قازاقستاندىقتار 2 تونناعا جۋىق التىن قۇيماسىن ساتىپ العان

مامىر ايىندا قازاقستاندىقتار جالپى سالماعى 60,7 كگ 1 813 قۇيما ساتىپ الدى. بۇل تۋرالى ۇلتتىق بانكتٸڭ باسپاسٶز قىزمەتٸ حابارلادى.

حالىققا تازارتىلعان التىن قۇيمالاردى ساتۋ جەنە ساتىپ الۋ باعدارلاماسىن ۇلتتىق بانك 2017 جىلى ٸسكە قوسقان بولاتىن. باعدارلاما جٷزەگە اسقالى جالپى سالماعى 1,95 توننا 54 780 التىن قۇيما ساتىلدى. 

التىن قۇيمالاردىڭ بەس تٷرٸ ۇسىنىلادى: 5, 10, 20, 50 جەنە 100 گ. ساتىپ الۋشىلار اراسىندا ەڭ كٶپ سۇرانىسقا يە بولعانى – 10 گرامدىق قۇيما. ونىڭ جالپى ساتىلىمداعى ٷلەسٸ 30% – 16 630 دانا. ودان كەيٸن 100 گرامدىق قۇيما – 12 128 دانا (22%) جەنە 20 گرامدىق قۇيما – 11 430 دانا (21%), 5 گرامدىق قۇيما – 8 650 دانا (16%), 50 گرامدىق قۇيما – 5 942 دانا (11%). نەگٸزٸنەن, ٶلشەنگەن قۇيمالار الماتى, نۇر-سۇلتان جەنە اتىراۋ قالالارىندا سۇرانىسقا يە.

التىن قۇيمالار سەنٸمدٸ ينۆەستيتسييالىق قۇرال بولا الادى. بانكتەر مەن بانكتٸك ەمەس ايىرباستاۋ پۋنكتتەرٸنٸڭ كليەنتكە اقشاسىن تٶلەپ, قۇيمالاردى «كٷنبە-كٷن» ساتىپ الا الاتىن مٷمكٸندٸگٸ – التىن قۇيمالار نارىعىنىڭ ٶتٸمدٸلٸگٸن قامتاماسىز ەتۋدە نەگٸزگٸ فاكتورعا اينالىپ وتىر. باعدارلاما ٸسكە قوسىلعان ۋاقىتتان بەرٸ جالپى سالماعى 5,8 كگ ٶلشەنگەن 177 قۇيما عانا كەرٸ ساتىپ الۋعا قابىلداندى. بۇل, ەرينە, التىن قۇيمالاردىڭ ۇزاق مەرزٸمدٸ ينۆەستيتسييالاۋ مەن جيناقتاۋ قۇرالى بولىپ تابىلاتىنىنا بايلانىستى.

ەر قۇيما قورعانىس ەلەمەنتتەرٸمەن (قۇيمالاردىڭ اينا بەتٸ, ميكروتەكست جەنە رەلەفتٸڭ شەتٸ), قۇيمالاردى مەحانيكالىق زاقىمدانۋدان قورعايتىن جەنە پاكەتتٸڭ اشىلعان-اشىلماعانىن تەكسەرۋدٸ جەڭٸلدەتەتٸن ارنايى قاپتامامەن شىعارىلادى. قورعانىس قاپتاماسى, سونىمەن قاتار, قۇيمانىڭ ساپا سەرتيفيكاتى بولا الادى. سوندىقتان قۇيمانى ساقتاعاندا مۇقييات بولىپ, ورامانى اشپاعان جٶن.

قازٸرگٸ ۋاقىتتا التىن قۇيمالاردى Halyk Bank-تە, ەۋرازييالىق بانكتە, Jusan Bank-تە, بانك تسەنتركرەديتتە, سونداي-اق بانكتٸك ەمەس ايىرباستاۋ پۋنكتتەرٸندە ساتىپ الۋعا جەنە ساتۋعا بولادى.