بٸرىڭعاي جيناقتاۋشى زەينەتاقى قورىنىڭ سالىمشىلارى ٷشٸن 3,2 پايىز مٶلشەرٸندە ناقتى كٸرٸستٸلٸك قامتاماسىز ەتٸلدٸ. بۇل تۋرالى بٷگٸن ٷكٸمەت وتىرىسىندا قر ۇلتتىق بانك تٶراعاسى ەربولات دوساەۆ ايتتى, دەپ حابارلايدى قازاقپارات.
«بٸرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرٸ جىل باسىنان بەرٸ 3,7 پايىزعا ۇلعايىپ, وسى جىلعى قاراشانىڭ سوڭىندا 13,4 ترلن تەڭگە بولدى. بيىل 7 قاراشادا سالىمشىلاردىڭ زەينەتاقى جيناقتارىن مەرزٸمٸنەن بۇرىن الۋ ٷشٸن ورىندالعان ٶتٸنٸشتەرٸنٸڭ سانى 2,2 ترلن تەڭگە سوماسىنا 636,6 مىڭ ٶتٸنٸشتٸ قۇرادى. ونىڭ ٸشٸندە تۇرعىن ٷي مەسەلەلەرٸن شەشۋگە 2,1 ترلن تەڭگە تيەسٸلٸ بولدى», - دەدٸ ەربولات دوساەۆ.
ونىڭ دەرەگٸنشە, وسى جىلدىڭ 11 ايدىڭ قورىتىندىسى بويىنشا ينفلياتسييا 7,8 پايىز بولعان كەزدە 11 پايىز مٶلشەرٸندە كٸرٸستٸلٸك الىندى.
«وسىلايشا, جىلدىڭ باسىنان باستاپ بٸرىڭعاي جيناقتاۋشى زەينەتاقى قورىنىڭ سالىمشىلارى ٷشٸن 3,2 پايىز مٶلشەرٸندە ناقتى كٸرٸستٸلٸك قامتاماسىز ەتٸلدٸ», - دەدٸ ۇلتتىق بانك تٶراعاسى.
