قازاقستاندىقتار تەحپاسپورت پەن كٶلٸك نٶمٸرٸن ٷيگە جەتكٸزۋ قىزمەتٸن بەلسەندٸ پايدالانا باستادى, دەپ حابارلايدى "ۇلت اقپارات".
«ازاماتتارعا ارنالعان ٷكٸمەت» مەملەكەتتٸك كورپوراتسيياسى ەلەكتروندىق پورتال وپەراتورى – «ۇلتتىق اقپاراتتىق تەحنولوگييالار» اق-مەن بٸرلەسٸپ, تەحپاسپورت پەن اۆتوموبيلدٸڭ مەملەكەتتٸك نٶمٸرلٸك بەلگٸسٸن قازاقستاندىقتاردىڭ ٷيٸنە جەتكٸزۋ قىزمەتٸن ٸسكە قوسقان بولاتىن.
قىزمەتكە ەڭ كٶپ تاپسىرىس بەرگەن ٶڭٸرلەردٸڭ قاتارىندا قىزىلوردا وبلىسى مەن شىمكەنت جەنە الماتى قالالارى بار.
بۇعان دەيٸن جاڭا كٶلٸكتٸ ونلاين نە وفلاين تٷردە قايتا تٸركەگەن كٶلٸك يەسٸ ماشينانىڭ تٸركەۋ نٶمٸرٸ مەن تەحنيكالىق پاسپورتىن الۋ ٷشٸن مٸندەتتٸ تٷردە مامانداندىرىلعان حقو-عا جٷگٸنەتٸن.
ەندٸ كۋرەر قىزمەتٸنە تاپسىرىس بەرۋشٸلەر كٶبٸنە قالانىڭ سىرتىندا ورنالاساتىن اۆتوحقو-عا بارۋ ٷشٸن ۋاقىتىن شىعىندامايتىن بولادى.
العاش كٶلٸك الىپ وتىرعان قىزىلوردالىق اسحات كەڭەس بۇل قىزمەت تۋرالى اۆتوحقو ماماندارىنان ەستٸگەن.
كٶلٸگٸن ٶز اتىنا رەسٸمدەپ بولعان سوڭ, تٸركەۋ نٶمٸرٸنٸڭ دايىن بولۋىن كٷتپەي, ونىڭ ٷيگە جەتكٸزٸپ بەرۋٸن قالاعان. ونىڭ ايتۋىنشا, قازٸرگٸ تاڭدا مەملەكەتتٸك قىزمەتتەردٸ اۆتوماتتاندىرۋ بەلسەندٸ تٷردە جٷرٸپ جاتىر.
«بارشامىز قىزمەتتەردٸ ەلەكتروندى ٷكٸمەت پورتالى ارقىلى الۋدامىز. يگٸلٸگٸن كٶرۋدەمٸز. تاپسىرىس بەرگەننەن كەيٸن, كٶپكە سوزباي, حقو ماماندارى ٷيٸمە نٶمٸردٸ جەتكٸزٸپ بەردٸ. بۇل ٶتە قولايلى ەرٸ وڭتايلى ەكەن» – دەيدٸ اسحات تالعاتۇلى.
جاڭا اۆتوكٶلٸك يەسٸ ونلاين ساتىپ الۋ مەمٸلەسٸنەن كەيٸن egov.kz پورتالىنداعى «كٶلٸك جەنە كوممۋنيكاتسييا» بٶلٸمٸندە «متنب مەن تەحپاسپورتتى جەتكٸزۋ» ەلەكتروندى قىزمەتٸنە تاپسىرىس بەرۋٸ تيٸس.
بۇدان ەرٸ جەكە دەرەكتەردٸ جەنە كٶلٸك تۋرالى مەلٸمەتتەردٸ (تەحپاسپورت, متنب) تولتىرۋ قاجەت, سونداي-اق ەڭ سوڭىندا قۇجاتتار جەتكٸزٸلۋٸ تيٸس مەكەنجاي كٶرسەتٸلۋٸ قاجەت. كۋرەر قىزمەتٸن پايدالانۋ ٷشٸن 2240 تگ تٶلەنەدٸ.
ەكٸباستۇزدىق دميتريي فيودوروۆ پورتال كٶمەگٸمەن كٶلٸكتٸڭ دايىن بولعان قۇجاتتارىن عانا ەمەس, جاڭا كٶلٸگٸن دە قايتا تٸركەپ العان.
«جارتى ساعات ٸشٸندە ونلاين تٷردە كٶلٸكتٸ ٶز اتىما تٸركەپ الدىم. سوسىن كۋرەر قىزمەتٸنە تاپسىرىس بەردٸم. سول كٷنٸ بارلىق قۇجاتتار قولىما تيدٸ. اۆتوحقو-عا مٷلدە بارعان جوقپىن. تسيفرلانۋدىڭ يگٸلٸگٸ دەگەن وسى» دەيدٸ ول.
كەلەسٸ جىلدان باستاپ, مەملەكەتتٸك كورپوراتسييا دەل وسىلايشا قىزمەت الۋشىلاردىڭ ٷيلەرٸنە دايىن بولعان قۇجاتتاردى جەتكٸزۋ قىزمەتٸن ٸسكە قوسپاقشى.
ازاماتتار وسىلايشا حقو-عا بارماي-اق, بالانىڭ تۋۋ تۋرالى كۋەلٸگٸن, جەكە كۋەلٸكتٸ, پاسپورتتى الدىرتا الاتىن بولادى.
