Biryńǵai jinaqtaýshy zeinetaqy qorynyń salymshylary úshin 3,2 paiyz mólsherinde naqty kiristilik qamtamasyz etildi. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy QazAqparat.
«Biryńǵai jinaqtaýshy zeinetaqy qorynyń zeinetaqy aktivteri jyl basynan beri 3,7 paiyzǵa ulǵaiyp, osy jylǵy qarashanyń sońynda 13,4 trln teńge boldy. Biyl 7 qarashada salymshylardyń zeinetaqy jinaqtaryn merziminen buryn alý úshin oryndalǵan ótinishteriniń sany 2,2 trln teńge somasyna 636,6 myń ótinishti qurady. Onyń ishinde turǵyn úi máselelerin sheshýge 2,1 trln teńge tiesili boldy», - dedi Erbolat Dosaev.
Onyń dereginshe, osy jyldyń 11 aidyń qorytyndysy boiynsha infliatsiia 7,8 paiyz bolǵan kezde 11 paiyz mólsherinde kiristilik alyndy.
«Osylaisha, jyldyń basynan bastap Biryńǵai jinaqtaýshy zeinetaqy qorynyń salymshylary úshin 3,2 paiyz mólsherinde naqty kiristilik qamtamasyz etildi», - dedi Ulttyq bank tóraǵasy.
