قازاقستاندىق ساراپشىلار بارلىق بالاعا جەردەماقى تاعايىنداۋدى ۇسىندى

ساراپشىلار بالالاردى بٶلٸپ جارماي جەردەماقىنى بەرٸنە بٸردەي بەرۋدٸ ۇسىنىپ وتىر. پٸكٸرلەرٸنشە, ەلەۋمەتتٸك تٶلەم وتباسىنىڭ تابىسىنا, مەرتەبەسٸنە, بالا سانىنا قاراي ٷلەستٸرٸلمەۋٸ تيٸس.

31-ارنانىڭ ينفورمبيۋرو جاڭالىقتار باعدارلاماسىنىڭ حابارلاۋىنشا, بۇل مەملەكەتتٸك قولداۋدىڭ شىن مۇقتاج جاندارعا جەتۋٸنە سەپ بولادى دەيدٸ. ٶيتكەنٸ جەردەماقى الاتىندار قاتارىندا تابىسى جەتكٸلٸكتٸ وتباسىلار دا بار. ال جالعىزباستى اتا-انالار ەلەۋمەتتٸك تٶلەمنەن قاعىلىپ وتىر.

قازٸر ەلدە بالالارعا بەرٸلەتٸن جەردەماقى تٷرٸ دە, مٶلشەرٸ دە كٶپ ەمەس. بالا كٷتٸمٸ ٷشٸن ەلەۋمەتتٸك تٶلەم 1,5 جىل بويى تٶلەنەدٸ. سوما – شامامەن 22 مىڭ تەڭگە. سونداي-اق كٶپبالالى وتباسىلارعا بالا سانىنا قاراي ٷلەستٸرٸلەدٸ. تٶرت بالاعا 60 مىڭ تەڭگە جەنە ەرٸ قاراي 4 ايلىق ەسەپتٸك كٶرسەتكٸش كٶلەمٸندە ۇلعايىپ وتىرادى.

بٸراق ۇل-قىزىن جالعىز تەربيەلەپ جٷرگەن اتا-انالارعا جەردەماقى بەرٸلمەيدٸ. سوندىقتان "حالىق فينانس" ساراپشىلارى ەمبەباپ جەردەماقى ەنگٸزۋدٸ ۇسىنىپ وتىر. سوعان سەيكەس, تٶلەم تاعايىندالۋى ٷشٸن وتباسىنىڭ تابىسى, بالا سانى, مەرتەبەسٸ ەسكەرٸلمەۋٸ تيٸس.

الايدا ساراپشى جانار جاندوسوۆا جەردەماقىنى وتباسىنىڭ ەلەۋمەتتٸك جاعدايى مەن مەرتەبەسٸنە قاراماي تاعايىنداۋ ەزٸرگە مٷمكٸن ەمەس دەيدٸ. ٶيتكەنٸ بارلىق بالانى تٶلەممەن قامتاماسىز ەتۋگە بيۋدجەت قارجىسى جەتپەيدٸ. قازٸر ٷكٸمەت جەردەماقى ٷشٸن جالپى ٸشكٸ ٶنٸمنٸڭ نەبەرٸ 0,5%-ىن بٶلٸپ وتىر. بۇل – شامامەن 500 ميلليارد تەڭگە.

"بٸز دامىعان ەلدەر سەكٸلدٸ جالپى ٸشكٸ ٶنٸمنٸڭ 2-3%-ىن جۇمساساق, بٷكٸل بالانى جەردەماقىمەن قامتي الامىز. بٸراق قازٸر مٷمكٸن ەمەس. بٸز ەۋەلٸ وسى 500 ميلليارد تەڭگەنٸ مۇقتاج وتباسىلارعا جەتكٸزۋگە كٷش سالۋىمىز قاجەت. ٶيتكەنٸ, قازٸر 2-3 بالا تەربيەلەپ وتىرعان جالعىزباستى اتا-انالار تالاپقا ساي كەلمەگەنٸ ٷشٸن جەردەماقى الا الماي وتىر. سوندىقتان قولدانىستاعى جٷيەنٸ جەتٸلدٸرۋ كەرەك", – دەدٸ ەلەۋمەتتانۋشى جانار جاندوسوۆا.

ٷكٸمەت ەلەۋمەتتٸك تٶلەمدەرگە 2-3 تريلليون قاراجات قاراستىرىپ جاتسا, كەدەيلٸك دەڭگەيٸ دە ايتارلىقتاي تٶمەندەۋٸ مٷمكٸن ەكەن.