سەمەي يادرولىق پوليگونىنىڭ قۇربانى, سۋرەتشٸ كەرٸپبەك كٷيٸكوۆ لوندوندا جەكە سۋرەت كٶرمەسٸن ٶتكٸزدٸ.
ايتا كەتەرلٸگٸ, كەرٸپبەك كٷيٸكوۆ وسىدان التى جىل بۇرىن «ساۋساق ٸزدەرٸ جوق» دەگەن جەلەۋمەن بٸرٸككەن كورولدٸككە كٸرۋگە ۆيزا الا الماعان ەدٸ. وسىعان بايلانىستى, تۋا بٸتتٸ ەكٸ قولى جوق قوعام قايراتكەرٸنەن ۇلىبريتانييا ەلشٸلٸگٸ كەشٸرٸم سۇراپ, ولقىلىقتىڭ ورنى ەندٸ تولىپ وتىر, دەپ حابارلايدى قازاقپارات.
كەرٸپبەك كٷيٸكوۆ يادرولىق سىناقتاردىڭ ٷرەي تۋدىرار اۋىر زارداپتارى بەينەلەنگەن سۋرەتتەرٸن بريتانييا جۇرتشىلىعىنا ۇسىنىپ قانا قويماي, حالىقتى يادرولىق سىناقتارعا تىيىم سالۋعا باعىتتالعان اتوم جوباسىنىڭ ونلاين-پەتيتسيياسىنا قول قويۋعا شاقىردى.
«لوندون - بٷكٸل حالىق قۇلاق اساتىن ەلەم استانالارىنىڭ بٸرٸ. وسىندا ايتىلعان پٸكٸرلەر ەلەم جۇرتشىلىعىنىڭ نازارىنا ٸلٸگەدٸ», - دەدٸ ٶز سٶزٸندە سۋرەتشٸ.
بٸرٸككەن كورولدٸكتٸڭ قاۋىمدار پالاتاسى عيماراتىندا جەنە كورولدٸك اۆتوموبيلدەر كلۋبىندا ٶتكەن كٶرمەلەرگە بريتانييالىق دەپۋتاتتار, قازاقستان مەن ۇلىبريتانييا ديپلوماتييالىق كورپۋسىنىڭ, بۇقارالىق اقپارات قۇرالدارىنىڭ ٶكٸلدەرٸ قاتىستى. وندا «يادرولىق قارۋسىزدانۋ ٷشٸن كامپانييا» ۇيىمىنىڭ باس حاتشىسى كەيت حادسون قازاقستاننىڭ يادرولىق قارۋعا تىيىم سالۋ تۋرالى شارتتى راتيفيكاتسييالاۋىن ۇلى جەتٸستٸك دەپ باعالادى.
«بۇل باستاما قارۋسىزدانۋ قوزعالىسىنا ٷلكەن سەرپٸلٸس ەكەلدٸ», دەدٸ ول سٶزٸندە.
ال ۇلىبريتانييا پارلامەنتٸ لوردتار پالاتاسىنىڭ مٷشەسٸ جەنە «پارلامەنتارييلەر يادرولىق قارۋدى تاراتپاۋ جەنە جويۋ ٷشٸن» ۇيىمىنىڭ تەڭ تٶراعاسى بارونەسسا سيۋزان ميللەر يادرولىق قارۋدى سىناۋدىڭ قاۋٸپ-قاتەرٸ مەن سالدارىن ەلەم جۇرتشىلىعىنا جەتكٸزۋدەگٸ قازاقستاننىڭ رٶلٸن ايرىقشا اتاپ ٶتتٸ. ول ەسٸرەسە, كەرٸپبەك كٷيٸكوۆتىڭ جەكە باسىنىڭ تاعدىرى مەن ٶلشەۋسٸز ەڭبەگٸن ەرەكشە اتاپ ٶتتٸ. ۇلىبريتانييا پارلامەنتٸ قاۋىمدار پالاتاسىنىڭ دەپۋتاتى بوب ستيۋارت بولسا, كەرٸپبەك كٷيٸكوۆتىڭ اۋىرتپاشىلىققا تٶتەپ بەرٸپ, يادرولىق قارۋعا تولىق تىيىم سالۋ يدەياسىن ناسيحاتتاپ جٷرگەندٸگٸن ٷلكەن ەرلٸك, دەپ باعالادى.
سۋرەتشٸنٸڭ شىعارماشىلىق ساپارى شوتلاندييانىڭ استاناسى ەدينبۋرگتە دە جالعاستى. كەرٸپبەك كٷيٸكوۆ جەرگٸلٸكتٸ پارلامەنتتە سٶز سٶيلەپ, ەلەمدٸ بەيبٸتشٸلٸككە ٷندەدٸ. شوتلاندييانىڭ بٸرٸنشٸ مينيسترٸنٸڭ ورىنباسارى جەنە بٸلٸم مينيسترٸ دجون سۋيننمەن كەزدەستٸ. سونداي-اق ول مانچەستەردە دە جەكە كٶرمەسٸن ٶتكٸزٸپ, لورد-قالا مەرٸ ابيد لاتيف چوحانمەن ديدارلاستى.
