16 مىڭنان استام قازاقستاندىق زەينەتاقى جيناعىن پايدالانۋ ارقىلى 62 ملرد تەڭگەدەن استام تۇرعىن ٷي قارىزىن تولىعىمەن ٶتەدٸ, دەپ حابارلايدى "ۇلت اقپارات".
قر پرەزيدەنتٸنٸڭ باسپاسٶز حاتشىسى بەرٸك ۋەلي مەملەكەت باسشىسى قاسىم-جومارت توقاەۆتىڭ تۇرعىن ٷي جاعدايىن جاقسارتۋ ٷشٸن زەينەتاقى جيناقتارىن پايدالانۋعا بەرۋ جٶنٸندەگٸ تاپسىرماسىنىڭ ورىندالۋى تۋرالى ارالىق نەتيجەلەردٸ ۇسىندى.
اتاپ ايتقاندا, بٷگٸنگە دەيٸن 16 075 قارىز الۋشى بۇعان دەيٸن بانكتەردەن تۇرعىن ٷيلەرٸ ٷشٸن العان جالپى سوماسى 62 ميلليارد 41 ميلليون تەڭگە يپوتەكالىق قارىزىن تولىق ٶتەدٸ.
47 133 قارىز الۋشى جالپى سوماسى 144 ميلليارد 53 ميلليون تەڭگە بولاتىن تۇرعىن ٷي يپوتەكالىق قارىزدارىنىڭ بٸر بٶلٸگٸن ٶتەۋ ٷشٸن بٸرجولعى زەينەتاقى تٶلەم جٷيەسٸن پايدالاندى.
8 889 قارىز الۋشى بانكتەردەن جالپى سوماسى 150 ميلليارد 361 ميلليون تەڭگە بولاتىن تۇرعىن ٷي يپوتەكالىق قارىزدارىن الۋ ٷشٸن العاشقى جارنا رەتٸندە بٸرجولعى زەينەتاقى تٶلەمٸ قاراجاتىن پايدالاندى.
بانكتەر بويىنشا ەڭ كٶپ قارىز الۋشى «وتباسى بانك» اكتسيونەرلٸك قوعامىندا تٸركەلگەن. ولاردىڭ جالپى سانى – 37 228. بٸرجولعى زەينەتاقى تٶلەمٸن پايدالانۋ ارقىلى تۇرعىن ٷي قۇرىلىس جيناقتارى جٷيەسٸ بويىنشا بەرٸلگەن جاڭا تۇرعىن ٷي يپوتەكالىق قارىزدارىنىڭ مٶلشەرٸ – 125 ميلليارد 29 ميلليون تەڭگە.
«سبەربانك» اق ەب – قارىز الۋشىلار سانى بويىنشا ەكٸنشٸ ورىندا. ولاردىڭ جالپى سانى – 11 483. ودان كەيٸن «قازاقستاننىڭ حالىق بانكٸ» اكتسيونەرلٸك قوعامىنان – 9 488 جەنە «بانك تسەنتر كرەديت» اكتسيونەرلٸك قوعامىنان – 8 432 ادام قارىز العان. اتالعان بانكتەردەن بٸرجولعى زەينەتاقى تٶلەمٸن پايدالانۋ ارقىلى جاڭادان الىنعان تۇرعىن ٷي يپوتەكالىق قارىزدارىنىڭ مٶلشەرٸ – 23 ميلليارد 167 ميلليون تەڭگە.
