قازاقستان اۆتوبيزنەس قاۋىمداستىعى 2020 جىلعى قاراشادا قازاقستاندا 8 186 جەڭٸل اۆتوكٶلٸك پەن جەڭٸل كوممەرتسييالىق تەحنيكا ساتىلعانىن جارييا ەتتٸ, دەپ حابارلايدى "ۇلت اقپارات".
«نارىق 24 پايىزدىق ٶسٸمدٸ كٶرسەتٸپ وتىر. سۇرانىسى جوعارى مودەلدەر بولماسا ديللەرلەر باعانى ساقتاپ, وڭتايلى ۇسىنىستاردى كٷشٸندە قالدىرۋ ٷشٸن تۇتىنۋشىلارمەن الدىن الا كەلٸسٸم جاساسادى. الداعى ەكٸ اپتادا بولجام بويىنشا كٶلٸك ساتۋ كٶرسەتكٸشٸ ٶسۋٸ كەرەك», - دەيدٸ قازاقستان اۆتوبيزنەس قاۋىمداستىعىنىڭ ۆيتسە-پرەزيدەنتٸ انار ماقاشەۆا.
قاراشا ايىندا جەڭٸل اۆتوكٶلٸكتەردٸڭ ٸشٸندەگٸ سۇرانىسقا ەڭ كٶپ يە ماركاسى Hyundai بولىپ شىقتى. الماتىداعى جاڭا Hyundai Trans Kazakhstan زاۋىتىنىڭ اشىلۋىنىڭ ارقاسىندا ديللەرلەر 2 166 اۆتوكٶلٸك ساتىپ (ٶتكەن جىلدىڭ قاراشاسىنداعى كٶرسەتكٸشتەن 30 پايىزعا كٶپ), رەكوردقا جەتتٸ. ال «سارىاركااۆتوپروم» كومپانيياسىنىڭ Chevrolet ماركالى كٶلٸكتەرٸنەن قاراشادا 865 دانا (ەكٸنشٸ ورىن) ساتىلسا, Lada ساتىلعان 1 193 كٶلٸگٸمەن ٷشٸنشٸ ورىننان كٶرٸنگەن. Toyota ماركالى كٶلٸكتەن ٶتكەن ايدا 719 عانا ساتىلدى (-43%). دەسە دە جاپون كٶلٸكتەرٸ تٶرتٸنشٸ ورىندا تۇر. ودان كەيٸنگٸ ماركالاردىڭ تٸزٸمٸندە Kia (506; +1%), Volkswagen (297; +313%), JAC (296; +107%), Nissan (274; +15%) Renault (223; -15%) جەنە Ravon (151) ورنالاسقان.
مودەلدەر تۇرعىسىنان Chevrolet Nexia بٸرٸنشٸ ورىننان كٶرٸندٸ. ساتىلعان 8 مىڭنان اسا كٶلٸكتٸڭ 1 004 داناسى وسى كٶلٸك. قازاقستاندىقتار كٶپ ساتىپ العان كٶلٸكتەردٸڭ ٸشٸندە ودان كەيٸنگٸ ورىنداردا Hyundai Accent (982), Chevrolet Cobalt (619), Lada Granta (606), Hyundai Tucson (524), Hyundai Creta (369), Kia Rio (333), Toyota Camry (312), Lada 4x4 (296) جەنە Volkswagen Polo (252) تۇر.
