قازاقستاندىقتار دانييار ەلەۋسٸنوۆتٸڭ جەكپە-جەگٸن تٸكەلەي ەفيردەن كٶرە الادى

قازاقستاندىق كەسٸپقوي بوكسشى, وليمپيادا چەمپيونى دانييار ەلەۋسٸنوۆتٸڭ كەزەكتٸ جەكپە-جەگٸن "حابار" ارناسى تٸكەلەي ەفيردەن كٶرسەتەدٸ.

دانييار ەلەۋسٸنوۆتٸڭ الداعى جەكپە-جەگٸ 21 قازان كٷنٸ امەريكانىڭ بوستون قالاسىندا ٶتەدٸ. جەرلەسٸمٸز 30 جاستاعى امەريكالىق بوكسشى, "دەۋٸت" لاقاپ اتىمەن بەلگٸلٸ مەتت دوەرتيمەن (8-5-1, 4كو) جۇدىرىق تٷيٸستٸرەدٸ.

قازاقستاندىق جانكٷيەرلەر كەزدەسۋدٸ 21 قازان كٷنٸ ساعات 06:02-دە "حابار" ارناسىنىڭ تٸكەلەي ەفيرٸنەن تاماشالاي الادى.

ايتا كەتسەك, دانييار ەلەۋسٸنوۆ كەسٸپقوي بوكستا بۇعان دەيٸن ٷش كەزدەسۋ ٶتكٸزٸپ, ٷشەۋٸندە دە جەڭگەن بولاتىن. سوڭعى جەڭٸسٸنەن كەيٸن قازاقستاندىق بوكسشىنىڭ BoxRec.com تانىمال سايتىنداعى رەيتينگٸ بٸردەن 75 ساتىعا جوعارىلادى.