2020 جىلدىڭ بٸرٸنشٸ توقسانىندا قازاقستاندا 18 836 اۆتوكٶلٸك قۇراستىرىلدى, دەپ حابارلايدى "ۇلت اقپارات".
«قازاۆتوٶنەركەسٸپ» قازاقستاننىڭ اۆتوموبيل سالاسى كەسٸپورىندارى وداعىنىڭ مەلٸمەتٸنشە, وسى جىلدىڭ ٷش ايىندا جالپى سوماسى 139,5 ملرد تەڭگەنٸ قۇرايتىن 18 836 اۆتوكٶلٸك شىعارىلدى. ناقتى مەندە شىعارىلعان كٶلٸك قۇرالدارىنىڭ جالپى كٶلەمٸ ٶتكەن جىلعى كٶرسەتكٸشتەن 2,1 ەسەگە اسىپ وتىر.
اتاپ ايتقاندا, جەڭٸل اۆتوموبيل ٶندٸرٸسٸ ەكٸ ەسە ٶسٸپ, 16 651 كٶلٸك قۇراستىرىلدى. اۆتوبۋس شىعارۋ دا 82,6 پايىزعا ارتىپ, ٷش ايدا 272 بٸرلٸگٸ جولعا شىقتى. ال جٷك كٶلٸكتەرٸن قۇراستىرۋ 8,1 ەسە ارتىپ وتىر. اتالعان كەزەڭدە 1 663 جٷك كٶلٸگٸ قۇراستىرىلعان. 2020 جىلدىڭ ناۋرىزىندا قازاقستاندىق كەسٸپورىنداردىڭ كونۆەيەرٸنەن 6 229 اۆتوكٶلٸك شىقتى. بۇل, 2019 جىلعى كٶرسەتكٸشتەن 2,2 ەسە كٶپ.
جىل باسىنان بەرٸ وتاندىق اۆتوزاۋىتتار 11 593 كٶلٸك قۇرالىن ساتتى. ال رەسپۋبليكا تۇرعىندارى جەرگٸلٸكتٸ ٶندٸرٸستەن شىققان كٶلٸكتەردٸ ساتىپ الۋعا 83,6 ملرد تەڭگە اقشالارىن جۇمساعان. بۇل, بٸر جىل بۇرىنعى كٶرسەتكٸشتەن 70,3 پايىزعا ارتىق.
قازاقستاندىقتاردىڭ اراسىندا وسى جىلدىڭ بٸرٸنشٸ توقسانىندا سۇرانىسقا يە بولعان كٶلٸكتەر مىنالار: Lada (3 513 بٸرلٸك.), Hyundai (3 094), KIA (1 924), Ravon (1 354) جەنە JAC (179).
مۇنان بٶلەك, وتاندىق كەسٸپورىندار ۇسىناتىن كٶلٸك ماركالارىنىڭ قاتارىنا Skoda (133 بٸرلٸك) Chevrolet (119) جەنە UAZ (68) كٸرەدٸ. ەسەپتٸ كەزەڭدە Lada Granta (1 628 بٸرلٸك), Ravon Nexia R3 (1 354), KIA Rio (1 205), Hyundai Tucson (1 081) جەنە Lada Vesta (937) كٶلٸكتەرٸ كٶپ ساتىلعان.
Hyundai Creta (683 بٸرلٸك), Hyundai Accent (560), Lada Largus (510), KIA Sportage (422) جەنە Hyundai Elantra (419 ) كٶلٸكتەرٸنە دە سۇرانىس جوعارى.
