كٶرنەكٸ سۋرەت: elements.envato.com
الماتىدا ەستراداداعى تانىمال دۋەت جارنامالاعان Safari Mebel كومپانيياسىنىڭ باسشىسى ۇستالدى. كليەنتتەر كومپانييانى الاياقتىق جاسادى دەپ ايىپتاعان. ولار كومپانييا اقشا الىپ, ۋەدە ەتٸلگەن جيھازدى جاساپ بەرمەدٸ دەپ شاعىمدانعان, - دەپ حابارلايدى Tengrinews.kz تٸلشٸسٸ.
الماتىلىق ايگٷل الداياروۆا بىلتىر كٶكتەمدە المالى اۋدانىنداعى جاڭا ٷش بٶلمەلٸ پەتەرٸنە جيھاز العىسى كەلگەن. ول Safari Mebel-دەن تٶرت شكاف, ەكٸ كەرەۋەت, ديۆان, اس ٷيگە جەنە كٸرەبەرٸسكە ارنالعان جيھازعا تاپسىرىس بەرگەن. ەيەلدٸڭ ايتۋىنشا, بۇل كومپانييانى وتاندىق جۇلدىزدار جاقسى پٸكٸر بٸلدٸرگەنٸن كٶرگەننەن كەيٸن تاڭداعان.
"ولار Instagram-دا وسى كومپانييانىڭ جيھازىن ماقتادى. بٸز دە ساپالى جيھاز ٸزدەدٸك جەنە مۇنداي ادامدار جارنامالاسا, جاقسى كومپانييا شىعار دەپ ويلادىق. سٶيتٸپ, سەندٸك. ٶيتكەنٸ بٸزدٸڭ جۇلدىزدار كٸم بولسا سونى جارنامالايدى دەپ ويلامادىق. وسى جارناماعا الداندىق", - دەدٸ ول.
الداياروۆا 12 زاتقا تاپسىرىس بەرٸپ, ولار الدىن الا ٶلشەپ العاننان كەيٸن كومپانييامەن ارادا بەس ميلليون تەڭگەگە كەلٸسٸمشارت جاساعان. Safari Mebel باسشىسى قۇجاتتا تاپسىرىس 45 كٷن ٸشٸندە ورىندالاتىنىن ايتقان. سودان كەيٸن ەيەل 100 مىڭ تەڭگە كٶلەمٸندە الدىن الا تٶلەم جاساعان. ول بەس كٷن ٸشٸندە الدىن الا تٶلەم رەتٸندە جالپى كٶلەمٸ 2,5 ميلليون تەڭگە بەرگەن.
"22 ناۋرىزدا Safari Mebel ديرەكتورى امانجول سماعۇلوۆپەن كەلٸسٸم جاسادىق. ونىڭ كەڭسەسٸ "كەۋسار" بيزنەس ورتالىعىندا ورنالاسقان. ماعان تاۋار چەگٸ بەرٸلدٸ, بٸراق مەن فيسكالدى چەك بەرۋٸن ٶتٸندٸم. ول كەيٸنٸرەك بەرەتٸنٸن ايتتى, بٸراق اقىر اياعىندا بەرمەدٸ.
سەۋٸردٸڭ باسىندا ونىڭ كومپانيياسىنىڭ قىزمەتكەرلەرٸ بٶلمەلەردٸ ٶلشەۋگە كەلدٸ. ولار كەيٸن قايتا ٶلشەدٸ. ال 20 سەۋٸردە سوڭعى جيھازدىڭ ەسكيزٸن بەكٸتتٸك. اسٷي جيھازىنىڭ قۇنى - 1,8 ميلليون تەڭگە, شكافتار - 250 مىڭ, كٸرەبەرٸس جيھازى - 700 مىڭ تەڭگە. الدىن الا تٶلەمدٸ موبيلدٸ قوسىمشا ارقىلى ىسماعۇلوۆتىڭ ەيەلٸنٸڭ شوتىنا اۋداردىم", - دەپ قوستى ول.
الماتىلىق جيھازدى 5 مامىردا الۋى كەرەك ەدٸ. الايدا ونىڭ پەتەرٸندەگٸ جٶندەۋ جۇمىستارى بۇل كٷنگە دەيٸن اياقتالماعان, سوندىقتان ايگٷل جيھازداردى بٸرنەشە كٷننەن كەيٸن ەكەلۋٸن ٶتٸنگەن.
