قر بٸلٸم جەنە عىلىم مينيسترٸ اسحات ايماعامبەتوۆ تامىز ايىندا سالدىرعان وتاندىق ەكپەدەن كەيٸنگٸ دەنساۋلىق جاعدايى تۋرالى ايتىپ بەردٸ, دەپ حابارلايدى قازاقپارات.
«بۇل – بٸزدٸڭ قازاقستان عالىمدارىنىڭ ٷلكەن ەلەۋەتٸن كٶرسەتەدٸ. مەملەكەت باسشىسىنىڭ تاپسىرماسىمەن بٸزدٸڭ عالىمدارىمىز ٶتە ٷلكەن كەرەمەت جۇمىس جٷرگٸزدٸ دەپ ايتۋىمىز كەرەك. كەيبٸر ۋاقىتتا عالىمدارىمىزدىڭ قانداي دەڭگەيدە ەكەنٸن تٷسٸنبەي جاتامىز, اندا-ساندا كوممەنتارييلەردٸ وقىپ تۇرامىن. مٷمكٸن ٶزٸمٸز دە جەتكٸزبەيتٸن شىعارمىز. بٸراق عالىمدارىمىز وسىنداي كەرەمەت ۆاكتسينا دايىنداپ شىعاردى. بۇل ۆاكتسينا ٶتە قىسقا مەرزٸمدە دايىندالدى. مامىر ايىندا دايىن بولىپ, كلينيكاعا دەيٸنگٸ زەرتتەۋلەر جٷرگٸزٸلٸپ بٸتكەن سوڭ, بٸرنەشە عالىم ٶزدەرٸنە وسى ەكپەنٸ سالىپ, ەرٸ قاراي ولاردىڭ اناليزدەرٸن كٶرٸپ, ەكپە بويىنشا ەش قاۋٸپ جوق ەكەنٸنە كٶزٸمٸز جەتٸپ وتىردى. سوندىقتان, وسى جۇمىسپەن اينالىسىپ, كٷندەلٸكتٸ وسى اقپاراتتى الىپ جٷرگەن سوڭ, مەن دە عالىمدارىمىزدى قولداۋ ٷشٸن وسى ەكپەنٸ ٶزٸمە سالدىرۋعا شەشٸم قابىلدادىم», - دەپ جاۋاپ بەردٸ بٸلٸم مينيسترٸ تٸلشٸ سۇراعىنا.
مينيستر ەكپەدەن كەيٸن انتيدەنەلەر پايدا بولسا دا, قاۋٸپسٸزدٸك شارالارىن ساقتاپ جٷرگەنٸن جەتكٸزدٸ.
«ەكپەنٸ تامىز ايىندا الدىم, ٶزدەرٸڭٸز كٶرٸپ وتىرسىزدار, بٸرنەشە اي ٶتتٸ. ەشقانداي دەنە قىزۋى, باسقا دا قيىندىقتار بولعان جوق. يممۋنيتەت بويىنشا تيٸستٸ انتيدەنەلەر پايدا بولدى. ونى مەن الماتىعا بارىپ, زەرتتەۋ بولىپ جاتقان زەرتحاناعا قانىمدى تاپسىرعاندا كٶزٸمٸز جەتتٸ. بٸراق, دەگەنمەن, وسىنداي يممۋنيتەت پايدا بولسا دا, قازٸرگٸ ۋاقىتتا دا بٸز سانيتارلىق تالاپتاردى بۇزباۋىمىز كەرەك. ماسكا تاعۋ بويىنشا, اراقاشىقتىق ساقتاۋ بويىنشا بارلىق تالاپتاردى ساقتاپ جٷرمٸن», - دەدٸ اسحات ايماعامبەتوۆ.
