى جيناعىن العان كەزدە ەمەس, تەك زەينەتكە شىققان سوڭ عانا تٶلەۋ ۇسىنىلىپ وتىر. ونىڭ ٶزٸندە, بەرٸن بٸردەن اۋدارماي, زاڭ جوباسىنا 16 جىلدىڭ ٸشٸندە بٶلٸپ تٶلەۋ تۋرالى نورما ەنگٸزٸلدٸ», – دەدٸ سەنات تٶراعاسى مەۋلەن ەشٸمباەۆ.
ال ازاماتتىعىن اۋىستىرعىسى كەلگەندەر زەينەتاقى جيناعىنان اقشا العانى نەمەسە ونىڭ بٸر بٶلٸگٸن پايدالانعانى ٷشٸن تٶلەنەتٸن سالىقتى بٸردەن جەنە تولىق ٶتەۋگە مٸندەتتٸ. وسى رەتتە سالىق بجزق (بٸرىڭعاي جيناقتاۋشى زەينەتاقى قورى) شوتىندا قالعان زەينەتاقى جيناعىنان ۇستالاتىنىن اتاپ ٶتكەن جٶن.
