قازاقستاندىق تيموفەي سكاتوۆ پورتۋگاليياداعى وەيراش چەللەندجەر تۋرنيرٸنٸڭ شيرەك فينالىنا شىقتى, دەپ حابارلايدى "ۇلت اقپارات".
دٷنيەجٷزٸلٸك رەيتينگتە 441-ورىندا تۇرعان 20 جاستاعى تەننيسشٸ ەكٸنشٸ اينالىمدا ەلەمنٸڭ 316-راكەتكاسى, پورتۋگالييالىق گونسالۋ وليۆەيرامەن كەزدەستٸ.
ت.سكاتوۆ 1 ساعات 16 مينۋتقا سوزىلعان ماتچتا 6:3, 6:1 ەسەبٸمەن جەڭٸسكە جەتتٸ.
ت.سكاتوۆ جارتىلاي فينالعا شىعۋ ٷشٸن ەلەمنٸڭ 363-راكەتكاسى, يسپانييالىق نيكولاس سانچە-يسكەردومەن تالاسادى.
تاعى بٸر قازاقستاندىق الەكساندر نەدوۆەسوۆ چەحييالىق رومان جەباۆىمەن بٸرگە جۇپتىق سىندا پارما (يتالييا) ATP تۋرنيرٸن جەڭٸسپەن باستادى.
قازاقستاندىق-چەحييالىق جۇپ يسپانييالىقتار داۆيد موررەرو - داۆيد ۆەگا-ەرناندەستٸ 6:7 (3:7), 6:2, 10:6 ەسەبٸمەن تٸزە بٷكتٸردٸ. ەندٸ ولار شيرەك فينالدا وسى دودانىڭ 1-راكەتكالارى, بەلگييالىقتار ساندەر جيللە - يوران فليگەنمەن شەبەرلٸك بايقاسادى.