"كەلٸسٸمشارت جاساعان كەزٸندە Safari Mebel ديرەكتورى بەلگٸلەنگەن مەرزٸم ٸشٸندە دايىن تۇرعان پەتەرگە جيھاز ورناتا الماسا, بٸز ايىپپۇل تٶلەۋگە مەجبٷر بولاتىنىمىزدى ەسكەرتتٸ. ول وسىلاي قورقىتتى. بٸراق كەيٸن ول ٶتٸنٸشٸمە قۋانا-قۋانا كەلٸستٸ. 13 مامىردا پەتەر دايىن بولدى, بٸراق جيھازدى ەكەلمەدٸ. ول كەلەسٸ كٷنٸ بەرٸ جاسالاتىنىن ايتتى, بٸراق ۋەدەلەرٸ سوزىلا باستادى. سودان كەيٸن قوڭىراۋلار مەن حابارلامالارعا جاۋاپ بەرمەي قالدى. اياعىندا اشۋلانىپ, جوق دەگەندە دايىن جيھازدىڭ سۋرەتتەرٸن جٸبەرۋٸن سۇرادىم. جاۋاپ الماعاسىن, ەيەلٸنە حابارلاستىم. ول نە بولىپ جاتقانىن بٸلمەيتٸنٸن جەنە انىقتاۋعا تىرىساتىنىن ايتتى", - دەدٸ ول.
الداياروۆانىڭ ايتۋىنشا, ول جيھازدى تەك ماۋسىمنىڭ باسىندا الا باستاعان. جيھاز جينايتىن ماماندار ونى بٶلٸكتەرگە بٶلٸپ ەكەلگەن: الدىمەن جاقتاۋ, سودان كەيٸن ەسٸكتەر جەنە ت.ب.
"كەلٸسٸم بويىنشا, ەڭ الدىمەن ولار اس ٷي جيىنتىعىن ەكەلۋٸ كەرەك ەدٸ. بٸراق شكافتاردان باستادى. بٸرٸنشٸ جاقتاۋىن ەكەلٸپ ورناتتى. سونىمەن قاتار, بٸرنەشە بٶلٸككە بٶلٸپ ەكەلدٸ: بٸر كەلگەندە - شكافتىڭ جارتىسى, تاعى بٸر اپتادا نەمەسە 10 كٷندە باسقا بٶلٸگٸن دەگەن سەكٸلدٸ. ساپاسى تۋرالى ٷندەمەيمٸن, جيھازدىڭ جاعدايى ٶتە ناشار: بٷلٸنگەن, دۇرىس كەسٸلمەگەن. مەن وعان دا كٶندٸم. تەك جيھازدى جيناپ بەرسە بولدى دەدٸم. بٸراق جيھاز جينايتىندار ونى دا ٸستەمەدٸ.
ەرينە, وسى ۋاقىت ٸشٸندە Safari Mebel ديرەكتورى جٷيكەمٸزدٸ جۇقارتتى. ول بٸزدٸڭ جيھاز دايىن ەكەنٸن ايتتى, بٸراق جيھاز جينايتىن ماماندار جوق ەكەنٸن, ولار باسقا نىساندا جۇمىس ٸستەپ جاتقانىن, بوساعاننان كەيٸن بٸزگە كەلەتٸنٸن جەتكٸزدٸ. مەنٸڭ ويىمشا, ول وسىلايشا ۋاقىت سوزدى. سٸرە, بۇل كٶپ ادامدى تارتۋ ٷشٸن جاسالدى. سەبەبٸ بٸردەڭە دۇرىس ەمەس ەكەنٸن سەزدٸم", - دەدٸ ەيەل.
وسىدان كەيٸن الماتىلىق كەلٸنشەك كٷيەۋٸمەن بٸرگە وسى كومپانييانىڭ جيھاز تسەحىنا بارعان. بۇل بىلتىر شٸلدەدە بولعان. بٸراق ولار كٷتپەگەن جاعدايعا تاپ بولعان.
"امانجول سماعۇلوۆتىڭ تسەحىندا بٸزدٸڭ جيھازداردان مٷلدەم ەشتەڭە بولعان جوق. ول ٶزٸ ول جەرگە كەلمەدٸ. سودان كەيٸن بۇل Safari Mebel-دٸڭ مەنشٸگٸندەگٸ نىسان ەمەس ەكەنٸن بٸلدٸك. بۇل تەك جالعا الىنعان جەر ەكەن. بۇل شەبەرحانا ەمەس, جيھازدىڭ كەيبٸر بٶلشەكتەرٸ ساقتالعان قويما بولىپ شىقتى. شوشىپ كەتتٸك", - دەدٸ ول.
سودان كەيٸن الداياروۆا Safari Mebel ديرەكتورىنا شارت بۇزىلعاندىقتان سوتقا جٷگٸنۋ تۋرالى جازباشا ەسكەرتۋ جٸبەرگەن. ول وسى قاعازدان كەيٸن تاعى 10 كٷن سۇراعان.
