قازاقستاندىق ستريت-ارت سۋرەتشٸ پاشا كاس گونكونگتا شىعاتىن Forbes Asia جۋرنالىنىڭ جاس كٶشباسشىلار تٸزٸمٸنە ("30 Under 30") ەندٸ.
جۋرنالدىڭ جازۋىنشا, 3500 نومينانتتىڭ اراسىنان 30 جاسقا دەيٸنگٸ ەلەمدٸ ٶزگەرتۋگە دايار, جاڭاشىل ەرتٷرلٸ سالادا ٸستەيتٸن 300 ادام ٸرٸكتەلٸنٸپ الىنعان.
تٸزٸمدٸ قۇراستىرۋشىلار 25 جاستاعى پاشا كاستى ەلەۋمەتتٸك مەسەلەلەرگە قوعام نازارىن اۋدارتۋ ٷشٸن پروۆوكاتسييالىق ەدٸستەردٸ پايدالاناتىن سۋرەتشٸ دەپ اتايدى. مىسالى, سۋرەتشٸ سۋيتسيد مەسەلەسٸنە نازار اۋدارتۋ ٷشٸن الماتىداعى جارناما بيلبوردتارىنىڭ بٸرٸنە مانەكەن ٸلٸپ قويعان.
قازاقستان بويىنشا اۋاسى ەڭ لاس سانالاتىن تەمٸرتاۋ قالاسىندا 2016 جىلى ەكولوگييا مەسەلەسٸنە نازار اۋدارتۋ ٷشٸن كٶپ قاباتتى عيماراتتىڭ قابىرعاسىنا 15 مەترلٸك گراففيتي سالعان.
سول جىلى شىعارماشىلىق تۋىندىلارىنىڭ بٸرٸن قازاقستان اۋماعىندا يادرولىق قالدىقتاردى كٶمۋ مەسەلەسٸنە ارناپ, سەمەيدەگٸ بۇرىنعى يادرولىق پوليگون اۋماعىندا ەدۆارد مۋنكتٸڭ "كريك" كارتيناسىن قابىرعاعا تٷسٸردٸ.
"قازاقستان 21 عاسىردا يادرولىق قالدىق تٶگەتٸن ورىنعا اينالىپ بارا جاتىر. مەملەكەت ادامدارعا سىناق جاساۋىن تىيار ەمەس. بۇل - ٷنسٸزدٸك. ٷرەي. تورىعۋ. قىلمىس" دەدٸ سۋرەتشٸ سول كەزدە.
پاشا كاستىڭ شىعارماشىلىق تۋىندىلارى قازاقستاننان بٶلەك ٶزگە مەملەكەتتەردە دە كەزدەسەدٸ.
2019 جىلى سۋرەتشٸ نيۋ-يوركتەگٸ جاياۋ جٷرگٸنشٸلەر جولىنا اق تٷستٸ بوياۋمەن ادام كەسكٸنٸن سالىپ قويعان. وسىلايشا مەگاپوليستەردەگٸ ادامداردىڭ "نەمقۇرايلىعىن" جەتكٸزۋگە تىرىسقان.
بىلتىر پاشا كاستىڭ پەتەربۋرگتەگٸ تۋىندىسى "قوعامدىق كەڭٸستٸكتەگٸ ٶنەر" نوميناتسيياسى بويىنشا كۋرەحينا سىيلىعىنا يە بولدى. سۋرەتشٸ بۇل جەڭٸسٸن الماتىلىق بەلسەندٸلەر بەيبارىس تولىمبەكوۆ پەن ەسييا تٶلەسوۆاعا ارنادى. بەيبارىس پەن ەسييا بىلتىر سەۋٸر ايىندا مارافون كەزٸندە "شىندىقتان قاشىپ قۇتىلا المايسىڭ" دەگەن جازۋى بار باننەر ٸلگەنٸ ٷشٸن 15 كٷنگە قامالعان. ولاردى پوليتسييا "بەيبٸت جيىن ٶتكٸزۋ تەرتٸبٸن بۇزدى" دەپ ايىپتادى. بۇل اكتسييادان كەيٸن قازاقستاننىڭ تٷكپٸر-تٷكپٸرٸندە جاستاردى قولداعان تٷرلٸ اكتسييا ٶتتٸ. چەحييا, فرانتسييا, ۇلىبريتانييا, گرۋزييا, يتاليياداعى ستۋدەنتتەر ەكٸ بەلسەندٸنٸ بوساتۋدى تالاپ ەتٸپ, اكتسييا ٶتكٸزگەن.
