رەسپۋبليكالىق بيۋدجەتتٸڭ اتقارىلۋىن باقىلاۋ جٶنٸندەگٸ ەسەپ كوميتەتٸنٸڭ تٶراعاسى ناتاليا گودۋنوۆا حالىق ازىق-تٷلٸك تاۋارلارىنا كٶپ قاراجات جۇمساي باستاعانىن مەلٸم ەتتٸ, دەپ حابارلايدى قازاقپارات.
«بٷگٸن بٸز ٶتكەن جىلعى بيۋدجەتتٸڭ ورىندالۋى تۋرالى ەسەپتٸ تىڭداپ جاتىرمىز. بٸراق وسى جارتى جىلدىڭ ٸشٸندە نە ٶزگەردٸ? بٸر جاعىنان, ٶتكەن جىلى ەكونوميكانىڭ كٶپتەن كٷتكەن ٶسٸمٸ بولعانىن ايتامىز. ەكٸنشٸ جاعىنان, وسى جارتى جىلدىڭ ٸشٸندە ٶتە كٷردەلٸ جاعدايلار ٶتٸپ جاتىر. بٸزدە دە, ەلەمدە دە سول. سول سەبەپتٸ, قازٸر مەن زاڭبۇزۋشىلىقتاردى تالقىلاماس بۇرىن جٷيەلٸ مەسەلەلەرگە توقتايىن», - دەدٸ ناتاليا گودۋنوۆا پارلامەنت سەناتىندا 2019 جىلعى رەسپۋبليكالىق بيۋدجەتتٸڭ اتقارىلۋى تۋرالى ەسەپتٸ بايانداۋ كەزٸندە.
ەسەپ كوميتەتٸنٸڭ باسشىسى پرەزيدەنت مەملەكەتتٸك باعدارلامالاردىڭ جٷزەگە اسىرىلۋى مەن بيۋدجەت قاراجاتىن پايدالانۋعا قاتىستى جاۋاپكەرشٸلٸك پەن ەسەپتٸلٸكتٸ قاتاڭداتۋ كەرەكتٸگٸن تاپسىرعانىن ەسكە سالدى.
«دەپۋتاتتاردىڭ ارقاسىندا مۇنداي جاۋاپكەرشٸلٸك بيۋدجەت كودەكسٸ مەن ەكٸمشٸلٸك قۇقىقبۇزۋشىلىق جٶنٸندەگٸ كودەكسكە ەنگٸزٸلدٸ. ال 2019 جىلدىڭ رەسپۋبليكالىق بيۋدجەتٸ قانداي نەتيجەمەن يگەرٸلدٸ? بٸرٸنشٸدەن قازاقستاننىڭ دٷنيەجٷزٸلٸك ەكونوميكالىق فورۋمىنداعى جاھاندىق بەسەكەگە قابٸلەتتٸلٸك رەيتينگٸندەگٸ ماكروەكونوميكالىق تۇراقتىلىعى 60-شى ورىنعا دەيٸن كٶتەرٸلٸپ, پوزيتسيياسىن جاقسارتا تٷستٸ. ەيتسە دە, مۇنايعا تەۋەلدٸلٸكتٸ تٶمەندەتۋ تەندەنتسيياسىنا قول جەتكٸزٸلگەن جوق. كەيٸنگٸ ون جىلدىڭ ٸشٸندە ٶڭدەۋ سەكتورىنىڭ ٷلەسٸ 11 پايىزدان اسپاي تۇر. ەكسپورت قۇرىلىمىندا مينەرالدى ٶنٸمدەردٸڭ ٷلەسٸ 70 پايىزدان اسىپ كەتتٸ», - دەدٸ ول.
ناتاليا گودۋنوۆا ازاماتتاردىڭ ەل-اۋقاتىن جاقسارتۋ مەسەلەسٸنە دە توقتالدى.
«حالىقتىڭ شىنايى تابىسى 5,5 پايىزعا ٶستٸ. الايدا, ازىق-تٷلٸك تاۋارلارىنا حالىقتىڭ شىعاراتىن شىعىنى 50 پايىزعا دەيٸن جەتتٸ. دامىعان ەلدەردە بۇل كٶرسەتكٸش 10 پايىز كٶلەمٸندە. تٸپتٸ رەسە يمەن بەلارۋستە بۇل كٶرسەتكٸش شىعىننىڭ ٷشتەن بٸرٸنە (28 پايىز جەنە 32 پايىز) تەڭ. بۇل نەنٸ بٸلدٸرەدٸ? حالىق تابىسىنىڭ جارتىسى «جەلٸنٸپ», تۇرعىنداردا ٶز جيناعىنىڭ كٶلەمٸن ارتتىرۋعا مٷمكٸندٸك جوق دەگەن سٶز», - دەدٸ ول.