"ول 30 شٸلدەدە قاعازعا قول قويىپ, وسى مەرزٸمگە دەيٸن جيھازدى ەكەلەتٸنٸن ايتتى. ول تٸپتٸ تاپسىرىسىمىزدى اياقتاۋ ٷشٸن اقشا جوق ەكەنٸن اشىق ايتتى, سوندىقتان قازٸر ول جاڭا تاپسىرىس الىپ, كليەنتتەر الدىن الا تٶلەگەننەن كەيٸن بٸزدٸكٸن اياقتايتىنىن جەتكٸزدٸ. مەن تاڭعالدىم.
بٸراق تامىزدا دا, قىركٷيەكتە دە جيھاز دايىن بولمادى. سول كەزدە باتىل شەشٸم قابىلدادىم. الايدا سماعۇلوۆتىڭ ەيەلٸ بٸزدٸڭ ٷيگە كەلٸپ, ٶنٸمنٸڭ ساپاسىن كٶرٸپ, ونىڭ جاعدايى ناشار ەكەنٸنە كەلٸستٸ. ول جٷكتٸ ەكەنٸن ايتتى جەنە كٷيەۋٸ تاپسىرىسىمىزدى اياقتاۋى ٷشٸن تاعى بٸر جارىم اي سۇرادى. ادامي تۇرعىدان ونىڭ جاعدايىن تٷسٸندٸم", - دەپ اتاپ ٶتتٸ ول.
الماتىلىق 8 قازانعا دەيٸن ٶز تاپسىرىسىن الا الماي, سوتقا ارىز بەرگەن.
"سماعۇلوۆ تا, ەيەلٸ دە قوڭىراۋلارعا جاۋاپ بەرمەدٸ. ول تٸپتٸ قايدا بارسام دا, ەشتەڭە ٸستەي المايتىنىمدى ايتتى. الايدا مەنٸڭ ٶتٸنٸشٸمنەن كەيٸن وسى الاياقتاردىڭ قۇرباندارى ماعان حابارلاسا باستادى. مەنٸڭ نٶمەرٸمدٸ Safari Mebel-دٸڭ جيھاز جينايتىن ماماندارى بەرگەن. ديرەكتورى ولارعا كەيٸنگٸ جارتى جىلدا جالاقى تٶلەمەگەن: بٸرەۋگە 800 مىڭ, بٸرەۋگە 900 مىڭ تەڭگە", - دەپ قوستى الداياروۆا.
باسقا زارداپ شەككەندەردٸڭ ايتۋىنشا, امانجول سماعۇلوۆ ولارمەن 2021 جىلدىڭ ناۋرىزىنا دەيٸن كەلٸسٸم جاساعان. سونداي-اق, ولارعا دا جيھازدى اياعىنا دەيٸن جاساپ بەرمەگەن. بارلىعى 30-دان اسا ادام جينالعان.
"بٸرەۋ 11 ميلليون تەڭگە, بٸرەۋ-بەس ميلليون تەڭگە كٶلەمٸندە الدىن الا تٶلەم جاسادى. مەندە جيھازدىڭ بٸر بٶلٸگٸ بار, بٸراق ەكٸ ميلليون تٶلەپ, ال التى ايدان اسا ۋاقىت ٶتسە دە, ەشتەڭە الماعان ادام بار. كەيبٸرەۋلەرٸندە مەنٸكٸ سيياقتى جاعداي: جيھازدىڭ بٸر بٶلٸگٸ عانا ورناتىلعان, ساپاسى ناشار", - دەپ قورىتىندىلادى ايگٷل الداياروۆا.
ەنشٸ بٷركٸت تە (شىن ەسٸمٸ ايبەك جانسەيٸتوۆ) وقيعاعا قاتىستى پٸكٸر بٸلدٸردٸ. ونىڭ سٶزٸنشە, Safari Mebel-مەن سەرٸكتەس بولۋدى كومپانييا ديرەكتورى امانجول سماعۇلوۆ ۇسىنعان.
"بٸر جارىم جىل بۇرىن Instagram ارقىلى ٶتٸنٸش جاسادى. تاپسىرىسقا جيھاز جاساپ بەرە الاتىنىن ايتتى. ٷيگە جيھاز قاجەت بولعاندىقتان كەلٸستٸك. بارتەر رەتٸندە كەلٸستٸك: ولار بٸزگە بالالار بٶلمەسٸنە جيھاز جاساپ بەرەدٸ, ال بٸز Instagram ارقىلى جارناما جاساپ بەرەمٸز. ارتىنشا امانجول ەسٸمدٸ جٸگٸت ٷيگە كەلٸپ, بەرٸن ٶلشەپ, بٸر ايدان كەيٸن دايىن بولاتىنىن ايتتى", - دەيدٸ ەنشٸ.
