فوتو: olympic.kz
قازاقستان شورت-ترەك قۇراماسى 2026 جىلعى وليمپيادا ويىندارىنا بايلانىستى اسا ماڭىزدى بولعالى تۇرعان جاڭا ماۋسىمعا دايىندىقتىڭ كەلەسٸ كەزەڭٸنە كٸرٸستٸ. قازٸرگٸ ۋاقىتتا ۇلتتىق قۇراما استانادا وقۋ-جاتتىعۋ جيىنىن ٶتكٸزٸپ جاتىر. ايتا كەتەيٸك, بۇل پەتر گاميدوۆ باپتايتىن كوماندا ٷشٸن بيىلعى العاشقى جيىن ەمەس. تولىعىراق Olympic.kz ماتەريالىندا, دەپ حابارلايدى Ult.kz.
سەۋٸر مەن تامىز ارالىعىندا قازاقستاندىق شورت-ترەكشٸلەر ەكٸ بٸردەي جاتتىعۋ جيىنىن ٶتكٸزدٸ. وليمپيادالىق ماۋسىمعا دايىندىق سەۋٸر ايىنىڭ ورتاسىندا باستالدى. بۇعان دەيٸن سپورتشىلار ەلەم كۋبوگى كەزەڭدەرٸ, ازييا ويىندارى جەنە ەلەم چەمپيوناتى سىندى ماڭىزدى جارىستارعا قاتىسىپ, از ۋاقىت دەمالدى. ەسٸرەسە, ەلەم بٸرٸنشٸلٸگٸندە دەنيس نيكيشانىڭ كٷمٸس جٷلدەسٸ – ماۋسىمنىڭ باستى جەتٸستٸكتەرٸنٸڭ بٸرٸ بولدى.
ماۋسىم ٶتە قارقىندى ەرٸ كٷردەلٸ ٶتتٸ. بٸراق تابىستى بولدى. دەنيس نيكيشانىڭ جوعارى نەتيجەسٸ, حاربيندە ٶتكەن ازييا ويىندارىنداعى تاريحي التىن مەدال, سونداي-اق ەلەم كۋبوگىنىڭ بٸرنەشە كەزەڭٸندەگٸ كٶرسەتكٸشتەر – سونىڭ دەلەلٸ. قۇراماعا دەمالۋعا كٶپ ۋاقىت بەرٸلمەدٸ. ٶيتكەنٸ الدا تەك وليمپيادا عانا ەمەس, سونىمەن قاتار وعان ٸرٸكتەۋ كەزەڭدەرٸ دە كٷتٸپ تۇر.
2026 جىلعى وليمپيادا ويىندارىنا جولداما الۋ ٷشٸن شورت-ترەكتەن ەلەم كۋبوگىنىڭ ليتسەنزييالىق كەزەڭدەرٸنە قاتىسۋ قاجەت. جەلتوقسان ايىندا بۇل جارىسقا قاتىساتىن بارلىق ەل بەلگٸلٸ بولادى. قازاقستان قۇراماسى الداعى وليمپيادادا جٷلدەلٸ ورىندارعا تالاسا الادى. قازٸر بارلىق كٷش-جٸگەر دايىندىققا جۇمسالىپ وتىر.
"قازٸرگٸ ۋاقىتتا جوسپار بويىنشا دايىندالىپ جاتىرمىز. ماۋسىمعا سەۋٸردٸڭ ورتاسىندا كٸرٸستٸك. الدىمەن تٷركييادا ۆەلودايىندىق جاسادىق. مامىر ايىندا تاۋلى جەردە وقۋ-جاتتىعۋ جيىنىن ٶتكٸزدٸك. سول ايدان باستاپ, مۇزعا شىقتىق. قازٸر استانادا ٷشٸنشٸ جيىنىمىز ٶتٸپ جاتىر. ەلەم كۋبوگىنىڭ ٸرٸكتەۋ كەزەڭدەرٸنە دەيٸن ەلوردادا جاتتىعۋدى جالعاستىرامىز", – دەدٸ باس باپكەر پەتر گاميدوۆ.
ماماننىڭ ايتۋىنشا, دايىندىق جوسپارلى تٷردە جٷرٸپ جاتىر. ماۋسىمارالىق كەزەڭدە جوسپارلانعان جۇمىستاردىڭ بەرٸ ورىندالۋدا. قۇرامنىڭ نەگٸزگٸ ويىنشىلارى قاتاردا, ەلەۋلٸ ٶزگەرٸستەر جوق. سونىمەن قاتار جاتتىقتىرۋشى كوماندا ٸشٸندە دە ٸرٸكتەۋ بولاتىنىن اتاپ ٶتتٸ.
"قۇرامانىڭ قازٸرگٸ جاعدايى جاقسى. جاتتىعۋ ٷدەرٸسٸ تۇراقتى. بەرٸ ٶز جولىمەن جٷرٸپ جاتىر. بارلىق مامان قىزمەت اتقارۋدا, جٷيە دۇرىس جولعا قويىلعان. قىركٷيەكتٸڭ 10-15 ارالىعىندا ٸشكٸ ٸرٸكتەۋ ٶتكٸزەمٸز. سول ٸرٸكتەۋدٸڭ قورىتىندىسى بويىنشا وليمپيادادا ەل نامىسىن قورعايتىن قۇرامانى انىقتايمىز", – دەدٸ ول.
ايتا كەتەرلٸگٸ, وليمپياداعا باراتىن قۇراماعا اۆتوماتتى تٷردە ەنگەن بٸردەن-بٸر سپورتشى – دەنيس نيكيشا. بۇل شەشٸم 2025 جىلعى ەلەم چەمپيوناتىنان كەيٸن قابىلدانعان. ەستەرٸڭٸزگە سالا كەتەيٸك, نيكيشا مانسابىندا ەكٸنشٸ رەت ەلەم بٸرٸنشٸلٸگٸندە كٷمٸس مەدال يەلەندٸ.
بيىل ٶتەتٸن العاشقى تٶرت ەلەم كۋبوگى كەزەڭٸ (قازان جەنە قاراشا ايلارىندا) شەشۋشٸ بولماق. ەر قاشىقتىق بويىنشا ليتسەنزييالار سول جارىستاردا ساراپقا سالىنادى. رەيتينگ تە ٷلكەن رٶل اتقارادى. سوندىقتان باستى ماقسات - بارلىق كەزەڭدە جوعارى نەتيجە كٶرسەتۋ. بۇدان بٶلەك, كوماندا ەستافەتادا سەتتٸ ٶنەر كٶرسەتسە, قوسىمشا وليمپيادالىق جولداماعا قول جەتكٸزەدٸ.
ال 2026 جىلعى وليمپيادا ويىندارىنا تٸكەلەي دايىندىق قاڭتار ايىندا باستالادى.
