قازاقستاندا ورتاشا ەسەپپەن اۋدانى 40 شارشى مەتر بولاتىن بٸر بٶلمەلٸ پەتەر 10,5 ملن تەڭگە تۇرادى. ال, استانا مەن الماتى قالالارىندا باعا 13 ملن تەڭگەدەن اسادى. ەڭ ارزان پەتەرلەر قىزىلوردا قالاسىندا, وندا 5,6 ملن تەڭگە ەكەن.
ەگەر قازاقستاندىقتاردىڭ جالپى وتباسىلىق بيۋدجەتٸ 120 مىڭ تەڭگەدەن اسپاسا, ولاردىڭ بٸر بٶلمەلٸ پەتەر ٷشٸن تٶلەمٸ وتباسىلىق تابىستىڭ جارتىسىنان اسادى. الماتى مەن استانادا جەكە باس قاجەتتٸلٸكتەرٸنە جالاقىنىڭ بەستەن بٸر بٶلٸگٸ جۇمسالادى دەپ ەسەپتەلەدٸ. ەگەر قىزىلوردادا تۇراتىن بولسا, وتباسى ايلىق تابىسىنىڭ جارتىسىنان از بٶلٸگٸن يپوتەكالىق نەسيەگە تٶلەيتٸن بولادى.
ال وسىنداي وتباسىلار ٷشٸن ٷستەماقى 4,5% بولعان جاعدايدا عانا يپوتەكالىق نەسيە تيٸمدٸ بولادى. تەك ايلىق تابىسى 210 مىڭ تەڭگەدەن اساتىن قازاقستاندىقتار ٷشٸن تابىسىنىڭ جارتىسىنان كٶبٸ ٶزٸندە قالادى.
ايتا كەتەيٸك, ەلٸمٸزدەگٸ ازاماتتاردىڭ شامامەن جارتىسىنىڭ ايلىق تابىسى 90 مىڭ تەڭگەدەن تٶمەن.
ەستەرٸڭٸزگە سالا كەتەيٸك, ۇلتتىق بانك «7-20-25» يپوتەكالىق باعدارلاماسى بويىنشا ايلىق تٶلەم مەن ٶزگە دە مەلٸمەتتەردٸ جارييالاعان بولاتىن. سونىمەن قاتار, رەتتەۋشٸ زايمنىڭ ەڭ ٷلكەن كٶلەمٸ قالاعا بايلانىستى بولاتىنىن جەتكٸزدٸ. وسىلايشا الماتى, استانا, اتىراۋ مەن اقتاۋ قالالارىندا ول 25 ملن تەڭگە بولادى. ٶزگە قالالار ٷشٸن ول 10 ملن تەڭگە شاماسىندا بولادى دەپ بولجانۋدا. ال, جاڭادان سالىنعان ٷيلەردٸڭ قۇنى ايماقتاردا 7 ملن تەڭگەگە جۋىق بولادى دەپ جوسپارلانۋدا. بۇدان باسقا, ۇلتتىق بانك تٶراعاسى دانييار اقىشەۆ جەڭٸلدەتٸلگەن يپوتەكالىق نەسيە مٸندەتتٸ تٷردە مەملەكەتكە قايتا قايتارىلۋى كەرەك دەپ باسا ايتقان بولاتىن.
بٷگٸندە جىلجىمايتىن مٷلٸك نارىعىنا قاتىسۋشىلار جەڭٸلدەتٸلگەن يپوتەكالىق نەسيە بەرٸلە باستايتىن بولسا ەلٸمٸزدەگٸ تۇرعىن ٷي باعاسى 5-7%-عا كٶتەرٸلۋٸ مٷمكٸن دەپ بولجام جاساۋدا. الايدا, بٷگٸننٸڭ ٶزٸندە قازاقستانداعى يپوتەكالىق نەسيەنٸڭ ٷستەماقىسى ەاەو ەلدەرٸنٸڭ ٸشٸندە ەڭ جوعارى بولىپ ەسەپتەلٸنەدٸ.