ونىڭ سٶزٸنشە, كەلٸسكەن ۋاقىتتا جيھاز دايىن بولعان. بٷركٸت پەن ايشاعا جيھاز ساپاسى ۇناعان, سوندىقتان Safari Mebel تۋرالى Instagram-پاراقشالارىندا جارناما جاساعان. بٸرنەشە ايدان كەيٸن ەنشٸ تاعى دا سول جيھاز كومپانيياسىنا جٷگٸنگەن.
"باسقا بٶلمەگە جيھاز جاساپ بەرۋلەرٸن سۇرادىم. ول تاپسىرىس كٶپ بولعاندىقتان كەيٸنٸرەك جاساپ بەرەتٸنٸن, قولى بوساعاننان كەيٸن كەلٸپ ٶلشەپ كەتەتٸنٸن ايتتى. بٸراز ۋاقىتتان كەيٸن جٸگٸتتەر كەلدٸ, بٸز نە قالايتىنىمىزدى كٶرسەتتٸك. كەلٸسٸمگە كەلگەننەن كەيٸن ولار كەتتٸ. سول ۋاقىتتان بەرٸ جيھازىمىزدى جاساپ جاتىر. ودان بەرٸ بٸر جىلدان اسا ۋاقىت ٶتتٸ.
ولارعا حات جازسام, جاقىندا جاساپ بەرەمٸز دەپ جاۋاپ بەرەدٸ. بٸراق قازٸر ولاردان ٷمٸت از. نە بولىپ جاتقانى جەنە نەگە بەرٸن كەشٸكتٸرٸپ جاتقانىن تٷسٸنبەيمٸز. بەلكٸم, بٸز جاقسى جارناما جاساعاننان كەيٸن ولاردا كليەنت كٶپ شىعار. مەنٸڭشە, ولار كٶپ تاپسىرىس الىپ, بەرٸن ورىنداي بەرمەيدٸ. بٸراق جۇمىس پەن ساپا جاعىنان Safari Mebel كومپانيياسىنا ەشقانداي شاعىم جوق. جيھازدار تاماشا, بالالار ريزا", - دەپ قوستى ول.
پوليتسييا Safari Mebel باسشىسى قاماۋعا الىنعانىن ايتتى. وعان قاتىستى قىلمىستىق كودەكستٸڭ 190-بابى 3-بٶلٸگٸنٸڭ 4-تارماعى "بٸرنەشە رەت جاسالعان الاياقتىق" بويىنشا سوتالدى تەرگەۋ امالدارى جٷرگٸزٸلٸپ جاتىر. ەر ادامعا باس بوستاندىعىن شەكتەۋ نەمەسە مٷلكٸ تەركٸلەنٸپ, ٷش جىلدان جەتٸ جىلعا دەيٸن باس بوستاندىعىنان ايىرۋ جازاسى كەسٸلۋٸ مٷمكٸن.
"Safari Mebel ديرەكتورىنىڭ جەنە باسقا دا تۇلعالاردىڭ الاياقتىق دەرەگٸ - ولاردىڭ ەلەۋمەتتٸك جەلٸدە ٶز قىزمەتٸن جارنامالاۋ ارقىلى تۇتىنۋشىلاردى تارتۋى. جارنامانى كٶرگەن ازاماتتار قىزمەتتٸڭ اشىقتىعىنا كٷمەن كەلتٸرمەي, ولارمەن بايلانىسقا شىققان. سەنٸمگە يە بولۋ ٷشٸن كٷدٸكتٸلەر ناقتى تاپسىرىس بويىنشا ٶلشەم جٷرگٸزٸپ, الدىن الا تٶلەم العان, تٸپتٸ جيھازداردى جاساۋ جەنە ورناتۋ بويىنشا كەلٸسٸمشارتتار جاساعان. نەتيجەسٸندە, الدانعان ازاماتتار جيھاز الماعان. ال ولار تٶلەگەن سومانى قايتارماعان",- دەدٸ الماتى قالالىق پد باستىعىنىڭ ورىنباسارى رۋستام ەبدٸراحمانوۆ.
ونىڭ ايتۋىنشا, 30-دان اسا ازامات ٶتٸنٸشپەن جٷگٸنگەن. قازٸر جالپى ماتەريالدىق شىعىن 32 ميلليون تەڭگەدەن اسادى.
"وسى تۇلعالاردىڭ قىلمىستىق ەرەكەتٸنەن زارداپ شەككەن ازاماتتاردى 8-777-250-68-37 - ەرعالي يبرايموۆ جەنە 8-701-624-28-24 - قايرات قاسىمباەۆ تەلەفوندارى ارقىلى حابارلاسۋدى سۇرايمىز", - دەدٸ ەبدٸراحمانوۆ.
