جالپى, ٶسٸمپۇلداردى ەسەپتەن شىعارۋ اكتسيياسى باستالعان كەزدە 1,5 ملن جەكە تۇلعانىڭ جالپى قارىزى 26,3 ملرد تەڭگە, ونىڭ ٸشٸندە نەگٸزگٸ قارىز سوماسى 21,8 ملرد تەڭگە, ال ٶسٸمپۇل 4,5 ملرد تەڭگەنٸ قۇراعان بولاتىن, دەپ حابارلادى قر قم مەملەكەتتٸك كٸرٸستەر كوميتەتٸنەن.
ۆەدومستۆودا اتاپ ٶتكەندەي, ٶسٸمپۇلداردى ەسەپتەن شىعارۋعا ارنالعان اكتسييانىڭ اياقتالۋىنا ەكٸ ايدان از ۋاقىت قالدى.
اعىمداعى جىلدىڭ 6 قاراشاداعى جاعداي بويىنشا سالىقتىق راقىمشىلىق مٷمكٸندٸكتەرٸن 400 مىڭعا جۋىق جەكە تۇلعا پايدالاندى, ولار 5,5 ملرد تەڭگە كٶلەمٸندەگٸ بەرەشەكتەرٸن ٶتەپ, 612,2 ملن تەڭگە ٶسٸمپۇل ەسەپتەن شىعارىلدى.
الماتى قالاسى كٶلٸك سالىعى بويىنشا ٶسٸمپۇلداردى ەسەپتەن شىعارۋدا كٶشباسشىلاردىڭ قاتارىندا. وڭتٷستٸك مەگاپوليستٸڭ تۇرعىنى 2,3 ملن تەڭگە قارىزىن تٶلەپ, وعان 1,6 ملن تەڭگەگە جۋىق ٶسٸمپۇل كەشٸرٸلدٸ.
سونىمەن قاتار, شىمكەنت قالاسىنىڭ تۇرعىنى جەر سالىعى بويىنشا 1,4 ملن تەڭگە مٶلشەرٸندە نەگٸزگٸ قارىز سوماسىن تٶلەگەن, وسىلايشا ول 209 809 تەڭگە سوماسىندا ٶسٸمپۇلدان بوساتىلعان.
مٷلٸك سالىعى بويىنشا ٶسٸمپۇلداردى ەسەپتەن شىعارۋ رەيتينگٸن نۇر-سۇلتان قالاسىنىڭ تۇرعىنى باستاپ تۇر. 260 مىڭ تەڭگەدەن اسقان ٶسٸمپۇلدان قۇتىلۋ ٷشٸن ول 515 586 تەڭگە نەگٸزگٸ قارىزدى تٶلەدٸ.
مكك جىل سوڭىنا دەيٸن سالىقتار بويىنشا نەگٸزگٸ قارىزدى تٶلەگەن جاعدايدا ٶسٸمپۇلدى ەسەپتەن شىعارۋ بويىنشا راقىمشىلىق قولدانىلاتىنىن ەسكە سالادى.
سالىقتىق راقىمشىلىق جٷرگٸزۋ مەرزٸمٸ 2020 جىلعى 31 جەلتوقسانعا دەيٸن.
ٶسٸمپۇلدى ەسەپتەن شىعارۋ ٷشٸن ەشقايدا بارۋدىڭ قاجەتٸ جوق. قارىزدىڭ نەگٸزگٸ سوماسىن تٶلەۋ جەتكٸلٸكتٸ. ٶسٸمپۇل اۆتوماتتى تٷردە ەسەپتەن شىعارىلادى. مەملەكەتتٸك كٸرٸستەر ورگاندارىنىڭ بارلىق اۋماقتىق بٶلٸمشەلەرٸندە ٶسٸمپۇلداردى ەسەپتەن شىعارۋ جٶنٸندەگٸ كوميسسييالار قۇرىلدى.
سالىقتار بويىنشا بەرەشەكتٸڭ بار/جوق ەكەندٸگٸ تۋرالى مەلٸمەتتەردٸ قر قم مەملەكەتتٸك كٸرٸستەر كوميتەتٸنٸڭ سايتىندا, سونداي-اق eSalyq mobile (AppStore, PlayMarket) موبيلدٸ قوسىمشاسى ارقىلى تەكسەرۋگە بولادى.
