پرەزيدەنت نۇرسۇلتان نازارباەۆتىڭ «ۇلى دالانىڭ جەتٸ قىرى» اتتى ماقالاسى انكارادا تٷركييادا بٸلٸم الىپ جٷرگەن قازاقستاندىق ستۋدەنتتەر اراسىندا تالقىلاندى. ايتا كەتەرلٸگٸ, تەلٸمگەرلەرمەن بەلگٸلٸ ساياساتتانۋشى, تاريحشى عالىم بەرٸك ەبدٸعاليۇلى كەزدەسكەن بولاتىن.
كەزدەسۋ بارىسىندا جۋرناليستيكا, تاريح, كومپيۋتەر ينجەنەريياسى, دٸنتانۋ سيياقتى تٷرلٸ ماماندىقتاردا ماگيستراتۋرا مەن دوكتورانتۋرادا وقىپ جٷرگەن ستۋدەنتتەر پرەزيدەنت نازارباەۆتىڭ ماقالاسىن جىلى قابىلداعانىن, ونداعى ماقسات-مٸندەتتەردٸڭ ماڭىزدىلىعىن اتاپ ٶتتٸ. مەسەلەن, كونييا قالاسىنان كەلگەن فيلولوگ ەلدوس سٷلەيمەن «ارحيۆ-2025» جوباسىنان كٶپ ٷمٸت ارتاتىنىن, ەلەمدە قازاقستانعا قاتىستى اشىلماي جاتقان دەرەكتٸڭ كٶپ ەكەندٸگٸنە نازار اۋدارتتى. ال, دومبىراشى ەرجان ارقاباي ورتاق مەدەنيەت پەن مۋزىكانىڭ, ەدەبيەت پەن فيلوسوفييانىڭ تٷركٸ ەلەمٸ ٷشٸن ماڭىزىن العا تارتادى. ونىڭ ٶزٸ دە انكارادا دومبىرا كۋرسىن اشقان. بابا مۇراسىنا قىزىعۋشىلار سانى كٷن ساناپ ارتىپ كەلەدٸ ەكەن.
ٶز كەزەگٸندە بەرٸك ەبدٸعالي ەلباسى ماقالاسى حالىقتىڭ رۋحىن كٶتەرگەنٸن اتاپ ٶتتٸ. «بابالارىمىزدىڭ اتتى ەلەمدە العاش قولعا ٷيرەتكەنٸ بٸزگە ماقتانىش سەزٸمٸن سىيلايدى. بۇرىن دا بٸلەتٸنبٸز, بٸراق ونى ەلباسىنىڭ ايتقانى بٶلەك. ٶيتكەنٸ بٸزگە شىن مەنٸندە ماقتانىش سەزٸمٸ جەتٸسپەي جٷر. ول سەزٸم - جۇرتتى رۋحتاندىرادى. رۋح دەگەنٸمٸز - ۇلتتىق كود, قازاقشا ايتقاندا - تەكتٸلٸك. تەك كەتپەيدٸ, ٶزٸن ٸزدەيدٸ. بٸز ٶكٸنٸشكە قاراي, سونشاما جىل بوداندىقتا بولىپ ازات رۋحىمىزدى تٷسٸرٸپ الدىق. ٶزٸمٸزدٸ كٶشتەن كەيٸن قالعانداي سەزٸنەتٸن كومپلەكس, كەمباعالدىق سانا پايدا بولدى. سوندىقتان دا بٸز دۇرىس ماقتانا بٸلمەي جٷرمٸز. وسىدان ارىلۋدىڭ جولى ەلباسى ماقالاسىندا انىق كٶرسەتٸلگەن», - دەيدٸ بەرٸك ەبدٸعالي.
ونىڭ ايتۋىنشا, مەملەكەتتٸك سانانى كٶتەرٸپ, رۋحتى بيٸكتەتٸن تاريحتاعى ەسٸمٸ ۇلى تۇلعالار, باتىرلار مەن ەرلٸك داستاندارى. سوندىقتان ۇلتتى بٸرٸكتٸرەتٸن تۇلعالاردىڭ ەرلٸكتەرٸ, حاندارىمىزدىڭ قايراتكەرلٸگٸ, دانالاردىڭ دارالىعى ۇرپاققا كٶبٸرەك ناسيحاتتالۋى شارت.
«قازاق حالقى عاسىرلار بويى جانشىلىپ كەلگەن باتىرلىق رۋحىن قالپىنا كەلتٸرە الماي جاتىر. ۇلتتىڭ ۇلتتىق كودى اشتىقتان, رەپرەسسييا مەن قۋدالاۋدان بەسەڭسٸپ قالدى. سوندىقتان, ۇلتتىق رۋحىمىزدى تٸرٸلتۋگە, مەملەكەتتٸك سانامىز بەن ۇلتتىق تۇتاستىعىمىزدى قالىپتاستىرۋعا, كەۋدەسٸن ماقتانىش كەرنەگەن حالىق بولۋىمىزعا, تۇتاس تاريحي سانا-سەزٸمدٸ قالىپتاستىرۋعا ەلباسى ماقالاسىنىڭ ماڭىزى زور. وسى ماقالا اياسىندا عالىمدارعا ٷلكەن جٷك ارتىلىپ وتىر. ارعى تەگٸمٸزدٸ زەرتتەپ, ۇلى حالىقتىڭ مۇراگەرٸ ەكەنٸمٸزدٸ دەلەلدەۋ, دەرەكتەردٸ عىلىمي اينالىمعا ەنگٸزۋ عالىمداردىڭ جۇمىسى», - دەدٸ بەرٸك ەبدٸعالي.
.jpeg)